Dagblaðið Vísir - DV - 24.03.2015, Blaðsíða 14

Vikublað 24.–26. mars 201514 Fréttir Erlent
SkuggaStjórnandi á allt undir á ÍSlandi
n „Við tjáum okkur ekki um starfsemi sjóðsins,“ segir Jeremy Lowe í samtali við DV n Stærsti kröfuhafi Íslands n Sent út yfir 70 fréttabréf til kröfuhafa
E
nginn einn kröfuhafi á jafn
mikið undir skuldaskilum
föllnu bankanna, nú þegar
styttist í að stjórnvöld op­
inberi stefnu sína um losun
fjármagnshafta, og bandaríski vog­
unarsjóðurinn Davidson Kempner.
Og enginn einn einstaklingur á um
leið meiri hagsmuna að gæta við
úthlutun eigna úr gömlu bönkun­
um en Jeremy Clement Lowe, mað­
urinn sem hefur stýrt umsvifum
vogunarsjóðsins hér á landi. Líklegt
er að endurheimturnar eigi eftir að
reynast umtalsvert minni en Jer­
emy – einnig þekktur sem „Herra
Ísland“ eða J. Lo – hafði reiknað
með fyrir aðeins fáeinum árum.
Í samtali við DV í gær sagðist Jer­
emy aðspurður ekki vilja ræða neitt
við blaðamann, hvorki um umsvif
sjóða á vegum Davidson Kempner
á Íslandi né skoðanir sínar í tengsl­
um við áform stjórnvalda um los­
un fjármagnshafta. „Það er opinber
stefna sjóðsins að tjá sig ekki um
starfsemi sína,“ sagði Jeremy. Eign­
ir í stýringu hjá Davidson Kempner
eru um 22 milljarðar Bandaríkja­
dala, jafnvirði 3.000 milljarða ís­
lenskra króna, eða sem nemur um
150% af landsframleiðslu Íslands.
Í árslok 2013 var sjóðurinn talinn
vera tólfti stærsti vogunarsjóður
heims.
Þrátt fyrir að hafa verið viðloð­
andi Ísland frá árinu 2009, þar sem
honum hefur tekist að byggja upp
víðtækt tengslanet, þá er fremur
lítið vitað um Jeremy. Ekki er að
finna neinar myndir af honum á
netinu og fyrir utan eina mynd sem
birtist í viðskiptablaði Morgun­
blaðsins í apríl 2014, þar sem sést
glitta í Jeremy á meðal annarra
fundargesta á kröfuhafafundi
Glitnis, þá hefur í reynd aldrei birst
mynd af honum í íslenskum fjöl­
miðlum – fyrr en núna í DV.
Stærsti kröfuhafinn
Jeremy, sem er fertugur Breti og
endurskoðandi að mennt, var ráð­
inn til starfa árið 2009 hjá David­
son Kempner European Partners
í London, dótturfélagi bandaríska
vogunarsjóðsins. Áður hafði hann
starfað hjá Citibank þar sem Jer­
emy hafði komið að viðskiptum
með kröfur á gömlu íslensku bank­
ana skömmu eftir fall þeirra haustið
2008. Samkvæmt heimildum DV þá
var það með ráðningu á Jeremy að
Davidson Kempner fór að fjárfesta
í kröfum á íslensku slitabúin af
miklum móð en sjóðurinn sérhæf­
ir sig einkum í fjárfestingum í svo­
nefndum „löskuðum skuldum“ (e.
distressed debt) gjaldþrota einka­
fyrirtækja. Þær fjárfestingar hafa
verið gerðar í gegnum Burlington
Loan Management, írskt skúffufé­
lag sem var stofnað í apríl 2009, og
er í eigu tólf sjóða á vegum David­
son Kempner. Ekki er hægt að kom­
ast yfir upplýsingar um hverjir séu
endanlegir eigendur hlutdeildar­
skírteina þeirra sjóða.
Umsvif sjóðsins á Íslandi juk­
ust hröðum skrefum næstu árin
og fljótlega varð Burlington stærsti
einstaki kröfuhafi íslensku slitabú­
anna. Sú staða hefur haldist meira
og minna óbreytt. Samkvæmt nýju­
stu kröfuskrá Glitnis, sem var lögð
fyrir kröfuhafafund fyrr í þessum
mánuði og DV hefur undir hönd­
um, þá var Burlington sem fyrr
stærsti kröfuhafi Glitnis en kröf­
ur sjóðsins nema 8,5% allra sam­
þykktra krafna á hendur slitabú­
inu. Að nafnvirði nema kröfurnar
194 milljörðum en áætlað mark­
aðsvirði þeirra, miðað við núver­
andi gangverð krafna Glitnis, er
um 55 milljarðar króna. Rétt eins
og áður hefur verið greint frá í DV
þá seldi Burlington nýlega kröfu að
fjárhæð 44 milljarðar að nafnvirði
til vogunarsjóðs í eigu auðjöfursins
George Soros.
Kaupir kröfur á LBI
Eftir að hafa verið einnig í hópi allra
stærstu kröfuhafa slitabús Kaup­
þings þá seldi Burlington megnið
af kröfum sínum á bankann á ár­
inu 2013. Í dag á sjóðurinn kröf­
ur á Kaupþing fyrir aðeins um 8
milljarða að nafnvirði. Á sama tíma
hefur Burlington hins vegar beint
sjónum sínum í auknum mæli að
slitabúi gamla Landsbankans (LBI)
og keypt umtalsvert af almenn­
um kröfum á búið síðustu mánuði.
Þannig sýnir nýjasta kröfuskrá LBI,
sem DV hefur undir höndum, að
Burlington Loan Management á
orðið samþykktar almennar kröf­
ur á slitabúið fyrir um 95 milljarða
að nafnvirði. Nema kröfur í nafni
sjóðsins tæplega 6% allra sam­
þykktra almennra krafna LBI og er
áætlað markaðsvirði krafnanna lík­
lega í kringum tíu milljarðar króna.
Þá er talið að Deutsche Bank, sem
keypti umtalsvert af forgangskröf­
um á LBI á liðnu ári, meðal annars
Icesave­kröfu hollenska seðlabank­
ans sl. haust, sé aðeins milliliður
fyrir hönd vogunarsjóða á borð við
Burlington Loan Management.
Ómögulegt er þó að komast yfir
nákvæmar upplýsingar um raun­
verulegt eignarhald sjóða David­
son Kempner á kröfum á hendur
föllnu bönkunum. Heimildarmenn
DV, sem þekkja vel til í hópi stærstu
kröfuhafa, fullyrða að þær kröfur
sem eru í nafni Burlington Loan
Management séu aðeins lítill hluti
af heildarkröfum sjóða Davidson
Kempner á slitabúin – hann eigi
einnig kröfur í nafni annarra sjóða
eða fjármálafyrirtækja. Þannig er
það mat sömu heimildarmanna að
kröfur sjóðsins á Glitni séu að lík­
indum nær því að vera þriðjungur
allra samþykktra krafna á hendur
slitabúinu.
Tögl og hagldir í Lýsingu
Fyrir utan kröfur á föllnu bankana
þá er Burlington Loan Management
einn af stærstu hluthöfum Lýsingar,
í gegnum eignarhald sitt á Klakka,
auk þess að vera lánveitandi félags­
ins eftir að sjóðurinn keypti 26 millj­
arða skuldir Lýsingar af Deutsche
Bank undir árslok 2013. Hefur fé­
lagið því í raun tögl og hagldir innan
Lýsingar. Þá hefur sjóðurinn einnig
keypt hluti á Bakkavör Group og á
tæplega 7% eignarhlut í félaginu.
Sjóðir Davidson Kempner eru
einnig taldir vera á meðal eigenda
ALMC, áður Straumur­ Burðar­
ás­fjárfestingabanki, í gegnum
eignarhald sitt á hlutdeildarskír­
teinum sem eru í nafni Deutsche
Bank AG í Amsterdam.
Verðmæti eigna Burlington í ís­
lenskum félögum, sem Jeremy hef­
ur yfirumsjón með, hleypur því
á tugum milljarða, ef ekki nærri
hundrað milljarðar króna. Fram
kom í ársreikningi Burlington fyr­
ir árið 2013 að 18% af heildareign­
um sjóðsins – samtals 4,1 milljarður
dala – séu á Íslandi. Nam kaupverð
þeirra eigna liðlega hundrað millj­
örðum króna miðað við gengi dags­
ins í dag. Rétt er að hafa í huga að
hlutur félagsins í Bakkavör er skráð
sem bresk eign. Vefritið Kjarninn
hafði áður greint frá niðurstöðu árs­
reiknings Burlington í ágúst í fyrra.
Ræður ferðinni
Heimildarmenn DV segja ljóst að
Jeremy eigi sjálfur persónulega
mikið undir því að fjárfesting sjóða
Davidson Kempner á Íslandi skili
þeim ávinningi sem lagt hafi verið
upp með. Hann hafi „selt“ stjórn­
endum sjóðsins Ísland á sínum
tíma og framgangur hans innan fyr­
irtækisins, til dæmis að gerast hlut­
hafi Davidson Kempner, muni ráð­
ast af því hver niðurstaðan verður
af fjárfestingum sjóðsins á Íslandi.
„Hann á allt undir,“ útskýrir einn
viðmælenda DV, og bendir á að fjár­
festingar Jeremys í nafni Burlington
séu í raun þær fyrstu – og einu –
sem hann hafi nokkurn tíma bor­
ið ábyrgð á. Hann hafi með öðrum
orðum tekið veðmál á Ísland.
Jeremy hefur löngum verið
þekktur undir nafninu „Herra Ís­
land“ vegna þeirra miklu hagsmuna
sem sjóðurinn sem hann stýrir á
að gæta hér á landi og þess víð­
tæka tengslanets sem Jeremy hefur
sömuleiðis byggt upp á Íslandi. Ítök
og áhrif Jeremys eru mikil, bæði í
hópi sumra af stærstu kröfu höfum
bankanna en ekki síður á meðal
slitastjórnar Glitnis og helstu ráð­
gjafa kröfuhafa. Honum er lýst sem
skuggastjórnanda sem hefur ráð­
ið miklu um stefnu slitastjórna og
kröfuhafa undanfarin ár.
Þrátt fyrir að viðmælendur DV
séu sammála um að Jeremy komi
þeim fyrir sjónir sem viðkunnan­
legur en alvarlegur maður þá ít­
reka þeir að hann sé engu að síð­
ur harður í horn að taka. Hann
hafi enda mjög ákveðnar skoðan­
ir á því hvaða leiðir skuli farnar og
fáir – ef nokkrir – hafi betri heildar­
mynd yfir stöðuna. Þá sýna listar
yfir þátttakendur á kröfuhafafund­
um Glitnis og gamla Landsbank­
ans, sem DV hefur undir höndum,
að Jeremy lætur sig nánast aldrei
vanta á kröfuhafafundi slitabúanna
sem fara reglulega fram á Íslandi. n
Herra Ísland Jeremy
Lowe hefur stýrt umsvifum
stærsta kröfuhafa íslensks
efnahagslífs síðustu ár.
Hörður Ægisson
hordur@dv.is
„Það er opinber
stefna sjóðsins að
tjá sig ekki um starfsemi
sína.
Jeremy Lowe