Dagblaðið Vísir - DV - 21.04.2015, Blaðsíða 30

Vikublað 21.–23. apríl 201530 Menning
Þ
etta er einhver skemmtileg-
asta hugmynd sem ég hef
heyrt um lengi. Svíi fæðist
í finnskum líkama og sæk-
ist eftir að komast til Svíþjóðar í
þjóðernisleiðréttingu. Takist það
ekki vill hann frekar drekkja sér í
Eystrasalti í sænskum bol og vera
grafinn Svía megin. Í ferjunni hitt-
ir hann Svía sem einnig er í sjálfs-
morðshugleiðingum, og hann gefur
honum tækifæri til að ná stjórn á til-
veru sinni og láta drauminn rætast.
Þjóðernisklisjurnar eru reidd-
ar fram í hrönnum og eru margar
hverjar fyndnar, sérstaklega þegar
kemur að æsku drengsins þjóð-
villta. Hann er lagður í einelti í
finnska skólakerfinu fyrir að hlusta
á Abba og ganga um í tréskóm, en
í sumarfríum hans í paradísinni
Svíþjóð er enginn skilinn útundan.
Tilfinningalega heftur faðir hans
reynir að gera úr honum sannan
finnskan karlmann með því að fara
með hann í sánu og höggva við, en
allt kemur fyrir ekki.
Hugmyndin er svo góð að hún
ein og sér dugar nánast til að halda
myndinni uppi, sem er eins gott því
þegar til Svíþjóðar er komið verður
allt heldur fyrirsjáanlegt. Í stað þess
að sýna okkur skuggahliðar sænska
draumsins snýst allt um ástamálin.
Sænskar konur falla fyrir honum í
hrönnum, en það leysist úr ástar-
þríhyrningnum þannig að allir fá
sitt að lokum. Hinn svarti húmor
sem einkennir fyrri hluta myndar-
innar víkur fyrir vellunni.
Eigi að síður er sagan af hind-
berjabátsflóttamanninum afbragðs
skemmtun, og sýnir að jafnvel í sós-
íaldemókratískri paradís geta menn
enn gert góðar gamanmyndir. n
Draumur um Svíþjóð
Fyndnar vangaveltur um þjóðerni á norrænni kvikmyndahátíð
Valur Gunnarsson
valurgunnars@gmail.com
Kvikmynd
Hallonbåtsflyktningen
Leikstjóri: Leif Lindblom
Aðalhlutverk: Jonas Karlsson, Josephine
Bornebusch og Frida Hallgren
Sýnd í Norræna húsinu miðvikudag
kl. 20.00. Frítt inn.
Hinn innri Svíi Mikko Virtanen er með
þjóðáttunarvanda, hann upplifir sig sem
Svía í líkama Finna.
Gamalt
illvirki
Glæpasögur hinnar sænsku
Vivecu Sten hafa fengið góð-
ar viðtökur íslenskra lesenda.
Syndlaus er nýjasta bókin og þar
er því lýst hvernig illvirki í lífi
drengs sem ólst upp í heims-
styrjöldinni fyrri hefur hörmu-
legar afleiðingar þegar ung stúlka
hverfur sporlaust. Aðdáendur
höfundar eiga ekki að verða fyrir
vonbrigðum.
Afdrifaríkt
ferðalag
Flekklaus er þriðja glæpasaga
Sólveigar Pálsdóttur. Á miðjum
níunda áratugnum ferst ung kona
þegar eldur kemur upp í fyrirtæki
í Reykjavík. Tvö ungmenni sjást
forða sér á hlaupum. Áratugum
síðar fer lögreglumaðurinn Guð-
geir til Svíþjóðar og dvöl hans þar
hefur afdrifaríkar afleiðingar.
Fall og
upprisa
Vertu úlfur eftir Héðin Unn-
steinsson er frásögn af falli og
upprisu manns sem eitt sinn var
greindur með geðhvörf. Héð-
inn hefur starfað á sviði geðheil-
brigðismála í tvo áratugi, sem
sérfræðingur í heilbrigðisráðu-
neytinu og hjá Alþjóðaheilbrigð-
ismálastofnuninni. Hann hefur
kennt, haldið fyrirlestra og skrif-
að fjölda greina um þessi mál.
Svartir kroppar og gullið glimmer
n Kitty von Sometime tók upp myndband við lag Siu og Creep um helgina n 20 naktar
Í
risastórri vöruskemmu í vest-
urbæ Kópavogs var allt á suðu-
punkti um helgina. Listakonan
Kitty von Sometime stóð þar í tök-
um á myndbandi við lagið Dim
the lights, með tónlistardúettinum
Creep, en það er ástralska stórstjarn-
an Sia sem syngur lagið. Ragnheiður
Eiríksdóttir blaðamaður fékk að fylgj-
ast með herlegheitunum.
Myndbandið er hluti af „The Weird
Girls Project“ sem Kitty hefur unnið
með síðan 2007. Verkin eru listræn
myndbönd, en hingað til hefur Kitty
framleitt yfir 25 myndbönd með yfir
100 konum. Kvikmyndatökumaður-
inn Hákon Sverrisson stýrði tökunum
en að verkefninu komu 58 manns, all-
ir í sjálfboðavinnu.
Að þessu sinni komu 20 konur við
sögu, flestar íslenskar, en þrjár þeirra
lögðu á sig ferðalag frá útlöndum til
að vera með. Þegar ég mætti á stað-
inn og inn í búningsherbergið mættu
mér kvenkroppar af öllum stærð-
um og gerðum, svartmálaðir og þakt-
ir gylltu glimmeri. Kitty flutti níu kíló
af glimmeri til landsins frá Kína fyr-
ir verkefnið. Hver og ein kvennanna
þurfti tvær klukkustundir í förðun, en
15 manns unnu að förðuninni. Bún-
ingurinn var, auk akrílmálningar og
glimmers, efnislitlar álímdar nærbux-
ur. Að morgni tökudags vissu konurn-
ar ekkert um „búningana“ en allar létu
slag standa og tóku þátt þrátt fyrir að
þurfa að vera nokkurn veginn allsber-
ar heilan dag!
„Þetta er einstök reynsla,“ sagði
ein kvennanna við mig, svartmáluð
og þakin glimmeri, „ég hef verið með
áður og þá fann ég einhvern aukinn
kraft og sjálfsöryggi innra með mér í
margar vikur á eftir. Þetta er magnað
fyrir sjálfstraustið.“
Hægt er að sjá fyrri verk „The Weird
Girls Project“ og nálgast upplýsingar á
heimasíðu verkefnisins. Konur sem
hafa áhuga á þátttöku geta haft sam-
band við Kitty með tölvupósti: kitty-
vonsometime@gmail.com n
Ragnheiður Eiríksdóttir
ragga@dv.is
„Kitty flutti níu
kíló af glimmeri
til landsins frá Kína fyr-
ir verkefnið. Hver og ein
kvennanna þurfti tvær
klukkustundir í förðun,
en 15 manns unnu að
förðuninni.
Gullkroppar Tuttugu
konur voru málaðar
svartar og þeim dýft í
gyllt glimmer fyrir gerð
myndbandsins.
Mynd BiRtA Rán BjöRGVinSdóttiR
Gylltar hendur
Konur á ýmsum
aldri með alls
konar líkama tóku
þátt. Mynd BiRtA Rán
BjöRGVinSdóttiR
Kitty og Hákon leggja á
ráðin Tökurnar fóru fram í
vöruskemmu í Kópavoginum.
Mynd BiRtA Rán BjöRGVinSdóttiR
Glimmer í kílóavís Glimmerið
var flutt inn frá Kína, níu kíló

þurfti til að þekja kroppana t
uttugu. Mynd BiRtA Rán BjöRGVinSdótt
iR