Þjóðmál - 01.09.2012, Qupperneq 19

18 Þjóðmál haust 2012
slag voru þó kaffihúsin þeirra ekki undir;
aðeins nútíminn . Nútímalegar kröfur
um framtíð lækninga á Íslandi . Þessi
harði hópur afturhaldsseggja hefur því
einsett sér að gefa ekkert eftir varðandi
skipulagsmál í kaffihúsahverfinu sínu .
Harðvítugar deil ur hafa geisað á síðum
Fréttablaðsins vegna áforma eigenda
símareitsins um að nýta bygg ingarrétt
sinn . Þar leggja menn dýrt undir . Heilagur
páfi næturlífsins, Páll Óskar, er stór orður
og hótar að hlekkja sig við brota bómur ef
eigendur voga sér að ráðast á hans helgustu
vé, NASA . Kinnroðalaust lýsti hann þessu
yfir þrátt fyrir svikin við sína huldumey,
þegar villuljós Hörpu tældu hann til sín .
BIN-hópurinn, sem staðið hefur fyrir
undirskriftasöfnun gegn byggingu hótels
og niðurrifs NASA, lýsir þeim áformum
sem „vanvirðingu við byggingararfinn“
og bendir á „sögulegt og menningarlegt
mikilvægi NASA-salarins“ . Menningarlegt
mikilvægi! Já, einmitt . Örsaga NASA er
hér notuð sem réttlæting fyrir varðveislu
húss, sem ekkert stendur eftir af nema
framhliðin . Hún hefur þegar verið friðuð .
Salurinn á bakvið á sér vissulega sögu og
verður að segjast að það kemur skemmti-
lega á óvart að menningarelítan skuli
leggja slíkan tilfinningahita í að veg-
sama verk Sjálfstæðisflokksins . Þögnin
sem ríkir um tilurð salarins fær mann
þó til að efast um að lífi Páls Óskars yrði
svo fjálglega fórnað ef baráttan stæði um
félagsheimili sjálfstæðismanna eða mötu-
neyti Símans . Nei, það sem hér ræður ríkj-
um er uppskafningsháttur og hræsni fólks
sem á óskammfeilinn hátt er að skara eld
að eigin köku og ætlar skattgreiðendum að
standa straum af dekurverkefnum sínum .
Menningarsagan er aðeins fyrir sláttur .
Botnlausum taprekstri NASA á að ýta yfir
á skattgreiðendur . Hávaðinn út af málinu
er til kominn vegna þess að skipulagsráð
hefur áttað sig á ábyrgðinni sem á það
fellur ef samningar eru brotnir . Skrefið,
sem tekið hefur verið, er smátt því að
vinningstillagan rís tæpast undir kröfum
burðugs miðbæjarlífs . Hún er þó skref í
rétta átt . Heil fjögur ár eru liðin frá hruni
og það er kominn tími til að horfa fram á
veginn . Koma sér út úr molbúahugsuninni
um að allt hafi verið svo dásamlegt endur
fyrir löngu . Endur fyrir löngu átti fátækt
fólk sér stóra drauma; Landsbankinn,
Reykjavíkur Apótek, Eimskipafélagshúsið
bera því vitni . Hugmyndasnauð „endur-
gerð“ þess sem var er myndbirting óttans
sem situr eftir hrunið . Borgaryfirvöld
gætu byrjað á að viðurkenna mistök með
því að fjarlægja Landsyfirréttarhúsið af
Lækja rtorgsreitnum . Það gæti orðið upp-
hafs skref að miðbæ sem þjónaði öllum
Reykvík ingum . Vilji menn halda áfram
að lifa í fortíðinni geta þeir búið henni
ból á Miðbakkanum . Þar er frumleikinn
til staðar, fiskur og slor og þar gæti
draumurinn um litla, fátæka fiskiþorpið
lifað góðu lífi áfram .
Nú er farið að halla á seinni helming ráðsmennsku Besta flokksins í
Reykja vík . Sumarið hefur verið kaffi húsa -
eigendum og viðskiptavinum þeirra hag-
fellt . En haust ið minnir á sig og lægð irnar
koma nú hver af annarri, jafnt yfir torg
sem túrista . Í kjöl far þeirra sigla svo árs-
hluta reikningarnir og boða kaldan vetur
fyrir gleðigengið sem lofaði að svíkja allt .
Og stóð við það .