Dagblaðið Vísir - DV - 21.04.2015, Blaðsíða 16

16 Fréttir Viðskipti Vikublað 21.–23. apríl 2015
Aðstoðar fjárfesta sem
vilja sameina sparisjóði
n Hópur fjárfesta sem vill kaupa stærsta sparisjóð landsins fær aðstoð frá Tryggva Þór Herbertssyni
T
ryggvi Þór Herbertsson, fyrr-
verandi þingmaður Sjálf-
stæðisflokksins, aðstoðar nú
hóp fjárfesta sem vill kaupa
AFL sparisjóð og sam-
eina hann og hina fimm sparisjóði
landsins. Fráfarandi stjórn Sam-
bands íslenskra sparisjóða (SÍSP)
fékk Tryggva til að vinna tillögur að
breytingum á sparisjóðakerfinu og
komst hann að þeirri niðurstöðu að
sameina eigi alla sjóðina.
„Fyrrverandi stjórn sambands-
ins bað Tryggva um að vinna
þetta verkefni og hann lagði fram
ákveðnar tillögur á síðasta aðal-
fundi. Stjórnin samþykkti þær og
taldi að það ætti að setja þær í fram-
kvæmd. Hluti af vinnu Tryggva var
að vinna að lausn AFLs sparisjóðs
og hann tók það verkefni að sér fyr-
ir hönd nýrra fjárfesta,“ segir Ragnar
Birgisson, fráfarandi formaður SÍSP.
Opni útibú í borginni
Tryggvi hélt erindi á aðalfundi SÍSP
síðastliðinn fimmtudag þar sem
hann kynnti niðurstöður sínar.
Hann staðfesti í samtali við DV að
hafa lagt til að sparisjóðirnir verði
sameinaðir en vildi ekki tjá sig um
vinnuna fyrir hópinn sem vill kaupa
AFL né hvaða fjárfesta um ræðir.
„Í þessari framtíðarsýn er velt
upp ýmsum hlutum,“ segir Tryggvi
en hann vildi að öðru leyti ekki tjá
sig um tillögurnar.
Ragnar segir tillögur Tryggva
ganga út á að AFL verði hluti af
sameinaðri sparisjóðafjölskyldu
og að hún komi til með að opna
og reka útibú á höfuðborgarsvæð-
inu. Hann segir hugmynd Tryggva
byggja að ákveðnu leyti á skipulagi
og reynslunni af rekstri Svenska
Handelsbanken AB.
„Þetta er þekkt fyrirkomulag í
Svíþjóð og er búið að vera við lýði
í hundrað ár. Það byggist á ákveðn-
um forsendum og meðal annars
þeirri að raunverulega útlána-
valdið sé hjá sparisjóðunum hverj-
um og einum fyrir sig en að það sé
einn sameiginlegur sjóður sem sé
til ráðgjafar og aðstoðar. Sparisjóð-
irnir eru þar sameinaðir undir einn
hatt en hið raunverulega vald og
ákvarðanataka liggur heima í hér-
aði eða hjá sjóðunum sjálfum,“ seg-
ir Ragnar.
Ekki sammála Tryggva
Ari Teitsson, nýkjörinn varafor-
maður stjórnar SÍSP og stjórnar-
formaður Sparisjóðs Suður-Þing-
eyinga, segist telja að stjórnendur
sparisjóðanna hafi lítinn áhuga á
frekari sameiningum. Tímasetn-
ingin sé ekki góð og að staðbundn-
ir sparisjóðir, sem sé stjórnað af
heimamönnum og vinni eingöngu
á sínu starfssvæði, hafi reynst best.
„Þess ber þó að geta að þegar
Tryggvi Þór var að skoða þetta var
landslagið annað en það er í dag.
Hann gerði þá ekki ráð fyrir því að
Sparisjóður Vestmannaeyja hyrfi
jafn skyndilega og varð. Svo er því
ekki að leyna að það varð ákveðin
uppákoma með Sparisjóð Bol-
ungarvíkur en hann reyndist ekki
eins traustur og menn héldu. Bæði
hefur þetta veikt sparisjóðina í heild
og síðan verður það líka að viður-
kennast að þetta hefur dregið úr
áhuga annarra sparisjóða á sam-
einingum,“ segir Ari.
Varaformaðurinn nefnir ann-
að dæmi sem tengist vangaveltum
stjórnenda Sparisjóðs Norðfjarðar
(SN) um mögulega sameiningu við
Sparisjóð Vestmannaeyja. Stjórn-
endur SN hafi haft ákveðnar efa-
semdir um að sjóðurinn í Eyjum,
sem féll í síðasta mánuði, væri nógu
vel rekinn. Á endanum hafi þeir
ákveðið að falla frá áformunum.
„Auðvitað sjá menn á Norðfirði
að hefðu þeir bitið á agnið þá væru
þeir sennilega núna annaðhvort
hálfdauðir eða dauðir. Það ýtir nú
ekki undir áhuga á sameiningum.
Eins er á það að líta að Sparisjóður
Norðurlands var í tiltölulega góðum
rekstri á fyrri hluta árs 2014 en síð-
an þrýsti Bankasýsla ríkisins á sam-
einingu hans og Sparisjóðs Bol-
ungarvíkur með þeim afleiðingum
að sparisjóðurinn er í mjög þröngri
stöðu í dag,“ segir Ari og heldur
áfram:
„Þrátt fyrir að Tryggvi Þór hafi
fært fram ýmis góð rök fyrir því að
það væri ákveðna hluti að sækja í
sameiningu sparisjóða þá er enginn
sparisjóður í dag, í ljósi reynslunn-
ar, sem telur skynsamlegt á þessu
stigi að fara í frekari sameiningar.
Það er tæplega hægt að lá mönnum
það miðað við það sem á undan er
gengið.“ n
Arion vill selja AFL
AFL er langstærsti sparisjóður landsins
en hann varð til við sameiningu
Sparisjóðs Siglufjarðar og Sparisjóðs
Skagafjarðar árið 2008. DV greindi í
síðustu viku frá rannsókn sem leiddi
í ljós 454 milljóna króna virðisrýrnun
lánasafns sjóðsins á síðasta ári. Eiginfjár-
hlutfall AFLs var í árslok 2014 einungis
7,28 prósent en lögum samkvæmt
má hlutfallið ekki vera lægra en átta
prósent.
Arion banki eignaðist 95 prósent í AFLi
við yfirtöku á Sparisjóði Mýrasýslu árið
2009. Bankinn ákvað í síðustu viku að
setja sparisjóðinn í söluferli.
„Sparisjóðurinn hefur um nokkurra
mánaða skeið ekki uppfyllt að fullu
viðmið Fjármálaeftirlitsins um eigin-
fjárgrunn og hefur Arion banki unnið að
málefnum sjóðsins í samstarfi við stjórn
hans, Fjármálaeftirlitið og Samkeppnis-
eftirlitið,“ sagði í tilkynningu Arion.
Haraldur Guðmundsson
haraldur@dv.is
„Hluti af vinnu
Tryggva var að
vinna að lausn AFLs
sparisjóðs og hann tók
það verkefni að sér fyrir
hönd nýrra fjárfesta,
Ragnar Birgisson
„Í þessari
framtíðar-
sýn er velt upp
ýmsum hlutum
Nóg að gera Eins og
DV hefur greint frá hefur
Tryggvi Þór Herbertsson
einnig verið fenginn
sem ráðgjafi fyrir hönd
slitabús Glitnis vegna
vinnu í tengslum við sölu
á 95 prósenta hlut búsins
í Íslandsbanka.