Morgunblaðið - Sunnudagur - 15.11.2015, Blaðsíða 28

Umhverfis jörðina
á 110 flöskum
Morgunblaðið/Ásdís
Steingrímur Sigur-
geirsson fer með les-
andann í ferðalag um
heim allan í nýrri bók.
S
teingrímur hefur áður skrif-
að um vín en nálgast við-
fangsefnið á annan hátt í
þetta sinn. „Þetta er allt
öðruvísi bók. Í hinum var frekar
verið að kafa ofan í einstök svæði,
farið yfir víngerðina, hvernig á að
bera fram vín með mat og allur sá
pakki. Hérna er er ég að segja
sögur í gegnum 110 vín. Þetta var
mjög skemmtilegt verkefni en það
erfiða var að finna þau 110 vín sem
ég vildi segja frá,“ segir Stein-
grímur.
Erfitt að velja á milli vína
Mikil vinna liggur í því að ákveða
hvaða vín, af öllum tegundum
heims, ættu að rata í bókina. „Svo
byrjaði ég að velja vínin og fyrstu
áttatíu gengu rosalega vel en þeg-
ar það voru tuttugu eftir fór þetta
að vera erfitt. Það voru kannski
áttatíu í viðbót sem ég hefði viljað
segja frá. Rosalega erfitt að velja á
milli. En það sem ég vildi gera var
að hafa mikla breidd, bæði land-
fræðilega og stílfræðilega og segja
söguna í gegnum þessi vín,“ segir
hann.
Myndskreytt af listakonum
Þrjár listakonur myndskreyta bók-
ina og er hún ekki síður myndlist-
arbók en vínbók. Þær Rán Flygen-
ring, Lóa Hjálmtýsdóttir og Sigga
Björg skiptu með sér verkum og
fylgir ein mynd hverri vínflösku.
„Það var svo frábærlega gaman í
öllu þessu ferli að sjá hvernig þær
tóku textann frá mér og gæddu
hann lífi. Ég var alltaf afskaplega
spenntur að sjá hvernig mynd
myndi koma varðandi eitthvert til-
tekið vín. Þær nálguðust þetta all-
ar á ólíkan hátt, hafa allar sinn
sérstaka stíl. Maður sér það á
myndunum að þær settu sig vel
inn í hvert vín og tókst að fanga
það mjög vel í mynd. Mér finnst
það gera alveg svakalega mikið
fyrir bókina. Ég man ekki eftir að
hafa séð vínbók af þessu tagi neins
staðar og hef ég séð þær margar,“
segir hann.
Sum vín þarf fólk að smakka
Steingrímur á erfitt með að velja á
milli vína. „Ég á ekkert uppáhalds-
vín en það eru nokkur vín sem
áhugamenn ættu að smakka að
minnsta kosti einu sinni um ævina.
Eins og La Tour og Búrgúnda-
vínin,“ segir hann. Í bókinni má
finna vín við allra hæfi. „Sum þessi
vín eru bara stórkostleg vín en
önnur eiga sér einhverja sögu.
Þarna eru einföld vín upp í bestu
vín veraldar.“
NÝ BÓK UM VÍN
* Rosalega erfitt aðvelja á milli. En þaðsem ég vildi gera var að
hafa mikla breidd, bæði
landfræðilega og stíl-
fræðilega og segja söguna
í gegnum þessi vín
FÁIR HÉR Á LANDI ÞEKKJA VÍN JAFN VEL OG STEINGRÍMUR SIGURGEIRSSON. ÚT
ER KOMIN BÓK SEM ALLIR VÍNUNNENDUR VERÐA AÐ EIGNAST EN STEIN-
GRÍMUR FER MEÐ LESANDANN UM HEIMINN Á 110 FLÖSKUM, EINS OG TITILL
BÓKARINNAR GEFUR TIL KYNNA. BÓKIN ER FALLEGA MYNDSKREYTT EN
ÞRJÁR LISTAKONUR FENGU ÞAÐ VERKEFNI AÐ TÚLKA VÍNIN Í MYNDLIST. ÚT-
KOMAN ER GLÆSILEG BÓK FYRIR ALLA FAGURKERA.
Ásdís Ásgeirsdóttir asdis@mbl.is
28 MORGUNBLAÐIÐ SUNNUDAGUR 15.11. 2015
Matur og drykkir
Ármúla 26 | 108 Reykjavík | Sími 578 4400 |