Skólavarðan - 01.09.2010, Page 7

7
Skólavarðan 4.tbl. 2010málefni
Brýnt að bjóða upp á
fjölbreyttari námsleiðir
»
Texti: Hallur Þorsteinsson
Myndir: Finnbogi Marinósson og js
Aukið svigrúm til þróunar námsbrauta og nýtt framhaldsskólapróf eru meðal stórra
breytinga sem ný lög um framhaldsskóla fela í sér. Margir unglingar í grunn- og
framhaldsskólum eiga erfi tt með að fi nna sér nám við hæfi og mikið brottfall er úr námi
eftir að skyldustiginu lýkur. Kennarar og skólastjórnendur hafa nú aukinn stuðning
í lögum til að koma betur til móts við þennan hóp nemenda en áður en brýnt er að
fylgja lögunum eftir og ráðstafa fé til þessa gríðarlega mikilvæga málafl okks. Hallur
Þorsteinsson skoðaði nokkrar hliðar á þessu máli og ræddi við kennara, áfangastjóra,
náms- og starfsráðgjafa og sérfræðing í menntamálaráðuneytinu sem öll koma að
fjölgun námsleiða og framkvæmd menntalaga en með ólíkum hætti.