Morgunblaðið - Sunnudagur - 29.11.2015, Blaðsíða 17

Ekki er óalgengt það mein sem nefnist á
ensku Carpal tunnel syndrome en svo er það
kallað þegar göng sem liggja um úlnlið og nið-
ur í fingur þrengja að taugum sem þar eru.
Þegar þrengt er að þessum taugum veldur
það miklum óþægindum í hendinni og truflar
fólk mikið. Höndin verður oft dofin og finnst
það gjarnan á nóttunni. Upplifir fólk höndina
eins og „klump“ og finnur sáran verk sem lík-
ist náladofa. Taugarnar sem um ræðir liggja
ekki í litla putta og bara öðrum megin í baug-
fingur. Því er gott ráð til að vita hvort þú þjá-
ist af þessu að athuga hvort litli putti dofnar
og hálfur baugfingur. Ef ekki finnst dofi þar
eru miklar líkur á að þú sért með Carpal tun-
nel syndrome.
Gott að sofa með spelku
Gott ráð er að sofa með spelku um úlnliðinn
því það virðist vera gott að halda úlnliðnum
beinum og hindrar það dofann og svefninn
verður betri. Mjög hvimleitt er að vakna
margsinnis á nóttu og þurfa að hrista hönd-
ina til að fá aftur líf í hana.
Hægt að laga með aðgerð
Þetta mein getur lagst á alla en konur á aldr-
inum 40-60 eru gjarnari en aðrir á að þjást
af þessu. Þá fá óléttar konur stundum
skammtímaeinkenni. Þeir sem reykja eða eru
of þungir eru einnig í meiri hættu og einnig
þeir sem þjást af gömlum brotum.
CARPAL TUNNEL SYNDROME
Þrýst á úlnliðstaugar
Úlnliðir geta verið viðkvæmir. Carpal Tunnel Syndrome
er hvimleitt mein sem hægt er að lækna með aðgerð.
Einnig er gott ráð að sofa með spelku um úlnliðinn.
Morgunblaðið/Ásdís
Ef verkir verða vondir og lagast ekki er
hægt að lækna Carpal tunnel syndrome með
einfaldri skurðaðgerð þar sem losað er um
taugar sem göngin þrýsta á. Góðar líkur eru
til að ná fullum bata eftir slíka aðgerð. Til að
skera úr um hvort þetta sé meinið er gert
taugaleiðnipróf sem læknir framkvæmir og
sýnir það strax hvers kyns er. Í framhaldi er
svo ákveðið í samráði við lækninn hvaða ráð-
stafanir skuli gerðar.
29.11. 2015 MORGUNBLAÐIÐ SUNNUDAGUR 17
* Ég vinn við það á hverjum degi að hvetja börn og fullorðna tilað fylgja sínu innsæi og það er það sem ég er að gera núna.
Þorgrímur Þráinsson rithöfundur og fyrrverandi landsliðsmaður í knattspyrnu um yfirlýsingu
sína um að yfirgnæfandi líkur séu á að hann bjóði sig fram til forseta Íslands.
Líklega sofa flestir með snjallsímann sinn
á náttborðinu og spjaldtölvan er oft ekki
langt undan. Bláa birtan frá snjallsímum
og spjaldtölvum er mjög truflandi fyrir
nætursvefn segir prófessor Paul Gringras
hjá Evelina Children’s Hospital í London
sem hefur kannað þessi mál. Þegar
myrkva tekur fer líkaminn að mynda
svefnhormónið melatónín sem hjálpar
fólki að sofna. Vissar bylgjulengdir ljóss, á
blágræna enda litrófsins, geta truflað lík-
amsklukkuna.
Gerð var rannsókn um málið og nið-
urstöður birtar í Frontiers in Public
Health, en í rannsókninni var athugað
hversu mikið ljós kæmi frá þessum sím-
um og tölvum. Í ljós kom að tækin eru að
verða stærri og skærari og senda frá sér
meira af bláu ljósi.
„Þetta er frábært fyrir notkun tækisins
á daginn en mjög slæmt á nóttinni,“ segir
Grangras. „Niðurstöður sýna að ef þú
sefur við hliðina á slíku tæki, gæti það
seinkað svefninum um klukkutíma.“
Hann segir að framleiðendur þessara
tækja ættu að hanna einhvers konar
„svefnstillingu“ sem kæmi í veg fyrir að
ljós kvikni á skjánum á nóttunni.
Getty Images/iStockphoto
SVEFNSTILLING Á SÍMA OG TÖLVU?
Snjallsímar trufla svefn
Skortur eða ofneysla vítamína getur valdið
sjúkdómum. Borðið eins fjölbreytta fæðu
og hægt er því ef skortur er á einu vítamíni
getur komist ójafnvægi á starfsemi líkamans.
Vítamín nauðsynleg
www.arc-tic.is www.arc-tic.is
ertu að leita að rétta úrinu á rétta verðinu?
við kynnum arc-tic Retro
Gilbert úrsmiður kynnir nýtt úr í ARC-TIC Iceland línunni á frábæru verði, úrið er íslensk
hönnun og kemur í ryðfríum 316L 5ATM stálkassa með vönduðu svissnesku quartz
gangverki. Úrið heitir ARC-TIC Retro og kemur í tveimur stærðum, 42 mm og 36 mm
í bæði hvítu og svörtu og fylgir nató ól með öllum úrum í íslensku fánalitunum.
íslensk
hönnun
VERÐ AÐEINS:
29.900,-