Morgunblaðið - 27.11.2015, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 27. NÓVEMBER 2015
„Krakkarnir voru að springa af gleði og
stolti. Þau hafa mikinn metnað fyrir þessu
verkefni, sem er orðið fastur liður í skóla-
starfinu,“ segir Sigríður Eyþórsdóttir, iðju-
þjálfi við Hagaskóla í Reykjavík. Alls söfnuð-
ust 2,4 milljónir á góðgerðardeginum Gott
mál í Hagaskóla sem var haldinn nýlega og
voru þeir peningar í gær afhentir fulltrúum
Rauða kross Íslands og Geðhjálpar. Upphæð-
inni sem safnaðist var skipt til helminga til
áðurnefndra samtaka. Hjá Rauða krossinum
fara peningarnir í sérstakan sjóð sem ætlaður
er til að efla tómstundastarf sýrlenskra flótta-
barna sem væntanleg eru til landsins innan
tíðar. Stuðningurinn við Geðhjálp fer í verk-
efnið Útmeða, en þar eru forvarnir gegn
sjálfsvígum ungra karla áherslumálið.
sbs@mbl.is
Stolt, gleði og mikill metnaður
Morgunblaðið/Styrmir Kári
Um 2,4 milljónir söfnuðust á góðgerðardegi í Hagaskóla
Agnes Bragadóttir
agnes@mbl.is
Embætti sérstaks saksóknara hefur
framsent bréf embættis skattrann-
sóknarstjóra ríkisins til Samherja,
þar sem fram kemur að skattrann-
sóknarstjóri telur ekki efni til að
hefja rannsókn á skattskilum Sam-
herja og tengdra aðila.
Þorsteinn Már Baldvinsson, for-
stjóri Samherja, sagði í samtali við
Morgunblaðið í gær að með bréfi
skattrannsóknarstjóra væri loks
fengin niðurstaða í hinu svokallaða
Seðlabankamáli og ljóst orðið að
ásakanir Seðlabankans í garð Sam-
herja og tengdra aðila hefðu verið
tilhæfulausar með öllu og úr lausu
lofti gripnar.
Ekki efni til að hefja rannsókn
Bryndís Kristjánsdóttir er skatt-
rannsóknarstjóri ríkisins. Orðrétt
segir m.a. í bréfi embættis hennar:
„Með bréfi dagsettu 21. september
2015 framsendi embætti sérstaks
saksóknara til skattrannsóknar-
stjóra ríkisins þrjú erindi er varða
Samherja hf. og tengda aðila til
þóknanlegrar meðferðar.
Skattrannsóknarstjóri ríkisins tel-
ur að lokinni skoðun á umræddum
erindum og þeim gögnum sem þeim
fylgdu að ekki séu efni til að hefja
rannsókn á skattskilum framan-
greindra aðila vegna þeirra atriða er
tilgreind eru í bréfi embættis sér-
staks saksóknara og vísað er til.“
Stórskaðlegt mál
„Fyrir mér er þetta niðurstaða í
þessu svokallaða Seðlabankamáli.
Það er sama frá hvaða sjónarhorni
þetta stórskaðlega og langvinna mál
er skoðað, það fæst alltaf sama
niðurstaða. Þetta bréf skattrann-
sóknarstjóra er bara enn ein stað-
festing á því að ásakanir Seðlabank-
ans í okkar garð og fyrirtækja okkar
voru algjörlega tilhæfulausar og úr
lausu lofti gripnar,“ sagði Þorsteinn
Már og bætti við: „Það hefur ekkert
fyrirtæki verið rannsakað jafn
gaumgæfilega og Samherji og tengd
félög.“
Samherji ekki rannsakaður
 Þorsteinn Már Baldvinsson, forstjóri Samherja, segir bréf skattrannsóknar-
stjóra staðfesta að ásakanir Seðlabankans hafi verið tilhæfulausar með öllu
Bryndís
Kristjánsdóttir
Þorsteinn Már
Baldvinsson
„Alveg fram í næstu viku verður
norðanátt með ýmsum tilbrigðum,“
segir Einar Sveinbjörnsson veður-
fræðingur. Búast má við talsverðri
snjókomu og langvarandi éljagangi
um landið norðanlands og vestan
næstu daga. Þegar komið verður
fram í næstu viku má raunar búast
við að víða verði orðinn talsverður
snjór og ef vind hreyfir eitthvað að
ráði gæti færð spillst mjög fljótt og
margt annað raskast.
Á morgun, laugardag, segir Einar
að norðanlands megi raunar búast
við hríðarveðri um miðjan daginn.
Sunnanlands verði svo éljaveður og
væntanlega alhvít jörð víðast hvar,
þegar hretið verði gengið yfir.
„Ef allt gengur eftir verður þetta
með lengri kuldaköflum seinni ár-
in.“ Einar segist þar eiga við að sam-
fellt frost verði á landinu í nokkurn
tíma og því fylgi dæmigert vetrar-
veður.
Á vef Veðurstofu Íslands segir að
nú megi búast við að norðanlands
verði vindur 8 til 15 metrar á sek-
úndu og blási af norðaustri. Hitastig
á landinu verður frá mínus einni nið-
ur í mínus átta gráður. sbs@mbl.is
Jörð verður víðast alhvít
Morgunblaðið/Árni Sæberg
Snjókoma Í gær gekk á með éljum í borginni og það var kalt. Unga móðirin
með börnin setti undir sig hausinn og arkaði áfram í hríð í Borgartúninu.
 Með lengri kulda-
köflum sem komið
hafa seinni árin
Bjarni Benedikts-
son, fjármála- og
efnahagsráð-
herra, hefur lagt
fyrir Alþingi
frumvarp þar sem
gengistryggð er-
lend lán verða aft-
ur heimiluð. Er
með því brugðist
við áliti Eftirlits-
stofnunar EFTA
(ESA), sem telur
að bann við gengistryggðum lánum
stangist á við reglur um frjálst flæði
fjármagns. Var álitið gefið 22. maí
2013. Stofnunin hefur síðan þá gert
íslenskum stjórnvöldum það ljóst að
verði hinu fortakslausa banni ekki af-
létt megi búast við að málið fari fyrir
EFTA-dómstólinn.
Samkvæmt frumvarpinu verða þó
þríþættar takmarkanir á lánveiting-
um. Hver einstaklingur eða aðili get-
ur tekið lán ef hann hefur nægilegar
tekjur í þeim gjaldmiðli sem lánið
tengist til að standast greiðslumat,
eða hefur staðist greiðslumat þar
sem gert er ráð fyrir verulegum
gengisbreytingum og verulegum
hækkunum á vöxtum, eða hefur stað-
ist greiðslumat og leggur fram við-
eigandi fjárhagslegar tryggingar sem
eyða gjaldeyrisáhættu hans vegna
lánsins á lánstímanum.
vidar@mbl.is
Gengislán
verði aftur
heimiluð
Lán Hægt verði að
taka lán í erlendum
gjaldmiðli á ný.
 Brugðist við áliti
ESA með frumvarpi
Fjárhagsáætlun Vestmannaeyja-
bæjar fyrir árið 2016 var samþykkt
á bæjarfundi í gær. Fimm fulltrúar
meirihluta veittu samþykki en
minnihluti sat hjá. Meðal þess sem
fram kemur í áætluninni er að út-
svar hækkar um 2,7% og verður nú
14,36% en fasteignagjöld lækka úr
0,42% í 0,35%.
Áætlunin gerir ráð fyrir að
rekstrarafgangur verði 99 milljónir í
A-hluta og 125 milljónir í samstæðu.
Meðal helstu verkefna sem ráðist
verður í er að 205 milljónum verður
varið til stækkunar og endurbóta á
Hraunbúðum hjúkrunarheimili aldr-
aðra og byggingu nýrrar aðstöðu
fyrir fólk með heilabilun. Þá verður
200 milljónum varið í byggingu
nýrra íbúða fyrir fatlaða.
vidar@mbl.is
Afgangur af
rekstri í Eyjum
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Reykjavík
Bíldshöfði 20
Akureyri
Dalsbraut 1
Ísafjörður
Skeiði 1
BLACKFRIDAY
25%
AFSLÁTTUR AF ÖLLUM VÖRUM*
* Gildir ekki ofan á önnur tilboð, t.d. ef vara er fyrir á jólaverði eða -tilboði og ekki af Skovby
EINUNGIS Í DAG
REYKJAVÍK – AKUREYRI – ÍSAFJÖRÐUR
OPIÐ TIL KL. 22.00