Morgunblaðið - Sunnudagur - 13.03.2016, Blaðsíða 34

Franska tískuhúsið Chanel hélt sýningu á fatalínu sinni fyr-ir haustið og veturinn 2016-2017 á tískuviku í París í vik-unni. Sýningar Chanel eru jafnan þær stærstu í tísku-
bransanum og var þetta skipti engin undantekning.
Sýningarstaðurinn var Grand Palais og var búið að breyta hús-
inu þannig að það líktist hátískustúdíói í gamla stílnum. Áður
hefur hönnuðurinn Karl Lagerfeld breytt þessu glæsilega hús-
næði til dæmis í flugvöll og matvöruverslun þannig að breyt-
ingin nú var hæversk í samanburðinum.
Tilgangurinn með þessu var að gefa áhorfendunum tækifæri
til að upplifa fötin í návígi. Viðstaddir voru um þrjú þúsund
manns, sem allir sátu í fremstu röð og fylgdust með fyrirsæt-
unum sýna hátt í hundrað alklæðnaði. Búið var að raða stólum
bak í bak og búa þannig til stórt sýningarsvæði.
Gera má þá ráð fyrir að allir hafi fengið jafn góð tækifæri til
að mynda fötin og birta á Snapchat og Instagram.
Tónlistin var í hröðum takti til að gefa fyrirsætunum tækifæri
til að komast hratt yfir, enda gengu þær margfalt lengra en á
venjulegri sýningu.
Lagerfeld segir að þetta hafi verið svar hans við
því að sýningar Chanel væru orðnar of stórar.
Hann segir að sýningin hafi verið lýð-
ræðisleg og enginn ætti
að geta kvartað yfir
því að hafa ekki séð
fötin.
Hettuklædd
Kendall Jenner.
AFP
Allir í fremstu röð
Karl Lagerfeld bauð upp á einstaklega glæsilega og jafnframt lýðræðislega
sýningu á mælikvarða tískuheimsins hjá Chanel í París í vikunni.
Inga Rún Sigurðardóttir ingarun@mbl.is
Mikið er lagt upp úr öllum smá-
atriðum og fylgihlutum.
Ný tegund af tösku.
Fágað en svalt.
Grifflur eru sígildur
Chanel-fylgihlutur.
Tímalaus klæðn-
aður að hætti
Chanel, perlur,
blúndur og hattur.
Ullarefni og flatbotna
skór voru áberandi í
sýningunni.
Búið var að raða stólum bak í bak og búa þannig til óvenjulega
stórt sýningarsvæði. Allir fengu að sitja í fremstu röð.
TÍSKA
34 MORGUNBLAÐIÐ SUNNUDAGUR 13.3. 2016
Um helgina verður Reykjavík Showroom eða sýningarrými fatahönnuða opið í Ráðhúsi
Reykjavíkur. Þar sýna íslenskir hönnuðir vetrarlínur sínar fyrir næsta vetur, 2016/2017.
Opið verður frá 12-18 á laugardaginn og 13-17 á sunnudag.
Sýningarrými fatahönnuða í Ráðhúsinu
Karl Lagerfeld tilkynnti í vikunni að Will-
ow Smith væri nýtt andlit Chanel. Hún
bætist í hóp fagurra fljóða sem tala máli
franska tískuhússins eins og Kristen
Stewart, Lily-Rose Depp, Cöru Dele-
vingne og Julianne Moore. Smith er að-
eins 15 ára gömul.
Hún mætti að sjálfsögðu á tískusýn-
inguna í vikunni og var þá í fylgd móður
sinnar, Jödu Pinkett Smith.
Lagerfeld á marga aðdáendur en á
sýningunni mátti sjá margt listafólk,
söngvara og leikara auk áhrifafólks í
tískuheiminum.
ÁHRIFAFÓLK Í TÍSKUHEIMINUM
Willow Smith
nýtt andlit
Chanel
Willow Smith ásamt móður sinni Jödu Pinkett Smith. Faðir
hennar, Will Smith, var fjarri góðu gamni.
AFP
Stællega Parísardaman og rithöfundurinn
með meiru Caroline de Maigret.
Pharrell Williams er mikill aðdáandi Lag-
erfelds og Chanel.