Morgunblaðið - Sunnudagur - 20.12.2015, Page 34

Þ
að var árið 1995 sem ég bauð fyrst
nokkrum vinkonum í jólaboð í litlu
kjallaraíbúðina sem ég leigði í
Grjótaþorpinu. Þá vorum við aðeins
yngri en nú, áttum enn eftir nokkur ár í þrí-
tugt og boðið mjög lífleg. Á þessum árum
var iðulega endað á rölti um bari bæjarins
langt fram eftir nóttu. Nú, tuttugu árum síð-
ar, er boðið ekki síður skemmtilegt þótt með
breyttu sniði sé og lítið um barrölt lengur.
Borðstofusett nágrannans
fengið að láni
Í upphafi voru aðeins sex til átta dömur í
boðinu en eftir því sem árin líða fjölgar sí-
fellt í vinkvennahópnum og þá einnig í jóla-
boðinu fræga. Síðasta sunnudag var slegið
met í fjölda, en tuttugu og fimm konur
mættu svangar og prúðbúnar klukkan eitt í
húsið mitt í Garðabæ. Undirbúningur hafði
staðið yfir allan laugardaginn þar sem ég
skemmti mér í eldhúsinu við eldamennsku á
meðan jólalögin ómuðu í útvarpinu. Á laug-
ardagskvöldinu stóð ég og klóraði mér í
höfðinu yfir því hvernig í ósköpunum ég ætti
að koma 25 konum fyrir í sitjandi borðhald
því þótt borðstofuborðið mitt sé frekar stórt
rúmar það í mesta lagi fjórtán. Nú voru góð
ráð dýr og sendi ég skilaboð á nágrannann
til að spyrja hvort hún ætti stóla að lána
mér. Það var auðfengið og ég ákvað að færa
mig upp á skaftið og spyrja hvort hún ætti
kannski borð líka. Hún hélt nú það. Út var
arkað með borðstofusett þeirra hjóna í heilu
lagi og málinu bjargað.
Sveik loforð um þrettán nakta
jólasveina
Að venju var á boðstólum fjöldinn allur af
jólalegum smáréttum; síld, lax, kæfa, skinka,
hangikjöt og ýmislegt fleira góðgæti. Mat-
urinn heppnaðist óvenjuvel þetta árið og vel
fór um hópinn við þessi tvö borðstofuborð.
Ég hafði lofað þrettán nöktum jólasveinum
en varð að svíkja það loforð en gat glatt þær
með „óvæntri“ heimsókn frá Árna Sæberg
ljósmyndara sem mætti með sitt gráa skegg
og myndavél í hendi. Honum var ákaft fagn-
að, enda ekki vanalegt að sjá karlmann í
þessum kvennafansi.
Æsilegur pakkaleikur alltaf vinsæll
Við höfum haldið í þá hefð að mæta allar
með pakka sem settur er laumulega í stóran
svartan plastpoka við komuna. Eftir matinn
er borðið rýmt og pökkunum raðað á borðið.
Af stað fer æsilegur teningaleikur þar sem
sú sem fær tvo eins á teninga, sem ganga
hringinn, fær að velja sér pakka. Þar sem
mörg pör af teningum eru í umferð gengur
leikurinn hratt fyrir sig en hann er látinn
ganga í nokkrar mínútur og eru þá sumar
komnar með pakkahrúgu fyrir framan sig,
ægilega glaðar, en aðrar sitja eftir tómhent-
ar. Allt fer þó vel að lokum því í anda jóla-
nnna og jafnaðarstefnunnar fara allar heim
með einn pakka, saddar og sælar.
Glæsilegur vinkvennahópur rúmaðist vel á borðstofuborðunum tveimur. Fremst á mynd má
sjá Emilíu Björgu Björnsdóttur og gestgjafann Ásdísi Ásgeirsdóttur.
Morgunblaðið/Árni Sæberg
JÓLAKVENNABOÐ Í TVO ÁRATUGI
Ómissandi vinkvennaboð á aðventunni
Solveig Sveinbjörnsdóttir, Margrét
Sæmundsdóttir, Margrét Ásgeirs-
dóttir, Helga Sverrisdóttir, Guð-
finna Kristófersdóttir, Sjöfn Björns-
dóttir, Þorgerður Hafsteinsdóttir,
Aldís Arnardóttir, Linda Hilm-
arsdóttir og Elín Þorgeirsdóttir.
SEM SJÁLFSKIPAÐUR MATGÆÐ-
INGUR MORGUNBLAÐSINS ER MÉR
LJÚFT OG SKYLT AÐ DEILA MEÐ
LESENDUM MÍNU ÁRLEGA
JÓLAKVENNABOÐI MEÐ TILHEYR-
ANDI UPPSKRIFTUM. AÐVENTAN
VERÐUR FULLKOMIN Í
SKEMMTILEGUM VINKVENNAHÓPI.
Ásdís Ásgeirsdóttir asdis@mbl.is
Aldís Arnardóttir, Dassa Hauksdóttir, Hafdís Harðardóttir, Ásdís Ósk Erlingsdóttir, Unnur Gunnarsdóttir,
Guðný Ingadóttir, Linda Arilíusdóttir, Ása Gunnsteinsdóttir, Anna María Sigtryggsdóttir og Hulda Sigurjónsdóttir.
* Á laugardagskvöld-inu stóð ég og klóraðimér í höfðinu yfir því
hvernig í ósköpunum ég
ætti að koma 25 konum
fyrir í sitjandi borðhald.
Systurnar Ásdís og Margrét
Ásgeirsdætur spjalla í eldhús-
inu við Helgu Sverrisdóttur og
Guðfinnu Kristófersdóttur.
34 MORGUNBLAÐIÐ SUNNUDAGUR 20.12. 2015
Matur og drykkir