Morgunblaðið - Sunnudagur - 15.11.2015, Blaðsíða 30

30 MORGUNBLAÐIÐ SUNNUDAGUR 15.11. 2015
Fjölskyldan Krakkafréttir á RÚV eru kærkomin viðbót við barnaefni í sjónvarpi.Fréttirnar eru á dagskrá mánudag til fimmtudag kl.18.50 og svo eru
allir fréttatímar vikunnar endursýndir á laugardagsmorgnum
kl.10.20. Fréttatímarnir eru fræðandi og skemmtilegir.
Kærkomnar krakkafréttir
SKEMMTILEG INNIVERA
Skjálaust skammdegi
ÞAÐ ER VIÐBÚIÐ AÐ FRAMUNDAN SÉU DAGAR ÞAR SEM VIÐRAR LÍTIÐ TIL ÚTIVERU. ÞAÐ ER FREISTANDI AÐ LEYFA KRÖKKUNUM AÐ KÚRA SIG FYRIR
FRAMAN SJÓNVARPIÐ EÐA HANGA Í TÖLVUNNI EN OFT ER HÆGT AÐ FINNA EITTHVAÐ MIKLU SKEMMTILEGRA AÐ GERA.
Fjölskyldumeðlimir eru: Hjalti Kristinn,
7 ára, Kristján Skírnir, bráðum 11 ára,
Gerður Kristný rithöfundur og Kristján
B. Jónasson, bókaútgefandi í Crymogeu.
Þátturinn sem allir geta horft á? „Við
horfum iðulega saman á Útsvarið. Stund-
in okkar stendur líka fyrir sínu. Eftir fá-
einar vikur rennur síðan upp rétti tíminn
til að horfa saman á jólamyndina Nation-
al Lampoon‘s Christmas Vacation með
Chevy Chase. Það er árviss viðburður að
horfa á hana á aðventunni.“
Maturinn sem er í uppáhaldi hjá öll-
um? „Á laugardögum eldar Kristján oft
lasagna. Þótt það bragðist aldrei
tvisvar eins er það alltaf jafn-
ljúffengt.“
Skemmtilegast að gera saman?
„Okkur finnst gaman að fara í leik-
hús, bíó og í ferðalög. Oftast er farið
norður í Skagafjörðinn þar sem fjöl-
skylda Kristjáns býr. Í sumar brugðum
við okkur síðan til London þar sem við
heimsóttum m.a. Harry Potter kvik-
myndaverið, The Tower of London og
heilsuðum upp á risaeðlubeinagrindur.“
Borðið þið morgunmat saman? „Já,
það gerum við. Yngri kynslóðin fær sér
morgunkorn en sú eldri kaffi
og ávexti. Allir taka hins
vegar lýsi.“
Hvað gerið þið saman
heima ykkur til dægra-
styttingar? „Við höfum
óskaplega gaman af borð-
spilum og erum miklir aðdá-
endur Spilavina. Þangað för-
um við
stundum til
að læra ný
spil. Heima
hjá okkur
spilum við
aðallega lúða-
spil, Stratego
og King of
Tokyo sem
eru bæði
feiki-
skemmtileg.“
EFTIRLÆTI FJÖLSKYLDUNNAR
Borðspilaaðdáendur sem
bíða eftir Chevy Chase
Vissulega þarf ekki að segja nein-
um að það að lesa bók með börn-
unum sé góð tómstundaiðja en
hvað með að taka þetta skrefinu
lengra og fá barnið eða börnin til
að setja upp leikrit upp úr bókinni
eða einstök atriði. Í því felst að
þurfa að finna búninga, fá hug-
myndir, stilla upp leikmunum, æfa
og sýna. Dágóð stund og hægt að
gleyma sér lengi í þessu. For-
eldrar mega auðvitað reyna að
fara í inntökupróf og fá hlutverk
eða bíða spennt í hlutverki áhorf-
enda.
Klassísk ævintýri eru til dæmis
vel til þessa fallin, svo sem Rauð-
hetta, Gullbrá og birnirnir þrír
(bangsar geta auðveldlega leikið
hlutverk ef barnið er eitt) eða ein-
hver gömul og góð íslensk þjóð-
saga svo sem Búkolla.
Leikið bókina
Morgunblaðið/G.Rúnar
Klassískur innileikur er að draga
fram öll teppi og púða og leyfa
virkis- og húsasmíði á góðu plássi.
Þeir sem vilja hafa allt í röð og
reglu verða að bíta á jaxlinn enda
leikurinn þess virði.
Nýr vinkill á þennan leik er að
foreldrar leggi sig extra fram og
hengi léttar snúrur yfir herbergið
(krefst auðvitað króka en það er
ekki mikið mál að koma þeim upp
með smáfyrirvara) og leyfi börn-
unum að búa til hálfgerð tjöld með
því að leggja lök á milli og festa þau
með þvottaklemmum. Krókana þarf
ekkert að taka niður en snúrurnar
má svo geyma inni í skáp þess á
milli. Þeir sem eiga gott, hreint og
rúmgott þvottahús geta líka leyft
að búa til tjaldvirki þar inni og
nota þvottasnúrurnar í tjaldgerð-
ina. Inn í þessi litlu athvörf má svo
fara með nesti, liti, vasaljós og það
sem fólki dettur í hug til að gera
leikinn skemmtilegri. En það má
líka kaupa tilbúin tjöld til að hafa
innandyra, svo sem í IKEA.
Meiri metnaður í virkið
Þetta er ótrúlegt skemmtilegt
og krefst þess að eiga pappa-
kassa og tússliti en yfirleitt er
það ekki mikið vandamál.
Hafið kassann fremur rúm-
an þannig að barnið geti auðveld-
lega legið í kassanum og athafn-
að sig og látið það hafa litina.
Það má svo myndskreyta kassann
að innan, skreyta hann eins og
lítið „heimili“ og svo má teikna
glugga og dyr utan á kassann.
Jafnvel er hægt að fá hjálp for-
eldranna við að klippa hurðir og
glugga á kassann. Aðal-
skemmtunin er yfirleitt skreyt-
ingin innan í kassanum enda eitt-
hvað notalegt við að liggja í litlu
pappahúsi í næði. Og ekki er
verri tilfinningin að maður geti
„krassað“ hvar sem er.
Pappakassi og tússlitir
Það er klassísk uppástunga að baka
eitthvað eða elda góða máltíð þegar
fólki leiðist innandyra. En hvað
með að prófa að leita sér upplýs-
inga um þjóðarrétti einhverra
landa og prófa að elda þá? Þannig
má gera þetta að sannkallaðri
menningarstund og læra eitthvað
nýtt um leið og bragðlaukarnir eru
gladdir. Svo má líka breyta þessu í
þjóðarköku – jafnvel leita ekki
langt yfir skammt heldur baka
þjóðarköku Norðmanna, sem þeir
kalla einfaldlega „Verdens beste“ á
norsku. Uppskriftina má finna víða
á netinu.
Bakið
þjóðar-
köku
Hér kemur skjár að vísu við sögu en á
afar skapandi og uppbyggilegan hátt.
Í myndaalbúmum er eflaust að finna
fjöldann allan af myndum úr hvers-
deginum, stórhátíðum og sumarfríum.
Hægt er að hlaða niður forritum á
spjaldtölvur og síma svo sem Pronto
sem gera notendum kleift að skrifa inn
svolítinn texta með myndunum. Leyfið
krökkunum að útbúa slíka texta – oft
mjög skemmtilegt að sjá hvað þau
hafa að segja um hvað var að gerast
hverju sinni og frábær heimild fyrir
framtíðina þegar minningarnar eru
kannski farnar að mást út.
Skrifið
myndatexta
Krökkum
finnst oft
ótrúlega
gaman að
leikjum sem
krefjast þess
að þau giski
á eitthvað, eða að fá einhverjar
þrautir til að leysa úr. Skemmti-
legur leikur til þess er finna góðan
taupoka og velja ofan í hann 10-12
smáhluti sem er kannski ekki auð-
velt að finna út úr hvað eru nema
horfa á þá. Þeim er svo blandað í
pokann og sá sem dregur úr þeim
einn hlut í einu er með bundið fyrir
augun og á að giska út frá því að
koma við hlutina hvað þeir eru.
Skorað á
skynfærin
Jólin eru á næsta leiti og þótt mörgum
þyki of snemmt að fara að föndra er
hægt að gera eitt sem mjög margir eru
á síðustu stundu með en það er að út-
búa heimagerða merkimiða á pakkana
– og enda á að kaupa þá rándýra
stundum. Flestir vita hverjum þeir
ætla að gefa gjafir svo það er um að
gera að nýta krafta yngstu kynslóð-
arinnar í að klippa, lita og skrifa á
merkimiða og hafa þá tilbúna á góðum
stað í skúffunni rétt fyrir aðfangadag.
Annað sem er líka ekkert að því að
byrja á núna er að föndra dagatal því
það þarf jú að byrja að opna það 1. des-
ember. Það getur jafnvel verið dagatal
gert af barni fyrir fullorðinn. Kannski
bara lítið ljóð eða mynd sem er svo rað-
að í 24 umslög sem eru svo opnuð eitt
og eitt í einu á morgnana í desember.
Dagatalið undirbúið