Iðjuþjálfinn - 01.06.2015, Blaðsíða 47

47
Iðjuþjálfunarfræðideild við Háskólann á Akureyri (HA) leitast við að veita
nemendum bestu mögulegu menntun
sem í boði er á hverjum tíma. Að
loknu námi skulu nemendur útskrifast
sem sjálfstæðir og öflugir fagmenn
með sterka fagvitund og starfsímynd.
Tilgangur rannsóknarinnar var að
kanna álit og viðhorf iðjuþjálfanema
og iðjuþjálfa af náminu við HA og
hversu vel það undirbjó þá undir störf á
vettvangi. Settar voru fram eftirfarandi
rannsóknarspurningar:
1) Hvert er álit og viðhorf iðjuþjálfanema
á þriðja og fjórða ári til núverandi náms
í iðjuþjálfunarfræði við HA?
2) Hvert er álit og viðhorf iðjuþjálfa,
sem útskrifuðust fyrir einu til þremur
árum, til þess náms sem þeir stunduðu í
iðjuþjálfunarfræði við HA? og
3) Hvernig finnst iðjuþjálfum, sem út­
skrifuðust fyrir einu til þremur árum
síðan, nám í iðjuþjálfunarfræði við
HA hafa undirbúið þá fyrir störf m.t.t.
faglegrar færni
og þátttöku? Til
að ramma inn
rannsóknina var
notað kanadíska
iðjulíkanið um
færni við iðju
( C M O P - E ) .
Notuð var
megin d leg rann sóknaraðferð og gagna
aflað með vefrænni spurninga könnun.
Þýði rannsóknarinnar voru nemendur
á þriðja og fjórða ári vorið 2014 og
iðjuþjálfar sem útskrifuðust fyrir einu
til þremur árum. Alls voru sendir út
65 spurningalistar og svör bárust frá
47 einstaklingum eða 72,3%. Stærstum
hluta nemenda fannst námið mjög
krefjandi, fjölbreytt og áhugavert.
Almennt voru nemendur ánægðir með
uppbyggingu námsins en óánægja
kom fram með vægi hins hagnýta og
verklega hluta. Flestum nemendum
fannst námið samræmast vel hlutverki
iðjuþjálfa og þörfum samfélagsins fyrir
þjónustu. Iðjuþjálfarnir töldu námið
hafa undirbúið þá vel fyrir starfið og
fannst fag leg færni sín hafa verið góð
við lok námsins. Það tók þó iðju þjálfana
oft ast 6 mánuði eða jafnvel eitt ár að
upplifa faglega færni í starfi en u.þ.b.
þriðjungur töldu að það hefði tekið eitt
ár eða meira.
Lykilhugtök: Nám í iðjuþjálfun,
fagmennska, fagleg færni, fagleg þátt-
taka.
Leiðbeinandi: Guðrún Pálmadóttir,
dósent
Nám í iðjuþjálfun
við Háskólann á Akureyri
– Álit og viðhorf nemenda og iðjuþjálfa
Kristín Heiða Garðarsdóttir Svala Helga SigurðardottirErna Kristín Sigmundsdóttir
Ágrip útskriftanema 2014
Þetta verkefni er heimildasamantekt með nýsköpun. Tilgangur verkefnis-
ins er að skoða hvernig tónlist hefur verið
notuð með börnum og einnig hvaða
möguleikar eru á notkun hennar til að
hafa jákvæð áhrif á þátttöku barna og
iðju þeirra. Þær rannsóknarspurningar,
sem leiða verkefnið, eru eftirfarandi:
1) Hefur tónlist eflandi áhrif á iðju
og þátttöku barna á aldrinum 4-13 ára
og þá með hvaða hætti? 2) Hvernig
geta iðjuþjálfar nýtt tónlist til eflingar
á færni við iðju og þátttöku barna á
aldrinum 4-8 ára? Fyrri spurningunni
er svarað með heimilda samantekt
og þeirri síðari með nýsköpun. Sú
hugmyndafræði, sem verkefnið byggir
á, er kanadíska hugmyndafræðin ásamt
þroskakenningum. Heimildasaman-
tekt in leiddi í ljós að iðjuþjálfar nota
tónlist hvorki mikið né markvisst í starfi
sínu. Þó hefur verið sýnt fram á að
möguleikarnir séu miklir. Einnig kom
fram að tónlist hefur áhrif á ýmsa þætti
sem snerta færni barna og þátttöku
þeirra í daglegu lífi, s.s. a) verki, b)
hreyfingar, c) tilfinningar og hegðun d)
hugarstarf og e) tjáningu og samskipti.
Má því segja að tónlist sé hægt að nýta
í meira mæli innan iðjuþjálfunar vegna
þeirra margvíslegu áhrifa sem hún getur
haft. Niðurstöður heimildasamantektar
voru nýttar til nýsköpunar sem er
þríþætt. Í fyrsta lagi var námskeiðið
„Leikur með tónlist“ í þeim tilgangi að
gera tónlist aðgengilegri fyrir iðjuþjálfa
og gera þeim kleift að nota hana á
einfaldan hátt í starfi sínu. Í öðru lagi
var hönnuð fræðsla þar sem notkun og
notagildi námskeiðsins er kynnt fyrir
iðjuþjálfum og í þriðja lagi var sett upp
hugmynd að smáforriti (app) sem ætlað
er til notkunar samhliða námskeiðinu.
Lykilhugtök: Tónlist, iðjuþjálfun,
þátttaka, efling iðju.
Leiðbeinandi: Sara Stefánsdóttir,
lektor.
Taktu þátt
– tónlist og taktur í starfi iðjuþjálfa með börnum
Jóhanna Svava Sigurðardóttir og Lísbet Reykjalín
Elvarsdóttir