Morgunblaðið - 13.08.2016, Qupperneq 4

4 FRÉTTIRInnlent
MORGUNBLAÐIÐ LAUGARDAGUR 13. ÁGÚST 2016
• Stykkofn
• Steinofn
• Hefskápur
• Eltikar
• Björn hrærivélar
og margt fleira
Til sölu er mikið af tækjum og búnaði
úr handverksbakaríi s.s.
Handverksbakarí
Sjá myndir á vefsíðunni sifka.is
Upplýsingar eru gefnar í síma 894 2536.
Skúli Halldórsson
sh@mbl.is
Þeir sem leið hafa átt um stræti
Reykjavíkur að undanförnu gætu
hafa komið auga á lögreglubifhjól
af gerðinni BMW þeysa um göt-
urnar með þýskt skráningarnúmer.
Ásgeir Þór Ásgeirsson, yfirlög-
regluþjónn lögreglunnar á höf-
uðborgarsvæðinu, segir hjólið hafa
verið fengið að láni hjá Biking Vik-
ing, umboði BMW-hjóla hér á
landi.
„Ég býst við því að við verðum
með það hjá okkur eitthvað fram á
haustið,“ segir Ásgeir í samtali við
Morgunblaðið. „Það er auðvitað
alltaf viss endurnýjun í gangi og
þeir höfðu áhuga á því að láta okk-
ur prófa þetta.“
Aðspurður játar hann að lögregla
hafi fengið nokkrar fyrirspurnir frá
vegfarendum sem litið hafa hjólið
augum. „Það er nú með íslenska
lögreglustjörnu og á því er maður í
íslenskum lögreglubúningi. En jú,
fólk hefur verið að velta þessu fyrir
sér.“
Hjólið kom fullbúið til lögregl-
unnar og hefur því haft lítinn
kostnað í för með sér fyrir emb-
ættið að sögn Ásgeirs. „Kostnaður-
inn er í raun enginn, fyrir utan
bensínið.“
Bætir hann við að lögreglan hafi
síðan þá leitað til annarra umboða,
til að athuga hvort þeim hugnist að
bjóða þeim fleiri hjól til prófunar.
„Og þau eru að skoða það.“
Yamaha-hjólin reynst vel
Agnar Hannesson, sem rekur
bifreiðamiðstöð ríkislögreglustjóra,
segir lögregluna nú notast við bif-
hjól japanska framleiðandans Ya-
maha.
„Við fórum í útboð árið 2007 og
svo aftur 2010 eða 2011. Þá stóðust
Yamaha-hjólin allar kröfulýsingar
auk þess sem þau báru lægsta
verðið. Þau hafa reynst okkur mjög
vel.“
Agnar tekur fram að hann hafi
ekki komið að samkomulagi lög-
reglunnar á höfuðborgarsvæðinu
um prófun á hjólinu.
„Ég sé um öll innkaup ökutækja
og ég myndi því þurfa að fara í
örútboð eða bjóða öllum seljendum
að vera með. Við vildum því ekki
vera með í þessu. Þetta er ein-
göngu á vegum lögreglunnar á
höfuðborgarsvæðinu.“
Lögreglan prófar nýtt bifhjól frá Þýskalandi
Ljósmynd/Lögreglan á höfuðborgarsvæðinu
Nýtt Hjólið kom fullbúið til lögreglunnar og hefur embættið aðeins þurft að greiða fyrir eldsneytið.
 Leitar til fleiri
umboða bifhjóla
Skúli Halldórsson
sh@mbl.is
Frá júlímánuði 2013 hefur vísitala
neysluverðs hækkað um 5,4%, á
sama tíma og vísitölur verðs á ýms-
um innfluttum vörum hafa lækkað
um allt að 17,3%. Þetta má ráða af
gögnum Hagstofu Íslands.
Yngvi Harðarson, hagfræðingur
og framkvæmdastjóri Analytica,
segir áhrifa gengisstyrkingar ís-
lensku krónunnar gæta augljóslega
í verðlagi innfluttra vara, en geng-
isvísitalan hefur lækkað um 15,9% á
undanförnum þremur árum, og
krónan þannig styrkst sem því
nemur gagnvart erlendum gjald-
miðlum.
Aðeins viss hluti lækkað í takt
„Við sjáum að vísitala neysluverðs
er á uppleið en hún hefði hækkað
hraðar og verið mun hærri ef inn-
fluttar vörur hefðu ekki lækkað
svona í verði,“ segir Yngvi í samtali
við Morgunblaðið.
„Í raun hefur þó ekki nema viss
hluti erlends varnings lækkað í takt
við styrkingu gengisins,“ segir
Yngvi og tekur vísitölu verðs á bílum
sem dæmi, en hún hefur aðeins
lækkað um 4,2% á tímabilinu.
„Tölvur hafa hins vegar lækkað í
takt við gengisvísitöluna, og raftæki
jafnvel aðeins meira, en þar eiga
lækkanir vörugjalda örugglega hlut
að máli.“
Yngvi segir að dæmið sé þó ekki
svo einfalt, alltaf sé viss innlendur
þáttur í verðlagningu innfluttra
vara, svo sem rekstur verslana og
launakostnaður. Samkvæmt út-
reikningum hans hefur styrking
krónunnar um tíu prósent þannig yf-
irleitt í för með sér um 3-4% lægri
verðbólgu innanlands.
Lægra vöruverði fleytt áfram
Gunnar Bachmann, framkvæmda-
stjóri GER-Innflutnings sem á og
rekur Húsgagnahöllina, segir styrk-
ingu gengisins hafa tvímælalaust
gefið fyrirtækinu kost á hagstæðari
innkaupum erlendis. Neytendur
njóti þá góðs af lægra vöruverði.
„Í raun er það þannig, þegar ný
vara kemur inn til okkar á lægra
verði, þá er því bara fleytt áfram til
viðskiptavina,“ segir Gunnar.
„Markaðurinn bara dauður“
Þá segir hann uppsafnaða þörf á
húsgögnum og ýmsum húsbúnaði
hafa greinilega verið til staðar.
„Markaðurinn var bara dauður
eftir hrunið, að minnsta kosti fram til
2011. Enda lögðu margir samkeppn-
isaðilar okkar upp laupana á þeim
tíma.“ Nú sé sala húsgagna hins veg-
ar að taka við sér að nýju, eftir nokk-
ur mögur ár.
„Undanfarin ár hafa verið góð, allt
frá árinu 2013 höfum við fundið fyrir
því að salan er að aukast hjá okkur.“
Þarf að horfa langt aftur í tíma
Síðustu tólf mánuði hefur krónan
styrkst um 11,1%, sem telja verður
heldur snarpa hækkun miðað við ár-
in þar á undan. Yngvi segir að þó séu
fordæmi fyrir hækkun sem þessari.
„En til að sjá svona mikla og sam-
fellda styrkingu, eins og við höfum
séð síðan árið 2013, þarf að horfa
nokkuð langt aftur í tímann, kannski
til tímabilsins á árunum 2002 til
2005.“
Líkt og endranær getur reynst
erfitt að spá í nána framtíð krónunn-
ar, en einkum nú vegna þess ástands
sem fjármagnshöftin hafa skapað að
sögn Yngva.
„Það hefur náttúrlega verið geysi-
mikið innstreymi gjaldeyris vegna
góðs gengis í útflutningi, bæði í sjáv-
arútvegi og ferðaþjónustunni, en
kannski lakara í stóriðjunni. Þá eru
háir vextir að draga hingað peninga
því til viðbótar. Maður sér ekki
snögga breytingu í nánd eins og er,
en skjótt skipast veður í lofti.“
Gengið heldur verðbólgu í skefjum
 Gengisvísitala krónu hefur lækkað um tæp 16 prósent á þremur árum  Verðlag innfluttra vara
lækkar á sama tíma og vísitala neysluverðs hækkar  Uppsöfnuð neysluþörf virðist vera til staðar
Morgunblaðið/Eggert
Verslun Sala húsgagna er að taka við sér að nýju eftir nokkur mögur ár.
Áhrif gengis á valdar neysluvísitölur
Gengisvísitala krónu (-15,9%)
Raftæki (-17,3%)
Heildarvísitala neysluverðs (+5,4%)
Húsgögn, heimilisbúnaður o.fl. (-6,5%)Föt og skór (-8,1%)
Bílar (-4,2%)
220
180
140
200
160
júl.13 júl.14 júl.15 júl.16
Heimild: Hagstofan, Landsbankinn
Hlutverk Íbúðalánasjóðs (ÍLS) mun
gjörbreytast verði nýtt frumvarp um
húsnæðismál, sem húsnæðis- og vel-
ferðarráðherra hefur lagt fram, sam-
þykkt á Alþingi. Er þar m.a. gert ráð
fyrir því að heimildir sjóðsins til lán-
veitinga verði takmarkaðar við sér-
tæk lán á samfélagslegum forsendum
eða vegna markaðsbresta. Segir frá
þessu í tilkynningu ÍLS til Kauphall-
ar Íslands.
Lán til einstaklinga verða ein-
skorðuð við þá sem ekki eiga kost á
fasteignalánum á viðunandi kjörum
hjá öðrum lánastofnunum, s.s. vegna
staðsetningar fasteignarinnar eða af
öðrum ástæðum.
Veita áfram lán til leigufélaga
Núgildandi ákvæði um hámarkslán
og hámarksveð fasteigna mun haldast
óbreytt og sama máli gegnir um
greiðslugetu lántaka og veðhæfi fast-
eignar. Sjóðnum verður áfram heimilt
að veita lán til leigufélaga, en aðeins
þeirra sem rekin eru án hagnaðarsjón-
armiða og til sveitarfélaga, s.s. vegna
húsnæðis fyrir fatlað fólk, aldraðra,
öryrkja, námsmenn og vegna hjúkr-
unarheimila.
Þá verður einnig skerpt á hlutverki
sjóðsins í stefnumótun og áætlanagerð
í húsnæðismálum auk þess sem skýr
bókhaldslegur aðskilnaður verður
gerður milli eldra lánasafns og skuld-
bindinga nýrra lána og stofnframlaga.
Hlutverki ÍLS verði breytt
 Lán til einstaklinga verði einskorðuð við þá sem ekki eiga
kost á fasteignalánum á viðunandi kjörum annars staðar