Þjóðmál - 01.09.2012, Síða 30

Þjóðmál haust 2012 29
farið á Íslandi í dag, þrátt fyrir að alla skatt-
peningana sem fara til hins opinbera . Þetta
hef ég sjálf upplifað í störfum mínum hjá
Mæðrastyrksnefnd Reykjavíkur .
Það á ennfremur að vera eitt af stóru
verkefnum Sjálfstæðisflokksins að stuðla að
því að hjálpa fólki til sjálfshjálpar á ný . Það
er einmitt það sem flestir þrá, að vera sjálfs
sín megandi en ekki upp á aðra komnir .
Hér þarf Sjálfstæðisflokkurinn að beita sér .

Gegn græðgi
Sjálfstæðisflokkurinn þarf að skera upp
herör gegn græðgi, sjálfhygli og óheiðar-
leika og þeirri áráttu sem því miður alltof
margir eru haldnir í þjóðfélagi okkar, að
maka krókinn, hvar og hvenær sem þeir
komast í aðstöðu til þess, yfirleitt alltaf á
kostnað annarra . Þetta er að mínum dómi
orðið nokkurs konar þjóðarböl . Hér er þörf
á hugarfarsbreytingu hjá þjóðinni og þar á
Sjálfstæðisflokkurinn að vera í fararbroddi .
Eyðsla um efni fram
Það er í raun óþolandi þegar ríkisvaldið
gengur undan með vondu fordæmi um
hvernig að fara með fé . Ég þekki ekki
nokkurn mann sem vildi fá þá sem stjórna
peningamálum ríkisins til að sjá um fjármál
heimilisins fyrir sig . Þetta er fé án hirðis . Það
er svo grátlegt því þetta eru sömu pening-
arnir og við leggjum okkur öll hart fram við
að afla um allt þjóðfélagið á hverjum einasta
degi . Samkvæmt útreikningum Sambands
ungra sjálfstæðismanna byrjuðum við á
þessu ári að vinna fyrir okkur sjálf 9 . júlí,
fram að því vorum við eingöngu að vinna
fyrir útgjöldum hins opinbera, og dugar
ekki einu sinni til . Lítið á fjárlög ársins
2011 og síðan útkomuna í Ríkisreikningi .
Fjárlagahallinn nær tvöfaldaðist . Hann
átti að vera 46 milljarðar skv . áætlun en
þegar upp var staðið reyndist hann 89
milljarðar . Forstöðumaður í einkafyrirtæki,
sem kæmi með slíka útkomu, yrði líklega
látinn taka pokann sinn . Virðing fyrir
þeim fjármunum sem almenningur leggur
í okkar sameiginlegu sjóði er eitt af því sem
Sjálfstæðisflokkurinn á að beita sér fyrir
til að vinna næstu kosningar sem og betri
rekstur hins opinbera . Þá getum við aftur
lækkað skatta sem er brýn nauðsyn á, bæði
til að hvetja fólk og fyrirtæki til athafna .

Ísland standi utan ESB
Ísland varð fullvalda ríki árið 1918 og
lýðveldi árið 1944 . Í margar aldir vorum
við norsk eða dönsk nýlenda og flestir
Íslendingar lifðu við mikla fátækt og
vesöld með erlent yfirvald í landinu .
Sjálf stæðisbarátta Íslendinga var löng og
ströng en hún skilaði okkur loks fullum
yfirráðum yfir landi voru og þjóðfélagi .
Íslendingar eru fámenn þjóð sem hefur á
undra skömmum tíma risið upp úr því að
vera fátækasta ríki Evrópu í það að verða
ein auðugasta þjóð veraldar, einmitt vegna
þess að hún fékk loks að ráða sjálf sínum
málum . Aðild okkar að Evrópusambandinu
V irðing fyrir þeim fjármunum sem almenningur leggur í
okkar sameiginlegu sjóði er eitt af
því sem Sjálfstæðisflokkurinn á að
beita sér fyrir til að vinna næstu
kosningar sem og betri rekstur hins
opinbera . Þá getum við aftur lækkað
skatta sem er brýn nauðsyn á, bæði
til að hvetja fólk og fyrirtæki til
athafna .