Morgunblaðið - Sunnudagur - 13.03.2016, Blaðsíða 2

Hvað er Improv Ísland og hvernig lýsir
spunatæknin sér?
Improv Ísland er nýr grínleikhópur sem sérhæfir sig í
langspuna og er nú með vikulegar sýningar í Þjóðleik-
húskjallaranum. Hver sýning er spunnin á staðnum út
frá einu orði áhorfenda. Það er ekkert ákveðið fyr-
irfram og því er hver sýning frumsýning og lokasýn-
ing. Spunatæknin er í raun ekkert ólík djassspuna eða
fótbolta. Spunaleikarinn þarf að læra ýmsar reglur og
vera í góðri æfingu. Þetta snýst að miklu leyti um
góða samvinnu og mikla hlustun.
Hvað þarf til að sýning heppnist vel?
Til að sýning heppnist vel er auðvitað mjög mik-
ilvægt að vera með góða áhorfendur. Við höfum verið
mjög heppin og eingöngu fengið frábæra áhorfendur.
Það skiptir miklu máli að spunaleikararnir séu í núinu,
treysti hver öðrum og mæti hver öðrum af kærleika. Grunn-
hugmyndin í spunanum er svo falleg. Allt sem ég geri á sviðinu
geri ég til þess að láta mótleikara minn líta sem best út þannig að
hann eða hún verði stjarna senunnar.
Hvernig kviknaði áhuginn á spuna?
Ég skráði mig af algjörri rælni á námskeið hjá Dóru, stofnanda
Improv Ísland, fyrir tveimur árum. Svo varð ég alveg hugfangin
strax frá fyrstu mínútu og hef síðan reynt að læra meira og spinna
meira.
Nú ert þú myndlistarkona, hefur það áhrif á það
hvernig þú nálgast spunann?
Ég hugsa nú að það hafi áhrif á það hvernig ég nálgast allt. En ég
finn mun frekar fyrir því að spuninn hafi hjálpað mér í myndlistinni.
Ég er miklu áræðnari í að taka ákvarðanir og standa með þeim, segja
já við mínum eigin hugmyndum og stækka þær. Það hefur hjálpað
mér mjög mikið.
Er taugatrekkjandi að spinna fyrir fullum sal af
fólki?
Nei, alls ekki. Fyrir það fyrsta er frábært að standa fyrir framan
fullan sal af hlæjandi áhorfendum. Svo er svo gaman að spinna með
hinum spunaleikurunum. Þetta snýst allt um kærleika. Áður en við
förum á svið horfumst við í augu og segjum „Got your back“ sem
þýðir að ef einhver er í ruglinu þá grípa meðleikararnir mann alltaf.
Þannig að mér finnst ég alltaf örugg á sviðinu, sama hvað gerist.
Hvað er síðan á döfinni hjá þér?
Improv Ísland verður með vikulegar sýningar á miðvikudögum fram
á vor. Ég er að vinna nýja sýningu með Sirkus Íslands sem verður þó
ekki frumsýnd fyrr en þarnæsta sumar. Ég er að vinna seríu af bók-
verkum tengdum birtingarmyndum gleðinnar sem ég ætla einhvern
tíma að koma út í alheiminn. Þess á milli er ég bara að njóta þess að
vera nýbökuð móðir, sem er alveg geggjað.
Morgunblaðið/Eggert
RAGNHEIÐUR MAÍSÓL STURLUDÓTTIR
SITUR FYRIR SVÖRUM
Þetta snýst allt
um kærleika
Í FÓKUS
2 MORGUNBLAÐIÐ SUNNUDAGUR 13.3. 2016
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Eyrún Magnúsdóttir eyrun@mbl.is Gunnþórunn Jónsdóttir gunnthorunn@mbl.is Inga Rún Sigurðardóttir ingarun@mbl.is
Júlía Margrét Alexandersdóttir julia@mbl.is Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Íslenska karlalandsliðið í fótbolta fer á EM – það vitum við öll. Þegar stelp-urnar okkar fara á slík stórmót fer minna fyrir því, því miður. Fjölmiðlarhafa ýmsar útgáfur af afsökunum fyrir því að fjalla minna um kvennabolta
en karlabolta, og því ættum við að hætta. Já bara alveg að hætta því.
Mig langar að leggja það til hér að EM karla í fótbolta í Frakklandi verði
notað sem mælistika í fjölmiðlaumfjöllun um stórmót. Fjölmiðlaumfjöllun um
þetta mót verður geysilega mikil, það skyldi enginn efast um það. Þessa helgi (í
mars!) veljum við á Sunnudagsblaði Moggans til dæmis að segja frá því hverjir
lýsa leikjunum og greina frá stemn-
ingunni á mótinu á forsíðu blaðsins,
því við teljum að fólk hafi áhuga á efn-
inu. Fyrirfram myndi ég spá því að á
næstu vikum verði meiri umfjöllun í
íslenskum fjölmiðlum um EM karla
en kosningar til forseta Íslands sem
fram fara um svipað leyti í sumar.
En aftur að þessu með mælistik-
una … að loknu þessu mikilvæga
móti í Frans, sem margir Íslendingar
eru þegar búnir að bóka sig á (und-
irrituð meðtalin), ættum við að gera
mótið upp og skoða það út frá um-
fjöllun fjölmiðla. Fara með reglustik-
una á öll dagblöð og skeiðklukkuna á
sjónvarpsþættina og skoða hversu mikið var fjallað um EM karla í Frakklandi.
Síðan, þegar íslenska kvennalandsliðið í fótbolta keppir næst á stórmóti, þá
skulum við (fjölmiðlafólk sérstaklega) samviskusamlega draga fram þessar
mælingar og fjalla alveg nákvæmlega jafnmikið um það mót. Í mínum huga er
enginn vafi á að áhugi er fyrir því hjá þeim sem fylgjast með fjölmiðlum.
Kannski finnst einhverjum þetta hallærisleg pæling, og það er bara í góðu
lagi. En eitthvað þarf að gera til að minnstu stelpurnar okkar, þessar sem eru
að byrja að æfa fótbolta, eignist fyrirmyndir í boltanum til jafns á við strákana.
Hjá strákunum eru fyrirmyndir á hverju strái og þeir geta auðveldlega mátað
sig við leikmennina, safnað spjöldum og svo framvegis.
Umfjöllun, bæði magn og gæði, skiptir nefnilega máli í sjálfu sér. Fjölmiðla-
háð íþrótt eins og fótboltinn (hann lifir bókstaflega vegna sjónvarpsins) þarf á
umfjöllun að halda og fólk kallar eftir því að vita meira. Allt í einu eru til dæmis
allir orðnir sérfróðir um hönnun keppnisbúninga. Það er ekki illa meint þótt
fólk gagnrýni heldur sýnir þetta bara áhugann á íþróttinni. Við viljum helst vita
allt og rýnum í hvert smáatriði. Í stóru heildarmyndinni er búningurinn þó auð-
vitað ekki aðalmálið, heldur hvernig strákarnir koma til með að skila sínu hlut-
verki á vellinum. En við sem störfum við fjölmiðla þurfum líka að skila okkar
hlutverki – og vonandi getum við gert sífellt betur í öllu sem snýr að þessari
stórskemmtilegu íþrótt hvort sem hún er leikin af körlum eða konum.
Eyrún Magn-
úsdóttir
Morgunblaðið/Eggert
Hér er EM um EM
frá EM til EM
Pistill
Eyrún
Magnúsdóttir
eyrun@mbl.is
’Allt í einu eru allirorðnir sérfróðir umhönnun keppnisbúninga.Það er ekki illa meint
þótt fólk gagnrýni
heldur sýnir bara
áhugann á íþróttinni.
Iðunn Jónasardóttir
Nei, en okkur langar rosalega mikið
að fara til Ítalíu í hjólaferð. Það er
draumurinn.
SPURNING
DAGSINS
Ertu búin
(n) að
skipu-
leggja sum-
arfríið?
Tumi Björnsson
Ég er ekki búinn að gera það en ég
vona að sumarið verði gott.
Gunnar Einar Annelsson
Ég var að því í morgun. Fara til
Tenerife.
Oddný María Haraldsdóttir
Ég verð bara að vinna hjá Arion
banka uppi á flugvelli.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 569 1100
Útgáfufélag
Árvakur hf.,
Reykjavík.
Forsíðumyndina tók
Eggert Jóhannesson
Ragnheiður Maísól Sturludóttir, myndlistarkona, er meðlimur spunaleikhóps-
ins Improv Ísland sem heldur vikulegar sýningar í Þjóðleikhúskjallaranum.
Ragnheiður Maísól ásamt
dóttur sinni Steinunni
Lóu Ragnarsdóttur.