Félagsbréf - 01.06.1961, Qupperneq 18

PÁLL V. G. KOLKA:
I L CONDOTTIERE
Condottiere er ítalska heitið á þeim atvinnuhermönnum á síðari hluta miðalda, sem
söfnuðu um sig flokki manna og gengu með ,þeim á mála, þar sem hæst var boðið
hverju sinni. Margir þeirra voru þýzkir riddarar. Haninn rauði var á þeirra máli
eldurinn, sem galaði á húsþökum, iþegar farið var báli og brandi um byggðir. Leitin
að helgum Gral var alþekkt yrkisefni á miðöldum, og er það þekktast nú á tímum
úr óperunni Lohengrin.
Sem gall er þetta gamalfrcega vin,
sem gull mitt kaupir hér við suðrœn torg,
er hugsa eg um hlið og tind við Rin
og hruninn vegg i minni feðraborg.
Til óðals míns lá engin leið til baka,
það erfðu grenjaskolli og leðurblaka,
um skörð og gœttir gnauða stormsins org.
Eg lagði af stað í leit að helgum Gral,
mín leynda þrá sem ör af boga flaug.
Þó fœri eg með furðu léttan mal,
var fjaðurmagn í hverjum vöðva og taug.
Eg hét, að fé og heiður skyldi ég vinna
og hefja að nýju óðal feðra minna.
Hvort var það eg eða lifið sjálft, sem laug?
Þvi líf mitt, það er orðið sem það er.
Mitt afl og þor og sverð var látið falt.
Eg efldi vaskan flokk til fylgdar mér
af farandliði og dýran mála galt,
en ekki varð minn hlutur nema hálfur,
eg hefði getað eignazt ríki sjálfur,
ef notað hefði eg afl og vit mitt allt.