Morgunblaðið - Sunnudagur - 13.03.2016, Blaðsíða 8

MARIA SHARAPOVA, ein fremsta tenniskona heims, kunngjörði í vikunni að
hún hefði fallið á lyfjaprófi á Opna ástralska meistaramótinu í janúar síðastliðnum
og á hún nú yfir höfði sér allt að fjögurra ára keppnisbann. Sharapova, sem er 28
ára gamall Rússi, viðurkennir að hafa tekið inn hjartalyfið meldonium í um áratug
en segir það hafa verið að læknisráði vegna veikinda sem hún glímdi við á ung-
lingsaldri. Löglegt var að neyta meldonium þangað til um síðustu áramót, að lyfið
var sett á bannlista hjá keppnisíþróttafólki. Sharapova segir þá breytingu á hinn
bóginn hafa farið framhjá sér. Hún hafi þekkt lyfið undir samheitinu mildronate og
ekki gert sér grein fyrir því að um eitt og sama lyfið væri að ræða.
Þess má geta að Sharapova er hvorki fyrsti né síðasti íþróttamaðurinn til að falla
á lyfjaprófi vegna neyslu meldonium á þessu ári. Þeir hafa fallið hver um annan
þveran, Sharapova er bara langfrægust þeirra, og þess vegna hefur kastljós fjöl-
miðla beinst að þessu líttþekkta lettneska lyfi. Eins undarlega og það hljómar voru
tíðindin ekki slæm fyrir framleiðandann en meldonium hefur runnið út eins og
heitar lummur eftir játningu Sharapovu. Neytendur ættu
þó að sleppa því að skrá sig til þátttöku á íþróttamótum á
næstunni.
Viðbrögð við málinu hafa verið blendin. Sumir trúa
skýringum Sharapovu og segja hana aðeins hafa verið
óheppna. Hún hafi ekki vísvitandi verið að taka inn ólög-
legt lyf og taka beri tillit til þess þegar dómur verður
kveðinn upp í málinu. Aðrir eru sannfærðir um að aðeins
sé um yfirklór að ræða, rannsóknir bendi ótvírætt til þess
að meldonium hafi jákvæð áhrif á árangur íþróttamanna í
keppni og það hljóti Sharapova, þjálfarar hennar og
læknar að hafa vitað. Ekki er langt síðan framleiðandi
lyfsins upplýsti á alþjóðlegri ráðstefnu að meldonium
hefði í senn áhrif á spartverskt atgervi íþróttamanna, þol
þeirra og endurheimt eftir keppni. Nú í vikunni var allt
annað hljóð komið í strokkinn; eftir að Sharapova upp-
lýsti um málið sagði hann lyfið aðeins hafa áhrif á
endurheimt og líkti áhrifunum við það að fá sér góða
steik eftir keppni til að koma líkamanum aftur í topp-
stand. Hvers vegna pantaði Sharapova sér þá ekki
bara blóðuga nautalund í Ástralíu? orri@mbl.is
Í PRÓFÍL
8 MORGUNBLAÐIÐ SUNNUDAGUR 13.3. 2016
ÆVI Maria Yuryevna Sharapova fæddist í bænum
Nyagan í Rússlandi hinn 19. apríl 1987. Hún hefur
búið í Bandaríkjunum frá árinu 1994 en heldur góð-
um tengslum við Rússland og keppir fyrir þess
hönd á Ólympíuleikum. Sharapova var undrabarn í
tennis; byrjaði að keppa á atvinnumótum fjórtán
ára og komst fyrst í efsta sæti heimslistans aðeins
átján ára. Þar sat hún síðast árið 2012 en er nú í
sjöunda sæti. Sharapova hefur unnið 35 mót á ferl-
inum, þar af fimm svokölluð alslemmumót; Opna
franska meistaramótið tvisvar, Wimbledon, Opna
ástralska og Opna bandaríska einu sinni hvert.
Vinsældir Sharapovu ná langt út fyrir tennisheim-
inn, hún hefur til að mynda starfað töluvert sem
fyrirsæta. Frægt varð þegar hún sló sér upp með
söngvaranum Adam Levine úr Maroon Five eftir að
hafa kynnst honum í átján ára afmælinu sínu. Það
samband stóð stutt. Síðast var Sharapova í tygjum
við tennisleikarann Grigor Dimitrov en er nú á
lausu.
Maria Sharapova mætir í óskarspartí í Beverly Hills á
dögunum. Ekki er hverjum sem er boðið í slík partí.
AFP
Hefur unnið öll
stærstu mótin
STUÐNINGUR Eins og svo
margir íþróttamenn sem verið
hafa í sömu sporum og hún á
Maria Sharapova skyndilega mun
færri vini nú en í síðustu viku.
Fyrirtæki eru oftar en ekki fljót
að láta sig hverfa þegar íþrótta-
maður sem þau hafa stutt
„óhreinkast“ með þessum hætti.
Þegar hafa þrjú stór fyrirtæki
sagt upp samningum sínum við
hana, Nike, Tag Hauer og
Porsche, og fleiri sigla án efa í
kjölfarið. Lítill vilji virðist vera til
að bíða eftir lyktum málsins,
orðspor Sharapovu er flekkað og
það dugar til.
Vinunum
fækkar
AFP
Sharapova ekur burt á glænýjum Porsche eftir sigur á Grand Prix-móti í
Stuttgart fyrir tveimur árum. Nú vill fyrirtækið ekkert við hana kannast.
UMDEILDT Rússneska tenn-
issambandið hefur staðið
þétt að baki sinni konu, seg-
ir málið „þvætting“ og
gengur út frá því að búið
verði að hreinsa mann-
orð Sharapovu í tæka tíð
fyrir Ólympíuleikana í
Rio de Janeiro í sumar,
þar sem hún á að vera
eitt helsta vopn Rússa.
Ekki eru allir á sama
máli. Gamli Wimbledon-
meistarinn Pat Cash sagðist í
vikunni eiga erfitt með að trúa
skýringum Sharapovu. Þá hjólaði
fyrrverandi tenniskonan Jennifer
Capriati í Sharapovu á Twitter og
fór fram á að allir titlar yrðu teknir
af henni. Engin rök væru fyrir því
að heilbrigð kona væri að taka
hjartalyf að staðaldri.
Sharapova leiðbeinir börnum á tennis-
námskeiði í Moskvu í febrúar sl.
AFP
Misskilningur
eða ásetningur?
Maria Sharapova í ham
á Opna ástralska meist-
aramótinu í ársbyrjun.
’ Ekki er langt síðanframleiðandi lyfsinsupplýsti á alþjóðlegri ráð-stefnu að meldonium
hefði í senn áhrif á spart-
verskt atgervi íþrótta-
manna, þol þeirra og
endurheimt eftir keppni.
AFP
Sharapova á blaðamanna-
fundi í Los Angeles, þar sem
hún tilkynnti að hún hefði
fallið á lyfjaprófi.
„Þetta er
þvættingur“
www.smarativoli.is / Sími 534 1900 / Smáralind
SKEMMTUN FYRIR ALLA!
ER AFMÆLI
FRAMUNDAN?
VERÐ
FRÁ
1.99
0,-