Dagblaðið Vísir - DV - 24.03.2015, Blaðsíða 4

Vikublað 24.–26. mars 20154 Fréttir
Kosið um verkfall
Komið að ögurstundu í kjarabaráttunni
R
afræn kosning um verkfall
félagsmanna í Starfsgreina-
sambandi Íslands hófst á
mánudag. Kosningin stendur
til miðnættis mánudaginn 30. mars
og niðurstöður munu liggja fyr-
ir daginn eftir. Það verður því ljóst
fyrir páska hvort félagsmenn kjósa
með verkfalli en Starfsgreinasam-
bandið hefur sett fram skýra kröfu
um þrjú hundruð þúsund króna
lágmarkslaun innan þriggja ára.
Áætlað er að verkfallsaðgerð-
irnar hefjist 10. apríl með allsherj-
arvinnustöðvun frá hádegi til mið-
nættis. Í framhaldi af því verða
staðbundin verkföll en ef ekki tekst
að semja verður ótímabundin
vinnustöðvun frá 26. maí.
„Félagsmenn okkar eru sam-
mála um að nú sé komið að ögur-
stundu í kjarabaráttu. Það verður
ekki liðið að fólk sem vinnur fyrir
lægstu laununum á Íslandi eigi að
bera ábyrgð á stöðugleika og lágri
verðbólgu. Það er ávísun á aukna
misskiptingu. Samfélag þar sem
einhver er skilinn eftir er ekki gott
samfélag. Almenn samstaða er í
samfélaginu um nauðsyn þess að
hækka lágmarkslaun í 300 þúsund
krónur enda er það öllum til hags-
bóta að verkafólk í landinu njóti
mannsæmandi lífskjara. Við bú-
umst fastlega við að verkfallið verði
samþykkt en undanfarið hafa ver-
ið haldnir fjölmargir vinnustaða-
fundir, trúnaðarmannafundir og fé-
lagsfundir og alls staðar er tónninn
sá sami,“ segir Drífa Snædal, fram-
kvæmdastjóri Starfsgreinasam-
bandsins. n atli@dv.is
Verkfall Myndin
er frá mótmælum
tónlistarkennara.
Mynd Sigtryggur Ari
„FoRtíðin mun
alltaF elta mig“
F
ortíðin mun alltaf elta mig en ég
þarf bara að fá tíma til að sýna
fólki hvernig ég er orðinn í dag.
Ávinna mér traust,“ segir hinn
21 árs gamli Jóhannes Gísli Egg-
ertsson, sem ungur að árum leiddist út
í óreglu sem endaði með því að hann
var dæmdur í fangelsi – meðal annars
fyrir fjársvik á netinu. Hann hef-
ur á undanförnum mánuðum stofn-
að hverja vefsíðuna á fætur annarri í
von um að koma undir sig fótunum í
netheimum – með löglegum leiðum.
Safnar fylgjendum á Facebook
Vefsíða Jóhannesar, magnkaup.is,
hefur vakið athygli undanfarið en
Facebook-síða Magnkaupa hefur
safnað ríflega 6 þúsund fylgjendum
á skömmum tíma. Munar þar mestu
um leik sem Jóhannes hefur stofnað
til og lofar skráðum notendum síð-
unnar vinningi upp á tveggja vikna
utanlandsferð til Alicante og 250
þúsund krónur í gjaldeyri. Þúsundir
hafa deilt þessum leik sem við fyrstu
sýn gæti virst of góður til að geta
staðist. Jóhannes segist aðspurður
þó standa við stóru orðin og að vinn-
ingshafi verði valinn og allt verði fyrir
opnum tjöldum. Leikurinn sé aðeins
leið til að auglýsa síðuna.
„Þetta er í rauninni ekkert dýrara
en að kaupa auglýsingu,“ seg-
ir Jóhannes aðspurður um þennan
rausnarlega vinning.
Selur hjálpartæki ástarlífsins
Hin nýstofnaða Magnkaups-síða
hefur undanfarið auglýst tilboð á
meðal annars tölvuviðgerðum og
vírushreinsunum frá tölvuheimur.is
sem er önnur vefsíða sem Jóhann-
es er í forsvari fyrir. Þá nýtti 101 not-
andi sér nýlegt tilboð þar sem hægt
var að kaupa staka Durex-smokka á
30 krónur stykkið. „Þetta var aðeins
til að koma sér á framfæri og sýna að
við erum alvöru og að þetta er ekk-
ert svindl.“
Jóhannes rekur einnig síðuna
knattspyrna.is sem DV hefur áður
fjallað um, slúður.is, auk þess sem
hann er í forsvari fyrir vefheimur.
is sem hannar vefsíður. Deit.is er
önnur síða sem upphaflega átti að
vera stefnumótasíða en endaði sem
sölusíða fyrir hjálpartæki ástarlífs-
ins. Jóhannes segir þá síðu hafa
legið í dvala. „Sú hugmynd spratt
upp í kringum útgáfu myndarinn-
ar 50 Shades of Grey og við töldum
sniðugt að fara út í þennan bransa.
En ég hef ekkert verið að auglýsa
hana og lítið getað sinnt henni sök-
um annarra verkefna eins og Magn-
kaupa og Atlasvod.“
Hugmynd kviknaði á Kvíabryggju
Síðastnefnda síðan er tónlistarveita
sem Jóhannes segir svipaðan vef og
SoundCloud. „Þar skráir fólk sig frítt
og getur deilt tónlist sinni og komið
sér á framfæri. Þetta var eitthvað sem
ég gerði þegar ég var á Kvíabryggju.“
En fortíðin hefur fylgt Jóhann-
esi. Hann var dæmdur fyrir að svíkja
fé af fólki í gegnum netið í ársbyrj-
un 2014 og hlaut níu mánaða dóm,
þar af sex skilorðsbundna. Aðspurð-
ur hvort hann skilji hvers vegna fólk
kunni að vera á varðbergi gagnvart
því að hann sé nú búinn að hella sér
út í vefverslun, segir hann svo vera.
„Ég skil það mjög vel.“ Hann
kveðst vera búinn að snúa við blað-
inu síðan þá og líf hans gangi ágæt-
lega. Hann sé í AA og hafi verið edrú
í tvö ár. „Það hafa komið erfiðir tím-
ar, meðal annars vegna fjölmiðlaum-
fjöllunar. Það tekur mikið á.“
Leið að betra lífi
Jóhannes sér verkefnin sem hann
vinnur að núna sem leið að öðrum
og stærri markmiðum sínum í lífinu.
Hann vill aðeins fá að njóta sann-
mælis og fá tækifæri til að koma sér
á beinu brautina.
„Þetta er ekki eitthvað sem ég sé
fyrir mér að ég ætli að gera alltaf,
heldur meira byrjunarreitur fyrir það
sem ég stefni á. Það er fullt af hug-
myndum ennþá til. Þetta er til að
safna fjármagni til að gera eitthvað
stærra og betra.“ n
n Sneri við blaðinu eftir dóm og vill fá tækifæri n opnar sölusíður á netinu
Sigurður Mikael Jónsson
mikael@dv.is „Þetta var aðeins
til að koma sér á
framfæri og sýna að við
erum alvöru.
Í leit að nýju lífi í vefheimum Jóhannes Gísli Eggertsson segir erfitt að flýja fortíðina og hann skilur að fólk skuli vera á varðbergi varð-
andi rekstur hans nú. Hann kveðst þó hafa snúið við blaðinu og vill fá tækifæri til að feta sig á beinu brautinni. Mynd Sigtryggur Ari
Flottar
fermingargjafir
- okkar hönnun og smíði
PI
PA
R\
TB
W
A
•
SÍ
A
•
14
06
29

jonogoskar.is Sími 5524910 Laugavegi 61 Kringlan Smáralind
Flottar
fermingargjafir
Trú, von og kærleikur – okkar hönnun