Morgunblaðið - 25.11.2015, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 25. NÓVEMBER 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Smiðurinn var einbeittur við vinnu sína, með
skrúfu í munnvikinu og bor í hendi, að smíða
skjólvegg innan um berar hríslurnar. Sæmilega
viðrar til útivinnu næstu daga en úrkoman mun
aukast. Spáð er hægt vaxandi sunnanátt í dag
með snjókomu eða slyddu. Þegar líður á kvöldið
verða átta til fimmtán metrar á sekúndu á land-
inu. Það hlýnar í veðri og hitinn verður tvö til sjö
stig en vægt frost á Austurlandi.
Tréverk innan um beran trjágróður
Morgunblaðið/Golli
Úrkomusamt í dag og ýmist fellur snjókoma eða slydda á landinu
Helgi Bjarnason
helgi@mbl.is
Stjórnendur Björgunar hafa lýst
yfir altjóni vegna dæluskipsins
Perlu sem sökk í Gömlu höfninni í
Reykjavík í byrjun mánaðarins.
Ráðstöfun flaksins er á hendi
tryggingafélagsins Sjóvár. Stjórn-
endur Björgunar ráða nú ráðum
sínum um framhaldið.
Perla hefur þjónað Björgun í
áratugi. Skipið sökk í Gömlu höfn-
inni 2. nóvember, skömmu eftir sjó-
setningu úr Slippnum. Það náðist
raunar á flot aftur 16. nóvember
eftir umfangsmikla aðgerð og ligg-
ur enn við Ægisgarð. Skipið er
mjög illa farið eftir óhappið.
Lárus Dagur Pálsson, forstjóri
Hornsteins sem er móðurfélag
Björgunar, segir að eftir mat út-
gerðarinnar á skipinu hafi verið
lýst yfir altjóni. Málið sé nú í með-
ferð hjá Sjóvá og endurtryggjanda
þess. Bætur fara eftir trygginga-
fjárhæð og skilmálum. Lárus segir
ekki tímabært að gefa út hvert
tjónið er. Telur hann þó útlit fyrir
að það verði ekki högg á efnahags-
reikning Björgunar. Hins vegar
geti óhappið skapað erfiðleika í
verkefnum sem Björgun hafi tekið
að sér.
Sóley tekur hluta verkefna
Félagið á tvö önnur dæluskip.
Dísa er bundin í verkefnum í Land-
eyjahöfn út febrúarmánuð. Sóley er
í því hlutverki að afla malarefna í
steinsteypuframleiðslu á höfuð-
borgarsvæðinu. Lárus Dagur segir
að Sóley verði notuð í einhver verk
sem Perla átti að sinna. Hún geti
þó ekki sinnt öllum verkefnum
hennar því Perla sé öðruvísi skip,
styttra og risti ekki eins djúpt.
Stjórnendur Björgunar eru að huga
að framhaldinu en Lárus Dagur
tekur fram að engin ákvörðun hafi
verið tekin um að fjárfesta í nýju
dæluskipi.
Rannsóknarnefnd samgönguslysa
vinnur að rannsókn á orsökum
óhappsins. Jón Arilíus Ingólfsson,
rannsóknarstjóri sjóslysa, segir að
verið sé að taka saman niðurstöður
og reiknar með að þær verði lagðar
fram á næsta fundi nefndarinnar.
Þegar Perla sökk komu björg-
unarbátar ekki upp. Það var vegna
þess að ekki var nógu mikið dýpi
þar sem skipið sökk. Jón segir að
ætlunin hafi verið að taka búnaðinn
og sökkva honum til að prófa hann.
Ekki hafi komið til þess vegna þess
að búnaðurinn hafi skilað hlutverki
sínu þegar sjávarstaða var orðin
hærri. Þá hafi búnaðurinn verið
kominn á milli þriggja og fjögurra
metra dýpi og nægur þrýstingur til
að sleppa bátnum.
Lýst yfir altjóni á Perlu
 Afdrif dæluskipsins Perlu á forræði tryggingafélagsins Sjóvár  Ekki hefur
verið gengið frá tryggingabótum  Óhappið getur raskað verkefnum Björgunar
Morgunblaðið/Árni Sæberg
Dæluskip Perla hefur lokið hlut-
verki sínu fyrir Björgun.
Viðar Guðjónsson
vidar@mbl.is
Reykjavíkurborg hefur dregið sig
út úr viðræðum við Seltjarnarnes-
bæ um byggingu fimleikahúss í
bænum. Af um 500 fimleikaiðk-
endum eru 75% búsett í Reykjavík.
„Það var kominn grundvöllur fyrir
samningum þannig að borgin
myndi greiða leigu,“ segir Magnús
Örn Guðmundsson, formaður
íþrótta- og tómstundanefndar Sel-
tjarnarness, en viðræður höfðu til
þessa gengið vel, að sögn hans.
Áætlaður kostnaður við viðbygg-
ingu á íþróttahúsi með fimleika-
aðstöðu er um 700 milljónir kr. og
segir Magnús að það sé of stór biti
fyrir 4.400 manna bæjarfélag.
„Ástæða þess að við leggjum svo
mikla áherslu á aðkomu Reykjavík-
urborgar er sú að þetta er gríðar-
lega dýrt mannvirki auk þess sem
75% iðkenda koma þaðan,“ segir
Magnús. Hann bendir á að biðlistar
séu hjá öllum fimleikafélögum og
þar sé Grótta engin undantekning.
Hann segir að málið sé á upphafs-
reit sem stendur. „Við sjáum það að
fimleikadeildin getur ekki haldið
áfram að stækka og þurfum því að
setja einhvers konar fjöldatak-
markanir. Hún þarf jafnvel að
minnka umtalsvert svo við getum
veitt okkar fólki betri þjónustu,“
segi Magnús.
Sagt var frá málinu í Nesfréttum
en þar kemur fram að á fundi
borgarráðs 22. október sl. hafi ver-
ið samþykkt bókun frá fulltrúum
Samfylkingar, Bjartrar framtíðar,
Pírata og Framsóknar og flugvall-
arvina um að í ljósi fjárhagsstöðu
borgarinnar telji ráðið ekki unnt að
halda verkefninu áfram. Sjálfstæð-
ismenn lögðu hins vegar fram bók-
un um að skoða þyrfti málið betur
og gera þarfagreiningu fyrir vest-
urhluta borgarinnar.
Borgin úr viðræðum um fimleikahús
Fimleikahús Bygging fimleikahúss hefur verið á döfinni í tvö ár.
 Fimleikahús á Seltjarnarnesi á byrjunarreit  75% iðkenda úr Reykjavík
Atvinnuleysi einstaklinga sem ekki
hafa lokið framhaldsskólaprófi er
með því minnsta hér á landi eða
4,7% í samanburði allra aðildarlanda
OECD. Þetta kemur fram í árlegri
skýrslu OECD um stöðu og þróun
menntamála (Education at a Glance)
í aðildarlöndum OECD, sem kom út
í gær. Miðast sá samanburður við
stöðuna á seinasta ári. Þá var at-
vinnuþátttaka fólks á aldrinum 25-64
ára óháð menntun sú mesta hér á
landi í öllum aðildarlöndunum eða
74% meðal þeirra sem ekki hafa lok-
ið framhaldsskólanámi en meðaltal
þessa hóps innan OECD var þá 56%.
Þetta hlutfall hefur hækkað ár frá
ári hér á landi.
Útgjöld yfir meðaltali
Fram kemur að meirihluti fólks á
aldrinum 15 til 34 ára sem hafði lokið
einhverju framhaldsnámi fékk starf
innan árs frá útskrift. Atvinnuþátt-
taka þess var 84% eða 20 prósentu-
stigum meiri en meðaltalið innan 26
aðildarlanda OECD sem saman-
burðurinn náði til.
Í umfjöllun um Ísland er bent á að
opinber útgjöld hér á landi á há-
skólastigi drógust saman eftir fjár-
málakreppuna 2008 en hlutfall
þeirra af landsframleiðslu er engu
að síður yfir meðaltali OECD-
landanna. Á öðrum skólastigum, allt
frá leik- og grunnskóla yfir á fram-
haldsskólastigið, hafa útgjöld í
OECD-löndunum farið vaxandi á ár-
unum eftir fjármálahrunið árið 2008
í 20 af aðildarlöndum OECD en á Ís-
landi drógust þau saman á þessum
árum um 8%. omfr@mbl.is
Mikil at-
vinnuþátt-
taka óháð
menntun
 Meirihluti fékk
starf eftir útskrift
Morgunblaðið/Rósa Braga
Gjöld Útgjöld í leik-, grunn- og
framhaldsskóla drógust saman hér.
Nokkur íslensk skip hafa síðustu
daga verið að kolmunnaveiðum
austan við Færeyjar. Fram kemur á
vef HB Granda að þokkalegur afli
hefur fengist, en rysjótt tíðarfar
hefur þó hamlað veiðum. Fyrr í
haust voru skipin á kolmunnaveið-
um í íslenskri lögsögu við miðlín-
una milli Íslands og Færeyja.
Í gær voru fjögur skip að veiðum
á íslenskri sumargotssíld vestur af
landinu.
Á kolmunnaveiðum
austan við Færeyjar
Aðalsteinn Jónsson SU 11 frá Eskifirði.