Morgunblaðið - 25.11.2015, Side 6

6 FRÉTTIRInnlent
MORGUNBLAÐIÐ MIÐVIKUDAGUR 25. NÓVEMBER 2015
Sími 412 2500 - sala@murbudin.is - www.murbudin.is
Rakavarnarplast og
þéttiefni á frábæru verði
Kletthálsi Reykjavík
Reykjanesbæ
Raka- og vatnsþéttiefnin frá
Múrbúðinni eru vottuð hágæða
vara á sérlega hagstæðu verði.
Rakaþolplast 0,2 mm
Stærð 4x25metrar= 100m2
kr.11.990
Bostik Folien
rakavarnarlím
315g
kr.1.195
Bostik/Heydi
K11 þéttimúr kr.4.290
Helgi Bjarnason
helgi@mbl.is
Kvótakerfi í mjólkurframleiðslu og
kindakjötsframleiðslu mun renna
sitt skeið á enda á næstu tíu árum,
samkvæmt hugmyndum sem uppi
eru í viðræðum um nýja búvöru-
samninga á milli bænda og ríkisins. Í
staðinn fyrir beingreiðslur koma
gripa- og framleiðslugreiðslur í
mjólkurframleiðslu og gæðastýring-
argreiðslur í sauðfjárrækt.
Búvörusamningar fyrir fram-
leiðslu mjólkur og grænmetis renna
út nú um áramót og samningar um
framleiðslu sauðfjárafurða í lok
næsta árs. Samninganefndir bænda
og ríkisins hafa setið að samningum
frá því í haust. Þessa dagana eru for-
ystumenn bænda að kynna stöðu
mála fyrir kjörnum fulltrúum og á al-
mennum bændafundum.
Fyrsti opni bændafundurinn var á
Hellu í gærkvöldi. Í dag verður
samningurinn kynntur í Eyjafirði og
í Borgarnesi og á morgun á Egils-
stöðum. Tilgangur kynningarinnar
er að heyra viðbrögð bænda við þeim
miklu breytingum sem gert er ráð
fyrir.
Hugmyndin er að semja til tíu ára.
Ekki hefur komið fram hvaða fjár-
muni ríkið er tilbúið að leggja fram
til stuðnings þessum greinum.
Svigrúm til nýliðunar
Lengi hefur verið kvótakerfi í
helstu framleiðslugreinum landbún-
aðarins, mjólk og kindakjöti. Gefið
hefur verið út greiðslumark sem er
ávísun á stuðning ríkisins og tak-
markar framleiðslu. Kvótinn hefur
eigngerst og gengið kaupum og söl-
um.
Meginbreytingin í þeim hugmynd-
um sem nú liggja fyrir, samkvæmt
heimildum Morgunblaðsins, er að
leggja af þetta kerfi og tryggja að
stuðningur ríkisins gangi til þeirra
bænda sem framleiða afurðirnar.
Það mun hafa í för með sér einhverj-
ar tilfærslur á fjármagni, sérstak-
lega í sauðfjárræktinni. Afnám kvót-
ans á einnig að skapa aukið svigrúm
fyrir nýliðun í greinunum.
Kvótakerfið verði
afnumið á tíu árum
 Hugmyndir að búvörusamningi kynntar á opnum fundum
Morgunblaðið/Árni Sæberg
Kúabú Búvörusamningar taka til
mjólkur, kindakjöts og grænmetis.
Benedikt Bóas
Lára Halla Sigurðardóttir
„Ég var á vaktinni og skyndilega
slokknuðu ljósin. Þegar ég fór inn í
skemmuna sá ég að eldur var búinn
að læsa sig í eitt hornið á veggnum og
jókst mjög hratt þannig að ég hljóp út
og hringdi í 112. Eldurinn varð strax
mjög mikill og óx mjög hratt en sem
betur fer var slökkviliðið komið á
mjög skömmum tíma,“ segir Saras
Saras sem var inni í verksmiðju
Plastiðjunnar á Selfossi þegar eldur
kom þar upp í fyrrakvöld. Öflugar
loftpressur eru geymdar inni í téðri
geymslu. Unnið er í Plastiðjunni allan
sólarhringinn.
Saras hefur unnið hjá fyrirtækinu í
fjögur ár en hann flutti til Íslands fyr-
ir níu árum. Hann segir mjög gott að
vinna hjá Plastiðjunni og hefur trú á
að stjórnendurnir endurbyggi fyrir-
tækið. „Nóttin var erfið fyrir mig og
alla sem tengjast fyrirtækinu. Þetta
er gott fyrirtæki og leiðinlegt að
svona gerist.“
Gerðist hratt
Axel Óli Ægisson, framkvæmda-
stjóri Plastiðjunnar, tekur undir orð
Saras. „Þetta var erfið nótt hjá öllum
hérna í verksmiðjunni,“ sagði hann í
samtali við mbl.is í gær og bætti við
að altjón hefði orðið á verksmiðjunni
sem framleiðir meðal annars plast-
flöskur fyrir Vífilfell og Ölgerðina.
Formlegu slökkvistarfi lauk um
sjöleytið í gærmorgun og að sögn
Péturs Péturssonar, slökkviliðsstjóra
Brunavarna Árnesinga, var ljóst nán-
ast strax að ekki yrði hægt að bjarga
fyrirtækinu og áhersla því lögð á að
slökkva mesta eldinn og verja nær-
liggjandi hús.
Hann bendir á að húsnæði verk-
smiðjunnar hafi verið eitt hólf og þá
gerist hlutirnir hratt. „Þegar bygg-
ingar eru svona stór brunahólf þá er
fljótlega kominn eldur í allt.“
Unnið með tæknideildinni
Hreinsunarstarf hófst síðdegis í
gær og sagði Elías Kjartansson, lög-
reglufulltrúi hjá lögreglunni á Suður-
landi, að vettvangsrannsókn hefði
staðið yfir samhliða hreinsunarstarfi.
Hún var unnin í samstarfi við tækni-
deild lögreglunnar á höfuðborgar-
svæðinu.
Elías sagði að ekkert benti til þess
að um íkveikju væri að ræða, en m.a.
er nú kannað hvort rekja megi upp-
tök eldsins til rafmagns í einhverju
formi.
Mikil plastlykt var yfir svæðinu í
gær og var starfsmönnum leikskóla í
grenndinni ráðlagt að halda börn-
unum innandyra.
Um áttatíu manns komu í fjölda-
hjálparstöðina sem opnuð var í kjöl-
far brunans og voru allir mjög yfir-
vegaðir og rólegir að sögn Ástu
Stefánsdóttur, bæjarstjóra Árborgar.
„Eldurinn varð strax mjög mikill“
 Starfsmaður sá mikinn eld mæta sér í skemmu Plastiðjunnar  Talið að kviknað hafi í út frá
rafmagni  80 manns nýttu sér hjálparmiðstöð  Leikskóli í nágrenninu hélt börnum inni í gær
Morgunblaðið/Styrmir Kári
Brunarústir Plastiðjan eftir brunann. Vettvangsrannsókn stóð yfir samhliða hreinsunarstarfi en miðað er við að upptök eldsins hafi verið vegna rafmagns.
Stórbruni á Selfossi
Rýmingar-
svæði
Plastiðjan
Morgunblaðið / Sigmundur Sigurgeirsson
Grafa lyftir Plastiðjan var stofnuð árið 1973 og brann allt sem gat brunnið.
Jafnvel þessi lyftari átti lítinn möguleika gegn hitanum inn í verksmiðjunni.
Bruninn á Selfossi er mesta
tjón sem komið hefur inn á borð
Sjóvár á þessu ári. Ekki er hægt
að segja nákvæmlega til um
heildartjónið enn sem komið er
en kostnaður Sjóvár af brunan-
um gæti numið um 200 milljón-
um króna.
„Það lítur út fyrir að þetta sé
stórtjón en sem betur fer eru
þeir vel tryggðir og við stöndum
bara með þeim í því,“ segir Auð-
ur Daníelsdóttir, framkvæmda-
stjóri tjónasviðs Sjóvár.
Árlegur tjónakostnaður Sjó-
vár nemur rúmlega níu millj-
örðum króna og miðað við lík-
legt hámarkstjón gæti þetta
verið um tvö prósent af tjóna-
kostnaði ársins.
2% af tjóna-
kostnaði ársins
PLASTIÐJAN VAR VEL
TRYGGÐ HJÁ SJÓVÁ