Morgunblaðið - Sunnudagur - 15.11.2015, Blaðsíða 20
20 MORGUNBLAÐIÐ SUNNUDAGUR 15.11. 2015
Ferðalög og flakk
„Þetta er leikplanið!“ Töflufundur með eigandanum, Garðari Guðmundssyni.
D
arren Huckerby, 39 ára
miðherji öldungaliðs
Norwich City, fær
langa og háa sendingu
fram völlinn. Eins og manni sem á
að baki 465 leiki sem atvinnumaður
sæmir drepur hann tuðruna niður á
túkalli. Eðlið býður honum ekki
annað en að leggja strax til atlögu
við markið. Til varnar er Franz
Ploder, 58 ára miðvörður Gróttu,
kominn alla leið til Norwich úr fá-
sinninu á Seltjarnarnesi. „Ég renni
mér bara utan á þennan gaur,“
hugsar Huckerby, einn fljótasti
leikmaðurinn sem leikið hefur í
ensku úrvalsdeildinni, með sér og
skiptir um gír. Veðbankar eru ekki
á bandi gestsins frá Íslandi í þess-
ari rimmu en Franz er þó hvergi af
baki dottinn, grefur eins djúpt og
honum er mögulega auðið í vík-
ingaeðlið og fylgir miðherjanum
eftir – öllum að óvörum. Aðallega
þó honum sjálfum. Líkt og Skarp-
héðinn forðum tekst Franz á loft,
stekkur í veg fyrir Huckerby og ýt-
ir knettinum aftur fyrir endamörk.
Hornspyrna og almannavarnir
lækka viðvörunarstigið úr rauðu í
appelsínugult.
Því miður fyrir Franz og félaga
hans í öldungaliði Gróttu var þetta
í eina skiptið þetta kvöld sem menn
náðu Darren Huckerby. „Hann hef-
ur engu gleymt og er ennþá í
svakalegu formi,“ segir Pétur Blön-
dal, stormsenter Gróttu, og þeir
miðvellingurinn Þorsteinn Stef-
ánsson, sem einnig tók þátt í leikn-
um, eru sammála um að þeir hafi
ekki í annan tíma mætt betri leik-
manni á velli. „Það er ekki gramm
af fitu á manninum og okkur skilst
að hann vinni tvítuga stráka enn í
spretthlaupum,“ bætir Þorsteinn
við.
Skoruðu fimm mörk
Þeir segja „bakvörðinn sem aldrei
sést í vörninni“, Vilhjálm Alvar
Halldórsson, hafa kviðið glímunni
við Huckerby sérstaklega. Í hót-
fyndni sinni sá almættið auðvitað til
þess að Vilhjálmur var einn á móti
Huckerby strax á fyrstu mínútu
leiksins. „Huckerby gleymdi alveg
að láta Villa vita að hann ætlaði að
hlaupa. Og þegar Villi tók á sprett
var eins og hann hreyfðist ekki úr
sporunum við hlið hans,“ segir Pét-
ur og hlær með bakföllum.
„Þá hrópaði ég á Villa að taka
hann úr umferð,“ skýtur Þorsteinn
inn í og hlær. „Það munaði engu að
hann missti alveg lífsviljann. En
það lifnaði aftur yfir honum seinna
í leiknum þegar ég bauð honum að
færa sig á hinn kantinn.“
Þeir muna ekki hvað Huckerby
skoraði mörg mörk í leiknum en
þau voru mörg. Ef hann skoraði
þau ekki, lagði hann þau upp. Nor-
wich skoraði átta mörk þetta kvöld
en Grótta fimm. Hljómar ekkert
svo rosalega illa ef við horfum
framhjá þeirri staðreynd að gest-
irnir komu tuðrunni í tvígang í eig-
ið mark. 10:3 urðu sumsé lyktir
leiksins.
„Þetta féll þeirra megin,“ segir
Pétur sposkur á svip.
Hann viðurkennir að það hafi
strax sett að gestunum ugg þegar
þeir sáu hvað stóð á töflunni í bún-
ingsklefa heimaliðsins: Sky is the li-
mit!“
Virða ber Gróttu það til vorkunn-
ar að helmingur leikmanna Nor-
wich var undir fertugu en yngsti
Seltirningurinn er 43 ára.
Stjórinn „smurði“ menn
Í marki Norwich stóð Dean Kiely,
sem margir muna eftir með Charl-
ton Athletic í úrvalsdeildinni og
írska landsliðinu. Þorsteinn gerði
sér lítið fyrir og skoraði tvívegis
framhjá honum, annað markið beint
úr aukaspyrnu. Ólafur Garðarsson
gerði þriðja mark Gróttu. Af tillits-
semi við sálarlíf sjálfsmarkaskor-
aranna verða nöfn þeirra ekki birt
hér.
Í hjarta varnar Norwich var
sjálfur knattspyrnustjóri úrvals-
deildarliðs félagsins, Skotinn Alex
Neil, sem Guðjón Þórðarson kallaði
„Óla Þórðar-týpu“ á síðum þessa
blaðs fyrir skemmstu. Pétur og
Þorsteinn geta vel kvittað upp á
það. Neil gaf engin grið. „Hann
hljóp kannski ekki mikið en stjórn-
aði uppspilinu og var mest í því að
„smyrja menn“. Við fengum að
reyna ófáar skoskar skriðtæklingar
á eigin skinni. Stundum yfir hálfan
völlinn. Neil trúði okkur fyrir því
alveg iðrunarlaust eftir leikinn að
hann hefði verið að safna mönn-
um,“ segir Pétur hlæjandi en Neil
er aðeins 34 ára og lék sinn síðasta
leik sem atvinnumaður með Hamil-
ton Academical í Skotlandi í byrjun
þessa árs. Heill mannsaldur er síð-
an yngstu Gróttumennirnir léku
síðast í meistaraflokki. Hafi þeir á
annað borð gert það.
Fokillur yfir þessu
„Eigandi“ Gróttu, Garðar Guð-
mundsson, oft kenndur við rokk,
var að sjálfsögðu með í för en hann
hefur haldið utan um öldungabolt-
ann hjá Gróttu í 31 ár. Garðar seg-
ir sína menn hafa gefið sig alla í
leikinn en við ofurefli hafi einfald-
lega verið að etja. „Ég er fokillur
yfir þessu. Í fyrsta lagi vorum við
drifnir beint í leikinn eftir langt og
strangt ferðalag og í öðru lagi voru
flestir leikmenn Norwich miklu
yngri en við. Þeir voru gjörsamlega
búnir eftir ferðalagið, karlarnir
LENGI LIFIR Í GÖMLUM GLÆÐUM
„Þetta féll
þeirra megin!“
ÖLDUNGALIÐ GRÓTTU Í KNATTSPYRNU HÉLT Í VÍKING UM LIÐNA HELGI OG SÓTTI HEIM
HIÐ FORNFRÆGA FÉLAG NORWICH CITY Í ENGLANDI. HART VAR BARIST EN GÖMUL
HETJA ÚR ENSKU ÚRVALSDEILDINNI REYNDIST ENGU HAFA GLEYMT OG GERÐI
GÆFUMUNINN FYRIR HEIMAMENN. ALLIR GENGU ÞÓ ÓSÁRIR AF VELLI.
Orri Páll Ormarsson orri@mbl.is
Leikmenn Gróttu réðu illa við
hinn eldfljóta Darren
Huckerby. Eins myndavélin.
Gróttumaðurinn Pétur Blöndal og Gylfi Þór Sigurðsson kankvísir í lestinni á leið frá Norwich til Lundúna.