Dagblaðið Vísir - DV - 21.04.2015, Blaðsíða 28

Vikublað 21.–23. apríl 201528 Lífsstíll
Kjúklingaréttir og ein-
föld ráð í eldamennsku
n Mataralbúmið mitt n Fæ aldrei nóg af kjúklingi n Gott að salta matinn
M
ér finnst ómetanlegt
hversu góðar undirtektir
mataralbúm, sem ég held
utan um á „likesíðunni“
Ale Sif á Facebook, hefur
fengið. Það er greinilegt að hollt og
gott mataræði heillar mannskapinn
í bland við örlitla óhollustu, enda
mikilvægt að njóta hennar í hófi
samhliða. Ég get nú ekki sagt að ég
sé meistarakokkur, en mér finnst
fátt jafn skemmtilegt og að prófa mig
áfram í eldhúsinu og deila með þeim
sem að fylgjast með. Ég legg áherslu
á einfaldar uppskriftir með hollari
kosti að upplagi. Ég set stefnuna á
að deila reglulega hollum og góðum
uppskriftum með lesendum Ræktar­
durgsins.
KJúklingur í uppáhaldi
Ég hef áður tekið fyrir hér á síðu
Ræktardurgsins (þær greinar má all­
ar finna á dv.is undir Lífsstíl) hvernig
ég undirbý mig fyrir hverja viku, elda
bringur og annað meðlæti sem ég á
svo til í ísskápnum í nestisboxum. Ég
mæli með að fólk kíki á þær greinar
ef það hefur ekki lesið þær nú þegar.
Mér finnst kjúklingur mjög góður
og það þarf mikið til að ég fái nóg af
honum, svo geymist hann mjög vel í
kæli og því virkilega hentugur í ein­
falda eldamennsku. Í dag deili ég
tveimur uppskriftum sem henta vel
sem hádegis­ eða kvöldverður, þær
matreiddi ég með bringum sem voru
tilbúnar í ísskápnum.
Hvernig krydd notar þú í matinn?
Þessi spurning kemur oft inn í póst­
hólfið í þjálfuninni og jafnvel í póst­
hólfið á Facebook­síðu minni.
Kryddnotkun mín er ekki flókin og
ég nota eingöngu sjávarsalt og pip­
ar á flest það sem ég matreiði, enda
finnst mér ekki vera bragð að mat
nema að ég salti hann. Það eru skipt­
ar skoðanir á því hvort salt sé gott
fyrir mann, út af bjúg og áhrifum á
heilsuna. Ég tel salt ekki vera vanda­
mál fyrr en það er tekið út úr matar­
æðinu, þess vegna er gott að halda
því í hófi.
Auðveld eldamennska
að hætti herra Bess
Ég elda kjúklingabringurnar mínar
jafnan á heilsugrilli eða í eldföstu
móti í ofni. Ég hef lært ýmislegt eft­
ir að ég byrjaði að starfa hjá Betri
árangri, þar á meðal ýmis góð ráð í
eldhúsinu frá herra Bess, sem hef­
ur hvorki meira né minna en 30 ára
keppnisreynslu og því ansi sjóaður
í hollri og góðri matargerð. Eitt af
þeim er snilldin á bak við það hvern­
ig matreiða má kjúklingabringurn­
ar á heilsugrillinu til þess að fá þær
mýkri og komast hjá því að þrífa það í
hvert skipti eftir notkun. Það sem við
gerum í stað þess að setja bringurn­
ar beint á grillið, er að við pökkum
þeim inn í bökunarpappír og grillum
í um 20 mínútur. Við eldum einnig
fisk og kjöt á þennan máta.
Ef ég elda bringurnar í ofni set
ég þær í eldfast mót og salta þær og
pipra áður en ég set þær í ofninn.
Þær elda ég yfirleitt fjórar saman,
sem er heill pakki, við 180 gráður
með hita uppi og niðri. Til þess að
bringurnar endi ekki eins og harð­
fiskur eftir eldun, skvetti ég vatni á
þær, um þrisvar sinnum á þessari
klukkustund. Magnið af vatninu er
um það bil 50 ml í hvert skipti. Ég læt
kjúklingabringurnar standa og kólna
á grillinu eða í eldfasta mótinu áður
en ég set þær í nestisbox og inn í ís­
skáp. n
Þangað til næst Ale ræktardurgur
Alexandra Sif
Nikulásdóttir
ale_sif@hotmail.com
Kornflex-
ommeletta
Ég er mikill aðdáandi kornflex-ommel-
ettunnar þessa dagana, það er bara
eitthvað við það að blanda eggjum
og kornflexi saman. Ommelettuna
matreiði ég alltaf með kjúklingabringu
og öðru hollu meðlæti.
Það sem þú þarft er:
n 35–40 g kornflex
n 3 eggjahvítur
n fituminna eldunarsprei
n vítur pipar og sjávarsalt
n 1 kjúklingabringa
n um hálft, lítið avókadó
n lúka af iceberg
Aðferð:
Ég set eggjahvítuna í skál og bæti
kornflexinu við, gott er að gefa sér
smá tíma í að þeyta þetta vel saman
þannig að það myndist eins konar
loftbólur í hvítuna, þannig verður
meira úr ommelettunni og kornflexið
verður mýkra.
Blöndunni helli ég á pönnu sem ég
hef úðað með fituminni eldunarspreii
og krydda með saltinu og piparnum.
Ég steiki þetta saman þangað til að
báðar hliðar eru orðnar stökkar og
brúnaðar.
Því næst sker ég kjúklingabringuna
kalda niður á disk (hana má einnig
hita upp) og salta hana og pipra.
Avókadóið tek ég úr hýðinu og mauka
niður með salti, mér finnst salt algjör
nauðsyn með því.
Einhverra hluta vegna kom
samstarfskona mín mér upp á að hita
iceberg-ið, það er eitthvað við það. Ég
set um það bil lúku af því á disk og hita
í um það bil eina mínútu í örbylgju-
ofninum.
Þarna erum við komin með mjög
einfalda og góða máltíð sem hægt er
að útbúa á mjög skömmum tíma, svo
er hún líka ótrúlega bragðgóð.
Kornflexinu má einnig skipta út fyrir
til dæmis 2 Weetabix-kubba eða 30
grömm af höfrum og meðlætinu má
breyta eftir smekk.
Góður ostapastaréttur
Þessi réttur er virkilega sniðugur fyrir pastaaðdáendur!
Það sem þú þarft er:
n elduð kjúklingabringa
n um 70 g eldað spelt-pasta
n tvær lúkur grænmeti að eigin
vali, sjálf nota ég sveppi, papriku,
gulrætur og brokkólí.
n 1–2 rifnar kjúklingaskinkusneiðar
n smá fjörmjólk
n 1 msk. léttsmurostur að eigin vali
(ég notaði beikon og skinku)
n sjávarsalt og svartur pipar í kvörn
Aðferð:
Kjúklingabringuna og pastað átti ég til
tilbúið inni í ísskáp, svo ég byrjaði á því
að steikja grænmetið. Eftir að það var
orðið vel steikt bætti ég við kjúklingaskinkunni og kjúklingabringunni sem ég var búin
að skera niður í bita.
Samhliða því var ég með pott sem ég hitaði pastað í, en þar bætti ég við skvettu af
fjörmjólk og léttsmurosti. Þeirri blöndu bætti ég við á pönnuna og steikti saman í smá
stund. Til þess að gefa þessu meira bragð salta ég og pipra vel, piparinn hentar svo vel
með smurostinum.
Hugmyndin að þessum rétti er komin af þessum týpíska rjómapastarétti sem er hér
færður í hollari búning.
Einfalt Það er gott ráð að setja kjúklinga-
bringurnar inn í bökunarpappír áður en þær
fara á grillið.
Það sem þarf Það er ekki flókið að grilla
nokkrar kjúklingabringur til að eiga inni í ísskáp.
Salt og pipar Maturinn verður frekar
bragðlaus ef hann er ekki kryddaður.
„Mér finnst fátt jafn
skemmtilegt og
að prófa mig áfram í eld­
húsinu.
VIÐ
PLÖNUM
Í hverri viku veljum við
hollar og bragðgóðar
uppskriftir sem matreiðslu-
sérfræðingar okkar hafa
þróað og fundið til.
1
VIÐ
ÚTVEGUM
HRÁEFNI
Við veljum fyrsta fl okks
hráefni í uppskriftirnar
okkar. Það sem þú
gætir þurft að eiga er
sykur, hveiti, mjólk, smjör,
olía, salt og pipar.
2
VIÐ
MÆLUM
Við sjáum til þess
að sem minnst fari
til spillis með því að
afhenda þér hráefnin
í réttu magni.
3
VIÐ
AFHENDUM
Þú getur valið um að
koma og sækja matar-
pakkann þinn til okkar að
Nýbýlavegi 16 eða að fá
hann sendan heim gegn
greiðslu.
4
WWW.ELDUMRETT.IS
Við sjáum um innkaupin og uppskriftirnar. Þú eldar og nýtur
www.eldumrett.is