Skólavarðan - 01.09.2010, Side 46

46
Skólavarðan 4.tbl. 2010
Í síðasta blaði kynntum við nýja ráðgjafar-
þjónustu á vegum Skólavörðunnar og Kenn-
arasambandsins. Hægt er að spyrja eftirtalda
ráðgjafa um mál sem heyra undir þeirra verk-
svið. Nokkur erindi hafa borist þar sem óskað
var eftir að bréfin yrðu ekki birt og hefur þeim
verið svarað persónulega. Önnur bréf verða
birt í Skólavörðunni eða á www.ki.is
Fyrirspyrjandi getur óskað nafnleyndar þótt
hann gefi leyfi sitt fyrir birtingu bréfs.
Hvert á að senda fyrirspurn?
Á netfangið kristin@ki.is og merkja hana í
bréfatitili með þessum hætti: RÁÐGJÖF
(nafn ráðgjafa).
Dæmi: RÁÐGJÖF Margrét Gunnarsdóttir.
stutt
Félagsmenn KÍ!
Nýtið ykkur ráðgjafarþjónustuna
Kaup og kjör
Ráðgjafi: Ingibjörg Úlfars-
dóttir launafulltrúi KÍ.
Vinnuumhverfi
Ráðgjafi: Hafdís Dögg Guð-
mundsdóttir starfsmaður
vinnuumhverfisnefndar KÍ.
Starfsendurhæfing
Ráðgjafi: Margrét Gunnars-
dóttir ráðgjafi KÍ hjá VIRK.
Samkeppni um mynd-
verk og slagorð lokið
Efnt var til samkeppni um myndverk til birt-
ingar í Skólavörðunni og slagorða til birtingar
í henni eða Eplinu fyrr á þessu ári. Rúmur
tugur verka barst og vann ekkert þeirra til
1.-3. verðlauna en höfundar tveggja verka
hlutu viðurkenningu og fimmtán þúsund króna
peningaverðlaun. Annað verkanna er birt á
blaðsíðu 50 í þessu blaði og hitt verður birt í
næsta tölublaði. Við þökkum öllum sem áttu
innsend verk kærlega fyrir þátttökuna!
Tveir búnir að tilkynna
framboð - frestur rennur
út 15. október
Þau Elna Katrín Jónsdóttir varaformaður KÍ
og Þórður Á. Hjaltested varaformaður FG eru
búin að tilkynna framboð sitt til formanns-
kjörs KÍ. Hægt er að tilkynna framboð til 15.
október. Sjá auglýsingu á bls. 28 í síðustu
Skólavörðu og á vef KÍ, www.ki.is
Sigrún og Árni með toppfyrirlestra á ársfundi ANMA
Ársfundur ANMA, félags tónlistarháskóla á Norðurlöndum
og í Eystrasaltsríkjum, var haldinn í Listaháskólanum
dagana 6. og 7. september.
Til fundarins mættu rektorar tónlistarháskólanna og ræddu sín
á milli um samstarf skólanna, markmið í alþjóðasamstarfi,
þróun kennslu og endurmenntun. Einnig var borin saman
mismunandi uppbygging tónlistarnáms á öllum námsstigum
í viðkomandi löndum. Meðal framsögumanna á fundinum
voru Sigrún Grendal, formaður Félags tónlistarskólakennara
(FT) og Árni Sigurbjarnarson, stjórnarmaður í FT og
skólastjóri Tónlistarskóla Húsavíkur. Þau Sigrún og Árni
fluttu góða fyrirlestra sem vöktu athygli og umræður en
fyrirlestra sína byggðu þau á könnun FT, „Greining
á kerfi tónlistarskóla á Íslandi“, og fleiri gögnum.
Í könnuninni eru ólík skólalíkön skoðuð út
frá þjónustu-, kostnaðar- og virknistuðlum,
skiptingu í námsáfanga, kennslugreinum,
aldri nemenda o.fl. Þessi könnun auk
úttektar Anne Bamford á stöðu list-
fræðslu á Íslandi eru meðal þess
sem rætt er um á yfirstandandi
svæðisþingum tónlistarskóla-
kennara víða um land.