Morgunblaðið - Sunnudagur - 15.11.2015, Blaðsíða 32
32 MORGUNBLAÐIÐ SUNNUDAGUR 15.11. 2015
Græjur og tækni Lögreglan í Kaliforníu stöðvaðisjálfkeyrandi bíl frá tækniris-anum Google fyrir að keyra of
hægt. Bíllinn keyrði á rúmlega
35 km hraða 60 km svæði.
Ekki fylgir fréttum af atvikinu
hver fékk sektina, bíllinn eða
bílstjórinn.
Sjálfkeyrandi bíll stöðvaður
Vísindamenn telja sig hafa fundið
eldfjöll á dvergplánetunni Plútó en
núna eru að berast upplýsingar frá
geimfarinu New Horizons sem
flaug framhjá Plútó í sumar.
„Þetta er stórmerkilegt þótt vís-
indamönnum hafi dottið í hug að
mögulega gætu fundist eldfjöll á
dvergplánetunni,“ segir Sævar
Helgi Bragason, stjörnufræðingur
og útskrifaður jarðfræðingur með
B.Sc. í jarðfræði.
„Ekki er enn búið að staðfesta
að um eldfjall sé að ræða en ef
þarna er einhvers konar eldfjall er-
um við að tala um íseldfjall, þ.e. að
í stað rauðglóandi hrauns rennur
frá þessum eldfjöllum blanda af
vatnsís, nitri, ammoníaki og met-
ani.“
Íseldfjöll á Plútó
DVERGPLÁNETAN PLÚTÓ
HEFUR MÖGULEGA AÐ
GEYMA ÍSELDFJÖLL SAM-
KVÆMT NÝJUM MYNDUM
FRÁ PLÁNETUNNI.
Myndir frá geimfarinu New Horizons af Plútó gefa til kynna að á plán-
etunni séu íseldfjöll sem spúa ísvatni, nitri, ammoníaki og metani.
Ein helsta bylting í tölvuheiminum síðustu áratugi erspjaldtölvan og þar var Apple í fararbroddi með iPadinn,framúrskarandi apparat sem er enn með gríðarlega yf-
irburði þegar slíkar tölvur eru annars vegar.
Undanfarin ár hefur þó heldur dregið úr áhuga manna á
spjaldtölvum, enda hafa snjallsímar farið stækkandi, en Apple
svaraði því með iPad Mini, átta tommu meistaraverki (gamli
iPadinn er með 10,2" skjá), og bætir enn við iPad-línuna með
nýrri vél, iPad Pro, sem er með risaskjá, þegar spjaldtölvur
eru annars vegar – 12,9" skjá
hvorki meira né minna.
Það er einmitt risaskjárinn sem
vekur mesta athygli þegar maður
tekur vélina úr kassanum, en þegar
kveikt er á græjunni byrjar maður
að gapa. Málið er nefnilega að það
að sjá svo stóran Retina-skjá er
ógleymanleg upplifun, upplausnin
er svo mikil og litirnir svo bjartir
og eðlilegir.
Skjárinn er þó ekki það eina sem gerir vélina eftirtekt-
arverða, heldur líka „blýantur“ til að skrifa á skjáinn og
teikna, Apple Pencil, sem er ótrúlega fljótur að svara, nánast
eins og maður sé að draga blýant yfir pappírsblað. Hann er
líka næmur á þrýsting rétt eins og venjulegur blýantur og svo
má halla honum aðeins til að ná misbreiðum strikum. Víst hef
ég séð slíkt áður, en aldrei eins vel útfært. Teiknipenninn
gengur fyrir rafmagni og því þarf að hlaða hann, en hver
hleðsla dugir í allt að tólf tíma. Hann styður líka hraðhleðslu
og þannig má til að mynda ná hleðslu til þrjátíu mínútna notk-
unar á fimmtán mínútum.
Nýjasta útgáfan af iOS fellur eins og flís við rass að iPad
Pro, en að því sögðu verður eflaust einhver bið eftir því að
hugbúnaður fari að nýta sér skjáinn og eins „blýantinn“ af viti.
Eflaust eiga Apple-smiðir líka eftir að endurbæta stýrikerfið
og eins sjálfa vélina á næstu árum, enda sér hver í hendi sér
hvað hún býður upp á marga nýja möguleika.
Með svona fleka í höndunum er kannski eðlilegt að spyrja
hverjum vélin sé ætluð, hvort þetta sé bara apparat fyrir at-
vinnumenn, teiknara, arkitekta og tónsmiði, til að mynda.
Svarið er að þó þetta sé snilldar-atvinnutæki, þá er þetta líka
frábær tól á heimilið, til að horfa á myndir, lesa blöð eða tíma-
rit og bækur, svo dæmi sé tekið, færir okkur enn nær upplif-
uninni af pappírnum og losar okkur við óhagræðið að að basl-
ast með hann. Svo er þetta afbragðs staðgengill fartölvu í ótal
tilvikum, nýtist jafn vel eða betur í flestum tilvikum fyrir
flesta. Einhverjir þurfa vissulega stundum öflugra stýrikerfi en
iOS, með fullri virðingu fyrir því að öðru leyti, en ekki er þó
ástæða til að kvarta yfir hraða, í vélinni er 64 bita A9X ör-
gjörvinn og hún er skruggusnögg í allri vinnslu.
Hingað til hef ég haft mikið dálæti á iPad Mini og tekið
hann fram fyrir stóru systur sína. iPad Pro er nýtt uppáhald,
öflugri, flottari og bara miklu, miklu betri.
ÓGLEYMANLEG UPPLIFUN
HAFI EINHVER HALDIÐ AÐ SPJALDTÖLVURNAR
VÆRU BÚNAR AÐ SYNGJA SITT SÍÐASTA, ALLIR
KOMNIR MEÐ SVO STÓRA SÍMA AÐ ÞEIR ÞURFA
EKKI ANNAÐ, ÞÁ RENNA EFLAUST Á HANN
TVÆR GRÍMUR ER HANN LÍTUR NÝJAN IPAD
FRÁ APPLE. MÁLIÐ ER AÐ IPAD PRO, SEM ER
MEÐ SANNKALLAÐAN RISASKJÁ, 12,9", SETUR NÝ
VIÐMIÐ FYRIR SLÍK TÆKI Í NOTAGILDI OG
TÆKNILEGRI ÚTFÆRSLU.
* Upplausnin á skjánum er 2732 x 2048 díl-ar, 5,6 milljónir díla alls og gefur 226 díla á
tommu. Öll þessi upplausn notar eðlilega mikið
rafmagn, en til að ná iPad-staðli, ef svo má segja,
þ.e. að hægt sé að nota tölvuna allan daginn,
beitir Apple tæknibrellum og endurteiknar bara
þá hluta skjásins sem eru ekki óbreyttir. Fyrir
vikið endist rafhlaðan í allt að tíu tíma við sam-
fellda notkun
* Lykilatriði í framleiðni er lyklaborð ogApple kynnir nýtt lyklaborð sem er í senn hlíf
fyrir skjáinn, Smart Keyboard kallast það, en upp
sett veitir það líka stuðning við skjáinn þannig að
hann breytist í einskonar fartölvu. Tenging milli
lyklaborðs og tölvu er einkar vel af hendi leyst.
* Segja má að vélin sé varla komin á markað,Epli er eitt af fyrstu fyrirtækjum sem fá hann í
sölu og mér skilst að aðeins verði takmarkað
magn í boði til að byrja með. Hann er fáanlegur
í tveimur stærðum, 32 GB sem kostar 149.990
kr. og 128 GB sem kostar 179.990 kr., bæði
bara með þráðlausu neti, en 128 GB útgáfan er
líka fáanleg með rauf fyrir 4G-kort og kostar þá
199.990 kr. Litirnir á vélunum sjást hér til hliðar.
Græjan
ÁRNI
MATTHÍASSON
Þrjár stærðir,
þreföld ánægja.
Jólaskeið ERNU 2015 og
servíettuhringur ársins
Verð 21.500,-
Verð 12.500,-
Silfurmunir og skartgripir síðan 1924
ERNA
Skipholti 3 – Sími 552 0775 – erna.is
Í fyrsta sinn frá 1974
er jólaskeiðin
skreytt báðum megin.
Skeiðin er hönnuð af Ragnhildi Sif Reynisdóttur, gullsmið og hönnuði
og myndskreytt af Hildi Ingu Björnsdóttur, myndlistarmanni.
GULL- OG SILFURSMIÐJA