Dagblaðið Vísir - DV - 12.06.2015, Blaðsíða 54

Helgarblað 12.–15. júní 201546 Menning
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Þú finnur bílinn á bilo.is Skráðu bílinn á bilo.is
A-LINER COLUMBIA
EXPEDITION
Árg 2003, mikið af aukahlu-
tum. Tilboðsverð 1.190.000.
Raðnr.252352
HONDA CIVIC 1.8I LS
02/2006, ekinn 104 Þ.km,
sjálfskiptur. Verð 1.390.000.
Raðnr.230004
TOYOTA PREVIA 7 MANNA
02/2003, ekinn 212 Þ.km,
5 gíra. Verð 1.390.000.
Raðnr.286007
MMC MONTERO LIMITED
Árgerð 2005, ekinn 123 Þ.km,
sjálfskiptur, leður og lúga.
Einn eigandi! Verð 1.990.000.
Raðnr.253686
FORD FOCUS TREND
06/2008, ekinn 148 Þ.km,
5 gíra. Verð 990.000.
Raðnr.285996
Svefnbærinn vaknar
Sigríður Sunna og Valgeir segja frá Bedroom Community, Seljahverfinu og tónlistarhátíðinni Breiðholt Festival
V
ið erum stödd í tignarlegu
einbýlishúsi í Seljahverf-
inu – í sömu götu og höf-
uðstöðvar Friðar 2000 og
nokkrum húsum frá heim-
ili forsætisráðherra. Göturnar eru
mannlausar og þöglar en inni er líf,
erlendir starfsnemar að stússast í
eldhúsinu og dempaður ómur frá
hljóðfæraleik heyrist á bak við lokað-
ar dyr. Gróðurhúsið, eins og það er
kallað, er hljóðupptökuver og höfuð-
stöðvar alþjóðlegu listamannafjöl-
skyldunnar Bedroom Community.
Nafn hópsins, sem á íslensku
gæti útlagst sem Svefnbærinn, er tví-
ræð tilvísun í stemninguna í hverf-
inu: „Þótt það búi mikill mannfjöldi
hérna upplifir maður ekki mikið
mannlíf, sérstaklega ekki í þessum
hluta Breiðholtsins. Maður sér einn
og einn rölta með hundinn sinn. En
það er til dæmis ekki hægt að hitta
fólk í kaffi hérna því það er ekkert
kaffihús,“ segir Valgeir Sigurðsson,
tónlistarmaður og einn stofnmeð-
lima útgáfunnar. Sigríður Sunna
Reynisdóttir, eiginkona Valgeirs og
annar lykilmeðlimur, kinkar kolli til
samþykkis.
Um næstu helgi ætla þau sér hins
vegar að lífga upp á stemninguna
með listahátíðinni Breiðholt Festival
sem haldin verður víðs vegar í hverf-
inu.
15 ár í Breiðholtinu
Það eru um 15 ár síðan Valgeir, þá
þekktastur fyrir vinnu sína með
Björk, opnaði hljóðupptökuverið.
„Ég er ekki úr Breiðholtinu heldur
var ég bara að leita að aðstöðu þar
sem ég gæti bæði búið og unnið,“
segir Valgeir. Hann viðurkennir að til
að byrja með hafi mörgum þótt að-
staðan fulllangt úr alfaraleið. „Sjálf-
um finnst mér mjög gott að vera í
umhverfi þar sem er mikið pláss.
Hér er maður dálítið í náttúrunni,
en á sama tíma tekur það mann bara
tíu mínútur að komast niður í bæ ef
þannig ber undir,“ segir Valgeir.
Gróðurhúsið er hluti af húsaþyrp-
ingu sem hópur listamanna byggði á
áttunda áratugnum. Nokkrir frum-
byggjar halda þar enn til, meðal
annars Hallsteinn Sigurðsson mynd-
höggvari, en höggmyndagarður
hans verður notaður undir tónleika
og leiki um helgina. Parið býr í hluta
hússins en í hinum, þar sem áður
voru keramíkvinnustofur, eru hljóð-
upptökuver og höfuðstöðvar útgáfu-
fyrirtækisins.
Bedroom Community var stofnað
árið 2006 af Valgeiri, bandaríska pí-
anóleikaranum Nico Muhly og ástr-
alska óhljóðalistamanninum Ben
Frost. Nú, rétt tæpum áratug síðar,
gefa tíu listamenn út undir merkjum
hennar og um fimm manna kjarni
starfsmanna og starfsnema heldur
hversdagslegum rekstri gangandi.
Þrátt fyrir að hópurinn hafi stækk-
að hægt og bítandi hefur alltaf verið
haldið í hugmyndina um þétt lista-
mannasamfélag, þar sem skapandi
einstaklingar vinna náið saman að
fjölbreyttum verkefnum. Hópur-
inn er búsettur um allan heim en
miðstöðin er alltaf í Breiðholtinu og
þegar meðlimir eru hér á landi búa
þeir og starfa saman í Gróðurhúsinu.
Hverfi í þróun
„Félagslífið okkar fer fyrst og fremst
fram inni í þessu húsi. En Breiðholt
Festival er okkar tilraun til að færa
samfélagið út og færa aðra inn í hús-
ið,“ segir Sigríður. Að sama skapi
vilja þau vekja athygli á þeirri list-
rænu grósku sem hefur verið í þessu
stærsta úthverfi Reykjavíkur alveg frá
því að hverfið var byggt. Að undan-
förnu hefur mikið verið rætt um
Breiðholtið, og margir spáð því að
með auknum ferðamannafjölda í
miðbæ Reykjavíkur og hærra leigu-
verði muni æ stærri hluti listalífsins
færast í úthverfin. Reykjavíkurborg
hefur að undanförnu lagt áherslu á
að gera hverfið lífvænlegra sem hef-
ur meðal annars skilað sér í því að
Nýlistasafnið er flutt í Völvufell, Fab
Lab er starfrækt í Eddufelli, vegg-
listaverkum hefur verið komið fyrir
á nokkrum veggjum og Gerðuberg er
fullt af lífi.
„Við finnum mikla breytingu og
viðhorf fólks gagnvart Breiðholti
verður sífellt jákvæðara. Það hefur
verið nokkuð auðvelt að koma þessu
á laggirnar því allir eru til í þetta.
Það virðast allir samtaka um að gera
þetta hverfi meira spennandi,“ seg-
ir Sigríður Sunna, en meðal annars
hafa þau fengið góða aðstoð frá
þjónustumiðstöð og hverfisráði
Breiðholts við að koma hátíðinni á
laggirnar. Þau segjast vonast til að
Reykjavík sé að þróast í líkingu við
stærri borgir á borð við London þar
sem ólík en sjálfbær hverfi bjóða upp
á líf og þjónustu óháða miðbænum.
Heimsfrægir í Breiðholtinu
Þótt hinn almenni Íslendingur þekki
kannski ekki nöfnin njóta Gróð-
urhúsið og Bedroom Community
mikillar virðingar í tónlistarheim-
inum. Þekktir tónlistarmenn eiga
oft leið hjá stúdíóinu, má þar nefna
Feist, The XX, Coco Rosie og Bonnie
Prince Billy, og vilja margir helst
bara halda sig í Breiðholtinu. „Fyrst
þegar erlendir tónlistarmenn voru
að koma hérna til að taka upp vor-
um við viss um að þeir vildu bara
vera á hótelum í 101. En flestir vilja
bara komast út úr áreitinu og ná ein-
beitingu hér í fásinninu,“ segir Sig-
ríður Sunna. „Það kemur alveg fyr-
ir að fólk komi beint í Breiðholtið
frá Keflavík og fari svo í mesta lagi í
Bláa Lónið á leiðinni til baka,“ bæt-
ir Valgeir við. Breiðholt Festival hefst
klukkan 13.00 á laugardag og fer
fram víða í Seljahverfinu. n
Kristján Guðjónsson
kristjan@dv.is
„Það er ekki hægt
að hitta fólk í kaffi
hérna því það er ekkert
kaffihús
„Hér er maður dá-
lítið í náttúrunni,
en á sama tíma tekur það
mann bara tíu mínútur að
komast niður í bæ
Í Breiðholtinu Sigríður Sunna, Valgeir og félagar í Bedroom Community halda listahátíð í Seljahverfinu á laugardag.
Listamenn sem munu taka þátt í
Breiðholt Festival
Ítarlega dagskrá má finna á breidholtfestival.com
Ben Frost, Nico Muhly, Samaris, Cell7, kira kira, Sjón, Stelpur rokka, DFM
company, Lúðrasveit Breiðholts og Árbæjar, Gunnar Jónsson Collider,
Ragnheiður Harpa Leifsdóttir, Davíð Örn Halldórsson, Parabolur, KGB
Soundsystem, Wesen, DOD, Hrefna Björg Gylfadóttir, Kristín Dóra Ólafs-
dóttir, Die Jodlerinnen.