Bókasafnið - 01.06.2015, Page 48

48
Bókasafnið 39. árg. 2015
Konstfack og skoðuðu efnissafnið þar. Í lokaskýrslu eftir ferð-
ina lýsa þeir reynslu sinni svo:
„Eitt af því markverðasta sem við sáum þar og jafnframt í
allri ferðinni var efnissafn, þ.e. safn sýnishorna ýmissa
efna, t.d. plast-, textílefna o.fl sem er hluti af bókasafni
Konstfack. Nemendur og kennarar gátu fengið sýnishornin
lánuð eins og bækur, þau voru strikamerkt og lánuð gegn-
um bókasafnskerfi safnsins. Við vorum mjög hrifnar af
efnissafninu og hugmyndinni á bak við það en þetta var í
fyrsta skipti sem við sáum og heyrðum af slíku safni. Fyrir
skóla eins og Tækniskólann þá væri frábært fyrir nemendur
okkar í hönnunar- og listgreinum að hafa aðgang að efnis-
safni þar sem þeir gætu ekki einungis lesið um eiginleika
þeirra efna sem þeir vilja nota heldur einnig þreifað á þeim,
fundið mismunandi áferð og gert sér þannig betur grein
fyrir mismunandi eiginleikum efna“ (Ingibjörg Rögnvalds-
dóttir og Ragnhildur Blöndal, 2010).
Eftir ráðstefnuna í fyrrasumar hefur orðið vart við aukinn
áhuga meðal bókasafna sem þjóna nemendum í list- og
hönnunarnámi á því að koma upp efnissafni hér á landi. Eins
og í Stokkhólmi þá er þörfin til staðar, ekki síst hjá nemendum
Listaháskóla Íslands og Myndlistaskólans í Reykjavík en einnig
hjá öllum þeim nemendum sem leggja stund á nám í list- og
hönnunargreinum, hvort heldur sem er á framhalds- eða
háskólastigi. Starfandi listamenn og hönnuðir og ýmsar stofn-
anir hafa einnig sýnt málinu áhuga. Það má vel hugsa sér að
byrja á að stofna íslenskt safn með íslensku hráefni. Safn sýnis-
horna úr náttúrunni og íslenskum iðnaði sem gæti gagnast
nemendum í list- og hönnunargreinum, arkitektum, hönnuð-
um, listamönnum og öðrum sem huga að og starfa við list-
sköpun. Á safninu yrði aðstaða til rannsókna þar sem hægt
væri að handfjatla sýnishornin til að gera sér gein fyrir eigin-
leikum efnisins og vekja hugmyndir. Lykt sem upplifun er líka
markmið. Möguleikarnir eru endalausir. Efnissöfn verða hins
vegar ekki sett upp á einum degi og það er erfitt fyrir fámenna
skóla og bókasöfn að koma sér upp efnissafni sem stæði und-
ir nafni. Það er því okkar tillaga að framhalds- og háskólasöfn-
in sem áhuga hafa á málinu vinni saman að uppbyggingu
efnissafns sem nýst getur nemendum þeirra.
Heimildir
Berggren, J. (2006). Materialbibliotek - vad är det? (meistaraprófsritgerð).
Umeå: Umeå Universitet. Sótt af http://umu.divaportal.org/smash/record.
jsf?pid=diva2%3A144719&dswid=1278
Ingibjörg Rögnvaldsdóttir og Ragnhildur Blöndal. (2010). [Skýrsla] (óbirt efni)
Martling Palmgren, L., & Schmidt, O. (2003). Materialbibliotek på Konstfack:
en förstudie. Stockholm: Konstfack. Sótt af https://www.konstfack.se/
PageFiles/177/KU%20rapport%2003%20MatBib%20web.pdf

Ég er einn af mestu ritsnillingum, sem ritað hafa íslenska tungu. Og sál mín er víð og djúp eins og alvaldið.
Ég er skáld og fræðimaður, heimspekingur og meistari í orðsins list. Mér er og gefin sú gáfa að geta hugsað
og rannsakað vísindalega. En ástæður mínar hafa meinað mér að fást við vísindastörf. Ég hefi orðið að gera
mér að góðu að vera bara vesæll fræðimaður.
Þórbergur Þórðarson , Bréf til Láru
Allar bækur eru góðar. Og allar bækur eru vondar. Engar bækur eru allar góðar og engar heldur allar vondar.
Allar bækur eru bæði góðar og vondar eða vondar og góðar.
Þórbergur Þórðarson , Bréf til Láru