Morgunblaðið - 25.11.2015, Side 36

MIÐVIKUDAGUR 25. NÓVEMBER 329. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 488 ÁSKRIFT 5295 HELGARÁSKRIFT 3307 PDF Á MBL.IS 4696 I-PAD ÁSKRIFT 4696
1. Varað við ferðalögum
2. Æðiskast vegna reglna um …
3. Rússnesk herflugvél skotin niður
4. Löglegt en pirrandi
»MEST LESIÐ Á mbl.is
FÓLK Í FRÉTTUM
 Gerð verður
framhalds-
þáttaröð fyrir
sjónvarp upp úr
Nautinu, bók rit-
höfundarins Stef-
áns Mána sem
kom út á dög-
unum. Pegasus
hefur keypt kvik-
myndaréttinn,
verðlaunaleikstjórinn Baldvin Z mun
skrifa handrit í félagi við aðra og
hann leikstýrir verkinu.
„Þetta er mjög spennandi og fyrir
mér er í raun draumur að rætast,“
sagði Stefán Máni við Morgunblaðið í
gær. Þegar hann sá Vonarstræti Bald-
vins Z í kvikmyndahúsi hugsaði hann
strax með sér að „hann væri rétti
maðurinn til að gera eitthvað við
Nautið“.
Baldvini Z líst vel á verkefnið. Fyrst
hafi verið rætt um að gera bíómynd
upp úr bókinni „en eitthvað kveikti í
mér að gera sjónvarpsseríu. Það
fannst mér ótrúlega spennandi kost-
ur því sagan býður upp á töluvert
öðruvísi þáttaröð en gengur og ger-
ist; þetta er einhvers konar drama
með spennu- og hryllingsívafi“.
Naut Stefáns Mána
verður sjónvarpssería
Baldvin Z
 Gítarleikarinn Björn Thoroddsen
leikur á tónleikum á Björtuloftum í
Hörpu í kvöld kl. 21. Björn mun fyrst
leika einn með gítar-
inn og eftir hlé
með rytmaparinu
Jóni Rafnssyni og
Sigfúsi Óttarssyni.
Björn mun m.a.
leika djass og
rokk og þá
m.a. lög eftir
Bítlana.
Björn á Björtuloftum
Á fimmtudag Suðvestan 15-23 m/s og skúrir eða él en bjart-
viðri á Austurlandi. Hiti 0 til 5 stig. Norðlægari fyrir norð-
vestan á landinu um kvöldið með snjókomu og kólnandi veðri.
SPÁ KL. 12.00 Í DAG Hægt vaxandi sunnanátt með snjókomu
eða slyddu en 8-15 m/s undir kvöld og rigning á Suður- og Vest-
urlandi. Suðvestlægari seint um kvöldið og hvessir.
VEÐUR
Barcelona og Bayern
München sýndu bæði
snilldartakta þegar þau
tryggðu sér farseðilinn í
16-liða úrslit Meistara-
deildar Evrópu í knatt-
spyrnu í gærkvöld. Það
var sannkallað markaregn
í leikjunum átta en alls
voru skoruð 27 mörk og af
þeim skoruðu Evrópu-
meistarar Barcelona sex
mörk og Bayern München
fjögur. »4
Markaregn í
Meistaradeildinni
Keppnin um Íslandsmeistaratitil
kvenna í handknattleik hefur sjaldan
verið eins jöfn og í vetur. Aðeins
fimm stig skilja að sex efstu liðin og
einnig er hörð barátta um sæti í úr-
slitakeppninni og í nýrri úrvalsdeild á
næsta ári. Guðríður Guðjónsdóttir
segir að deildin sé skemmtilegri en
áður, fleiri leikmenn séu í
betri æfingu og hafi meiri
metnað til að ná langt,
en hún vill þó sjá fleiri
stelpur setja handbolt-
ann í forgang. »2-3
Deildin er jafnari og
skemmtilegri en áður
„Ef ég miða við leikinn sem ég hef
séð hjá Slóvökum á móti Portúgölum
sýnist mér við eiga bara ágæta
möguleika,“ segir Ívar Ásgrímsson,
þjálfari kvennalandsliðsins í körfu-
knattleik. Ísland tekur á móti Slóvak-
íu í öðrum leik sínum í undankeppni
Evrópumótsins í Laugardalshöllinni í
kvöld en Ísland tapaði fyrir Ungverja-
landi um síðustu helgi. »1
Mæta Slóvökum
í Höllinni í kvöld
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Guðmundur Magnússon
gudmundur@mbl.is
„Ég syng þetta lag gjarnan enn þegar ég kem
fram, enda er það svo tengt við mig að ég kynni
mig stundum í gamni sem Þorvald á sjó,“ segir
Þorvaldur Halldórsson tónlistarmaður, en um
þessar mundir er hálf öld liðin frá því að hann sló
eftirminnilega í gegn með laginu Á sjó sem hann
söng með sinni djúpu rödd við undirleik Hljóm-
sveitar Ingimars Eydals á Akureyri. Það var á
fyrstu plötu hljómsveitarinnar. Munu fá lög í
flutningi íslensks tónlistarmanns hafa náð jafn-
miklum vinsældum. Þetta var haustið 1965 og ári
seinna sendi Þorvaldur frá sér sólóplötu, þá að-
eins 22 ára gamall. Á plötuumslagið ritar Svavar
Gests: „Þorvaldur Halldórsson var óþekktur
söngvari fyrir einu ári. En þá söng hann lagið Á
sjó inn á hljómplötu og síðan hefur þetta lag
heyrzt í óskalagaþáttum útvarpsins oftar en nokk-
urt annað lag, enda hljómplatan selzt í helmingi
stærra upplagi heldur en nokkur önnur íslenzk
hljómplata. Nú þekkir öll þjóðin Þorvald.“
Óhætt er að segja að þjóðin þekki Þorvald enn
því sjómannalögin sem hann gerði vinsæl eru
áfram spiluð og hann sést gjarnan á kristilegum
samkomum og mannfagnaði eldri kynslóðarinnar.
„Ég var búinn að syngja Á sjó á tónleikum í
Sjallanum í heilt ár áður en við hljóðrituðum það.
Við töldum okkur vita að það fengi góðar undir-
tektir. Lagið er erlent en íslenski textinn er eftir
Ólaf heitinn Ragnarsson, skólabróður minn frá
Siglufirði,“ segir Þorvaldur. Hann segist hafa ver-
ið í sex eða sjö ár í Hljómsveit Ingimars Eydals,
en flutt svo suður. Fyrst til Reykjavíkur og síðan
Vestmannaeyja eftir gos.
Allt í lagi með þig?
„Ég á mjög góðar minningar um þessi ár fyrir
norðan og sérstaklega kynnin af Ingimar sem
héldu áfram allt þar til hann lést. Stundum eftir
að hljómsveitin var hætt söng ég með honum á
tónleikum. Hann var óskaplega notalegur maður
og mér er minnisstætt að eftir að ég var fluttur til
Eyja og búinn að lýsa því yfir í útvarpi að ég væri
frelsaður maður kom Ingimar óvænt í heimsókn
til mín. Var þá á söngferðalagi með Karlakórnum
Geysi. Hann bankaði hjá mér og sagði: „Ég er nú
bara að athuga hvort ekki sé allt í lagi með þig,
Valdi minn!“ Og það var allt í lagi og mér leið vel
eftir að hafa frelsast til sannrar trúar,“ segir Þor-
valdur. Meðfram söngnum stundaði Þorvaldur
húsasmíðar og rafvirkjun, en báðar þessar iðn-
greinar lærði hann. Þegar aldurinn sagði til sín
um aldamótin fór hann að syngja aftur og hefur
hann síðan eingöngu lifað af tónlist. Þótt hann sé
þekktastur fyrir sjómannalögin hefur hann aldrei
stundað sjómennsku. Fór þó ungur einn túr með
síldarbát út á Grímseyjarsund en segist hafa orðið
svo sjóveikur að það varð að styðja hann þegar í
land kom.
„Þorvaldur á sjó“ góðan dag
 Hálf öld liðin frá því
lagið Á sjó sló eftirminni-
lega í gegn hér á landi
Morgunblaðið/Golli
Söngvarinn Þorvaldur Halldórsson var á tímabili orðinn svolítið þreyttur á laginu Á sjó, en síðan tók
hann það í sátt á nýjan leik og syngur það nú gjarnan þegar hann kemur fram á tónleikum.