Bókasafnið - 01.06.2015, Side 55

55
Bókasafnið 39. árg. 2015
Íslenskar menningarstofnanir hafa skráð lýsigögn um 56%
safnkosts síns í gagnagrunn, eða svipað hlutfall og evrópskar.
Vel flestar evrópskar menningarstofnanir (87%) hafa að
geyma stafrænt efni. Rúmlega þriðjungur stofnana (36%) eru
með skjalfesta stefnu um stafræna endurgerð. Í flestum ís-
lenskum menningarstofnunum eða 27 af 38 (71%) er annað
hvort að finna stafrænt safnefni eða unnið er að stafrænni
endurgerð á hliðrænu safnefni. Rúmlega helmingur íslenskra
menningarstofnana (58%) eru með skjalfesta stefnu um staf-
ræna endurgerð.
Stöplarit 1: Staða stafrænnar endurgerðar í Evrópu og á
Íslandi (Ísland, n=34, Evrópa, n=1194)
Að meðaltali er búið að endurgera um 17% safnkosts menn-
ingarstofnana í Evrópu stafrænt og enn bíður 52% safnkosts-
ins þess að vera færður yfir á stafrænt form. Ekki er ráðgert að
færa um þriðjung safnkosts á stafrænt form.
Mismunandi ástæður geta legið fyrir því að ekki er talin
ástæða til þess að endurgera efni stafrænt, til að mynda ef
talið er að ekki sé eftirspurn eftir efninu. Höfundarréttarmál
geta einnig komið í veg fyrir stafræna endurgerð. Um 23% ís-
lenska safnkostsins hefur verið endurgerður stafrænt og enn á
eftir að endurgera um 48% safnkostsins. Ekki er ráðgert að
endurgera stafrænt um 30% íslenska safnkostsins.
Samantekt
Notkun íslenskra menningarstofnana á stafrænni tækni virðist
lítið frábrugðin hinni almennri þróun á meginlandi Evrópu.
Ítarlegri upplýsingar um könnunina er að finna í nýrri skýrslu
Landsbókasafns Íslands – Háskólabókasafns um könnunina
(Hrafn H. Malmquist, 2015) og skýrslu Enumerate Survey Re-
port on Digitisation in European Cultural Heritage Institutions
2014 (Stroeker og Vogel, 2014).
Heimildir
Ásta Magnúsdóttir. (2013). Menningarstefna. Sótt af
http://www.menntamalaraduneyti.is/menning/menningarstefna/
Hrafn H. Malmquist. (2015). Stafræn menning : Niðurstöður Enumerate-könnun-
arinnar á stafrænu efni menningarstofnana 2014. Sótt af http://landsboka-
safn.is/uploads/stafraen_menning_enumerate_skyrsla_lbs_2014.pdf
Stroeker, N. og Vogels, R. (2014). Survey Report on Digitisation in European
Cultural Heritage Institutions 2014. Sótt af http://www.enumerate.eu/
fileadmin/ENUMERATE/documents/ENUMERATE
DigitisationSurvey-2014.pdf