Morgunblaðið - Sunnudagur - 13.03.2016, Blaðsíða 40

TÆKNI
40 MORGUNBLAÐIÐ SUNNUDAGUR 13.3. 2016
Bandaríska hönnunarfyrirtækið Ten One Design hefur hannað stykki fyrir hleðslutæki fyrir
MacBook og iPad sem gerir það mun þægilegra að hlaða græjurnar þar sem pláss er naumt.
Með Blockhead-viðbótinni verður hægt að lauma hleðslutækinu bak við rúm eða sófa.
Þægilegra að hlaða
Þegar ég hélt heim úr vinnunni í gær var ég með vinnu-tölvuna í vasanum og þegar heim var komið stakk éghenni í samband við skjá, lyklaborð og mús og hélt
áfram að vinna. Þó tölvur hafi farið minnkandi var þetta þó
minnsta vél sem ég hef komist í tæri við, ekki nema 151,9 x
78,4 mm að stærð og ekki nema 8,1 mm að þykkt. Já, og ekki
nema 165 grömm að þyngd.
Glöggir hafa væntanlega áttað sig á að ég er að tala um
síma, sem birtist reyndar á myndinni hér til hliðar, og tækni-
fróðir hafa sennilega líka kveikt á því að ég er að tala um
Lumia 950 XL. Já, og tengikví sem kallast Microsoft Display
Dock sem gerir kleift að nýta símann sem tölvu með því að
nota Continuum-tækni sem er innbyggð í Windows 10 og þar
með Lumia 950-símana.
Lumia 950 og 950 XL með Windows 10 eru andlit farsíma
Microsoft, bestu sím-
arnir sem fyrirtækið
framleiðir og þeir tækni-
legustu og góð vísbend-
ing um hvert Microsoft
stefnir, hvernig fyrir-
tækið hyggst tvinna
saman farsíma, fartölvur, borðtölvur, leikjatölvur og allskyns
heimilistæki með aðstoð Windows 10, tryggja að öll apparöt
geti talað saman og einnig, það sem mestu skiptir, unnið sam-
an. Ef allt gengur eftir munu notendur þá nota sama hugbúnað
á ólíkum tækjum – forritin laga sig einfaldlega að tækinu, skjá
og inntaksmöguleikum þess. Það að vinna í Windows 10 með
símann var og nánast eins og að vinna á borðtölvunni sem fékk
frí á meðan. Ekki alveg eins hraðvirkt, nema hvað, en nógu
hraðvirkt.
Lumia 950 XL er annars framúrskarandi sími. Hann er með
5,7" AMOLED-skjá með framúrskarandi litastýringu og
1440x2560 díla upplausn (Quad HD), 518 díla á tommu. Þetta
er þó ekki venjulegur AMOLED heldur bætti Microsoft við
ClearBlack-skautunarsíu sem gerir hann enn betri, sér-
staklega utandyra þar sem skerpan verður mun meiri.
Síminn er stór, en ekki risastór, eiginlega passlega stór þó
hann passi ekki vel í buxnavasa alla jafna. Hann fer og vel í
hendi, plastið er stamt og einfalt að nota hann með annarri
hendi, til að mynda með því að smella tvívegis á Windows-
hnappinn, en þá lagar hann sig að því að vera notaður með
annarri hendi. Einfalt og snjallt.
Hægt er að skipta út rafhlöðu í símanum, ef vill, en mér
finnst það reyndar ofmetið atriði, enda eru framleiðendur
flestir hættir að spá í slíkt.
Myndavélar í Microsoft-farsímum hafa verið venju fremur
góðar hingað til og vélin í 950 XL-símanum er afbragð. Mynd-
flagan er 20 MP og linsan frá Zeiss. Í vélinni er hristivörn í
linsu og þrefalt LED-flass. Ljósopið er F/1,9. Á framhlið sím-
ans er 5 MP myndavél. Myndavélaforritið sjálft er líka með
ýmsum viðbótum eins og myndir sem fella stutt myndskeið
saman við og hægt er að skoða á tækjum með Windows 10, og
betri stýringu á HDR-myndatöku, en þá tekur vélin nokkrar
myndir í einu með mismunandi flassstyrk og myndasmiðurinn
getur síðan valið best lýstu myndina úr.
Vinnsluminni í símanum er 3 GB og gagnaminni er 32 GB,
en svo er líka rauf fyrir SD-kort og því hægt að auka plássið
verulega ef vill. Rafhlaðan er rífleg á pappírnum, 3.300 mAh,
og endingin fín þann tíma sem ég hef haft símann. Hann styð-
ur hraðhleðslu eins og allir almennilegir símar nú til dags og
eins þráðlausa hleðslu. Hann er annars hlaðinn um USB-C
tengi, en fyrir einhverjar sakir virðist bara hægt að nota
straumbreytinn og snúruna sem fylgir. Það undirstrikar
reyndar að USB-C er ekki bara USB-C heldur eru ýmis af-
brigði í notkun.
Lumia 950 XL kostar 134.990 kr. hjá OK-beint. Lumina 950
kostar 119.990 kr. Microsoft Display Dock tengikví kostar
19.990 kr.
Með vinnutölvuna í vasanum
Draumur Microsoft er að allir í heim-
inum noti Windows, nema hvað. Nýr far-
sími, Lumia 950 XL, sýnir það vel, enda
nýtist hann sem fyrirtaks farsími, frábær
reyndar, og líka sem bráðgagnleg tölva
sem keyrir Windows 10.
’Lumia 950 XL ergóð vísbending umhvert Microsoft stefn-ir, hvernig fyrirtækið
hyggst tvinna saman
farsíma, fartölvur,
borðtölvur, leikjatölv-
ur og allskyns heim-
ilistæki með aðstoð
Windows 10 og
tryggja að öll apparöt
geti unnið saman.
Græjan
Árni
Matthíasson
arnim@mbl.is
Tæknihátíðin SXSW Interactive
hefst í Austin í Texas um helgina
þar sem hún fer fram samhliða
stórri tónlistar- og kvikmyndahá-
tíð. Mashable.com skrifar að á
hverju ári verði eitt app alveg sér-
staklega vinsælt á SXSW. Á síð-
ustu árum hafa forritin Twitter,
Foursquare og Meerkat slegið í
gegn á hátíðinni. Mashable spáir
þessum fimm velgengni í ár:
1. Anchor
Þetta er samfélagsmiðill sem
notast við talað mál. Notendur
hlaða inn stuttum hljóðbútum,
sem aðrir geta hlustað á, deilt og
svarað. Þetta þykir minna á
Twitter og Facebook nema bara
með talmáli.
2. Shorts
Paul Davison, höfundur Shorts,
hefur áður notið velgengni á
SXSW með appinu Highlight,
sem hefur nú fallið í gleymskunnar
dá. Shorts snýst um að deila upp-
lýsingum, myndum og fleiru með
vinum á þægilegan hátt.
3. KnowMe
KnowMe snýst um að búa til
stutt myndbönd með talmáli og
samblandi af ljósmyndum og
myndböndum. Forritið þykir
minna á Vine í notkun. JJ Abrams
og annar stofandi Moviefone, And-
rew Jarecki, eru bakhjarlar verk-
efnisins og ætla þeir að mæta á há-
tíðina til að kynna það.
4. Tribe
Tribe snýst helst um mynd-
bandsskilaboð og gerir það ein-
staklega þægilegt að deila stuttum
hljóð- og myndskilaboðum. Hægt
er að vinna sér inn stig í Tribe-
samfélaginu þegar appið er notað.
5. Cola Messenger
Tilgangurinn með þessu appi er
að gera það ennþá auðveldara að
skiptast á skilaboðum við fólk,
ekki síst til að skipuleggja sameig-
inlega viðburði, svo eitthvað sé
nefnt.
TÆKNIHÁTÍÐIN SXSW
Eiga þessi eftir að
slá í gegn?