Dagblaðið Vísir - DV - 21.04.2015, Blaðsíða 24

Vikublað 21.–23. apríl 201524 Sport
Vesturhrauni 5
Garðabæ
S: 530-2000
Bíldshöfða 16
Reykjavík
S: 530-2002
Tryggvabraut 24
Akureyri
S: 461-4800
Grjótharður
vinnufatnaður
Vatteraður, frá-
losanleg hetta
með rennilás,
teygja í mitti Til
í XS – 5XL.
Vatteraður, teygja í baki, frá-
losanleg hetta með rennilás,
loftgöt með rennilás undir
höndum. Til í XS – 5XL.
Flísfóðraður
kragi, afrenn-
anleg hetta,
tveir brjóst og
hliðarvasar ,
innanávasi með
rennilás fyrir
hnépúða.
65% Merino ull,
20% Polyester,
15% Polyamide.
Þunnir og þægilegir
ullarsokkar, 64% ull,
21% polyester, 15%
nylon, 2 pör í pakka.
Hlýir ullar-
sokkar, 64%
ull, 18%
polyester,
18% nylon, 2
pör í pakka.
Vatteraðar,
rassvasar,
farsímavasi, vasi
fyrir tommu-
stokk, rennilás
neðst á skálmum.
Til í XS – 4XL.
Mjúk og hlý húfa, Micro-fibre
fleece, 100% Polyester.
Stórir fiskar í
litlum tjörnum
Mörg af minni félögum
ensku úrvalsdeildarinnar
sjá fram á erfiða baráttu í
sumar við að halda sínum
bestu leikmönnum innan
sinna raða. Ófáir minni
spámenn hafa blásið á
hrakspár, stigið upp og
spilað frábærlega á yfir-
standandi leiktíð. Þetta
eru leikmenn sem virðast
tilbúnir að taka skrefið
upp á við og spila með
stærra félagi á stærra
sviði. Breska blaðið Daily
Mail tók á dögunum
saman lista yfir nokkra
eftirsótta leikmenn sem
viðbúið er að barist verði
um í sumar. einar@dv.is
Morgan Schneiderlin
Félag: Southampton Orðaður við: Arsenal,
Tottenham, Chelsea Metinn á: 25 milljónir
punda
n Morgan Schneiderlin vildi ólmur yfirgefa
Southampton í fyrrasumar til að ganga
í raðir Tottenham. Ekkert varð af því og
hefur Schneiderlin haldið áfram að vekja
verðskuldaða athygli fyrir frammistöðu
sína með spútnikliði Southampton í vetur.
Arsene Wenger, stjóri Arsenal, er sagður
mjög áhugasamur um þennan djúpa miðju-
mann og ekki þykir ólíklegt að Mauricio
Pochettino, stjóri Tottenham og fyrrverandi
stjóri Southampton, vilji endurnýja kynnin
við franska landsliðsmanninn. Loks er talið
að José Mourinho, stjóri Chelsea, vilji blanda
sér í baráttuna og stilla Schneiderlin upp á
miðjunni við hlið Nemanja Matic.
Danny Ings
Félag: Burnley Orðaður við: Liverpool,
Manchester United Metinn á: 5 milljónir
punda
n Það skal tekið fram að samningur Ings við
Burnley rennur út í sumar og því fer hann í
raun frítt frá félaginu. Það félag sem ákveð-
ur að semja við þennan 22 ára framherja
þarf þó að greiða uppeldisbætur til Burnley
en þær nema um fimm milljónum punda.
Ings hefur skorað níu mörk í deildinni í vetur
og verið yfirburðaleikmaður í liði Burnley. Sú
staðreynd að tiltölulega litla upphæð þarf
til að landa Ings mun eflaust vekja athygli
stærri liða enda áhættan lítil. Fullyrt hefur
verið að Liverpool hafi mikinn áhuga á leik-
manninum en einnig erkifjendur Liverpool í
Manchester United.
Nathaniel Clyne
Félag: Southampton Orðaður við: Manche-
ster United Metinn á: 17 milljónir punda
n Líkt og Morgan Schneiderlin hefur
Nathaniel Clyne vakið mikla athygli fyrir
frammistöðu sína í vetur. Clyne virðist þegar
vera orðinn fyrsti kostur í hægri bakvörðinn
hjá enska landsliðinu. Fullyrt hefur verið að
Manchester United hafi svo gott sem gengið
frá kaupunum á Clyne sem ætti að geta
smollið vel inn í leikstíl liðsins. United þarf á
hægri bakverði að halda enda hefur Antonio
Valencia, sem alla jafna er kantmaður, leyst
þá stöðu lengst af í vetur.
Aaron Cresswell
Félag: West Ham Orðaður við: Manchester
City, Chelsea Metinn á: 12 milljónir punda
n Cresswell er einn fárra útileikmanna í
ensku úrvalsdeildinni sem leikið hefur alla
leiki frá upphafi til enda í vetur. Þessi 25
ára vinstri bakvörður hefur slegið í gegn á
sínu fyrsta tímabili í ensku úrvalsdeildinni
en hann var áður á mála hjá Ipswich í
næstefstu deild. Chelsea og Manchester
City hafa verið orðuð við kappann að
undanförnu en bæði lið þurfa að fjölga
enskum leikmönnum í sínum röðum. Þó
að Cresswell hafi gengið í raðir West Ham
í fyrrasumar eru forsvarsmenn félagsins
sagðir reiðubúnir að veita honum veglega
launahækkun og samning til ársins 2020.
Yannick Bolasie
Félag: Crystal Palace Orðaður við:
Liverpool Metinn á: 10 milljónir punda
n Yannick Bolasie hefur verið ein af
óvæntum stjörnum þessa tímabils í enska
boltanum. Bolasie sýndi ágætis takta á
síðustu leiktíð en á þessu tímabili hefur
hann verið óstöðvandi á köflum. Það sem
af er þessari leiktíð hefur Bolasie, sem er
frá Kongó, skorað fjögur mörk og lagt upp
tíu. Þessi snjalli, eldfljóti og óútreiknanlegi
vængmaður er talinn vera á ratsjá Liverpool
og hann gæti hentað frábærlega á vinstri
vænginn hjá félaginu.
Charlie Austin
Félag: QPR Orðaður við: Liverpool og
Tottenham Metinn á: 10 milljónir punda
n Austin er fjórði markahæsti leikmaður
ensku úrvalsdeildarinnar með 17 mörk. Eðli-
lega hefur Austin vakið athygli stærri liða en
hann hefur haldið QPR á floti í deildinni í vetur.
QPR er í harðri botnbaráttu og fari svo að liðið
falli mun Austin pottþétt róa á önnur mið.
Liverpool þarf nauðsynlega á markaskorara
að halda enda hafa Rickie Lambert og Mario
Balotelli ekki staðið undir væntingum. Þá þarf
Tottenham einnig að bæta við sig framherja
til að létta undir með Harry Kane.
Jack Grealish
Félag: Aston Villa Orðaður við: Chelsea,
Manchester City Metinn á: 15 milljónir punda
n Jack Grealish er líklega ekki þekktasta
nafnið á þessum lista enda hefur hann
komið tiltölulega lítið við sögu hjá Aston
Villa í vetur. Undanfarnar vikur hefur hann
þó fengið mörg tækifæri og gripið þau með
stæl. Grealish er aðeins 19 ára en hann þykir
í hópi efnilegustu leikmanna Bretlandseyja.
Þetta er tæknilega góður leikmaður sem
getur bæði leikið á vængnum og fram-
arlega á miðjunni. Talið er að Chelsea og
Man chester City fylgist spennt með þróun
mála hjá Grealish sem hefur leikið fyrir yngri
landslið Írlands en er þó enn gjaldgengur í
enska landsliðið kjósi hann það.
Saido Berahino
Félag: WBA Orðaður við: Tottenham
Metinn á: 15 milljónir punda
n Saido Berahino hefur skorað 18 mörk
í öllum keppnum fyrir WBA á tímabilinu.
Þessi U21 árs landsliðsmaður Englendinga
hefur komist í kastljósið fyrir vandræði
utan vallar en hann var sviptur ökuréttind-
um í 12 mánuði eftir að hafa verið staðinn
að ölvunarakstri fyrr í vetur. Hér fer mjög
efnilegur leikmaður sem á bjarta framtíð
haldi hann rétt á spilunum. Tottenham
er sagt hafa áhuga á leikmanninum en
fullvíst er að félög eins og Liverpool og
Manchester United muni láta til skarar
skríða ákveði WBA að selja þennan stór-
efnilega framherja.