Dagblaðið Vísir - DV - 12.06.2015, Blaðsíða 6

Helgarblað 12.–15. júní 20156 Fréttir
Plankaparket
Ármúli 32, 108 Reykjavík
Sími 568 1888
www.parketoggolf.is
Þýsk gæði!
G
ögnin, sem embætti skatt-
rannsóknarstjóra keypti og
eiga að sýna undanskot Ís-
lendinga í skattaskjólum,
komu samkvæmt heimild-
um DV frá fyrrverandi starfsmanni
lögmannsstofunnar Mossack
Fonseca & Co í Panama. Bryndís
Kristjánsdóttir skattrannsóknar-
stjóri segir í samtali við DV að emb-
ættið ætli ekki að upplýsa hvaðan
gögnin voru keypt.
„Það var hluti af samkomulaginu
við seljandann að hvorki nafn hans
né uppruni gagnanna yrði gef-
inn upp að því marki sem okkur er
kunnugt um,“ segir Bryndís.
Samkvæmt heimildum DV leit-
uðu íslensku bankarnir til Mossack
Fonseca & Co á árunum fyrir hrun í
þeim tilgangi að stofna aflandsfélög.
Þau félög hafi síðar verið seld til ís-
lenskra viðskiptavina bankanna.
Nokkrir erlendir fjölmiðlar, með-
al annars The Economist og vef-
miðillinn Vice, fullyrða að Mossack
Fonseca & Co, sem rekur 44 skrif-
stofur víða um heim, þar á með-
al í Lúxemborg, og höfuðstöðv-
ar í Panama, sérhæfi sig í stofnun
aflandsfélaga. Lögmannsstofan
var til umfjöllunar í DV árið 2010
í tengslum við þriggja milljarða
króna lánveitingu fjárfestingarfé-
lagsins Fons, sem var áður í eigu
Pálma Haraldssonar og Jóhannesar
Kristinssonar, til panamska félags-
ins Pace Associates í apríl 2007.
Vildi 150 milljónir
Ríkisstjórnin samþykkti í apríl síð-
astliðnum aukafjárveitingu til að
fjármagna kaup á skattagögnunum
eftir að sýnishorn af þeim gáfu vís-
bendingar um skattaundanskot Ís-
lendinga. Gögnin komu hingað til
lands fyrir viku síðan en Bryndís
hefur sagt það líklegt að gögnin sýni
bæði fram á refsiverð athæfi og leiði
til endurákvörðunar á sköttum.
Skattrannsóknarstjóri greiddi um
200 þúsund evrur, tæpar 30 milljón-
ir króna, fyrir þau í þeirri trú að þau
innihaldi upplýsingar sem tengja Ís-
lendinga við 400 til 500 félög í skatta-
skjólum. Upphæðin var millifærð á
huldumann sem óskaði upphaflega
eftir 150 milljónum króna. Embættið
vill ekki gefa upp til hvaða lands fjár-
munirnir fóru eða í hvaða banka.
Sakað um peningaþvætti
Í frétt DV um rannsókn þrotabús
Fons á því hvað varð um þriggja
milljarða króna lánið til Pace Associ-
ates var sagt að Mossack Fonseca
hefði stofnað félagið í Panama.
Lánið hefði borist Pace í gegn-
um Landsbankann í Lúxemborg
þar sem félagið átti bankareikning.
Fjölmiðlar greindu síðar frá því að
lánið hefði verið afskrifað úr bók-
um Fons sama dag og það var veitt.
Skiptastjóri félagsins íhugaði sum-
arið 2011 að stefna Pálma, Jóhann-
esi og lögmanninum Einari Þór
Sverrissyni, til greiðslu þriggja millj-
arða skaðabóta. Samkvæmt heim-
ildum DV hefur skaðabótakrafan
ekki náð lengra en skiptum á Fons
er enn ólokið.
Í júlí 2011 sagði Pálmi í viðtali við
Morgunblaðið að Pace hefði fjár-
fest í fasteignaverkefnum á Indlandi
og að millifærslan inn á reikning
þess verið lánveiting vegna þeirra.
Í sama mánuði fjölluðu innlendir
fjölmiðlar um frétt kanadíska dag-
blaðsins Gazette þar sem fullyrt var
að Pace Associates hefði tekið þátt í
peningaþvætti fyrir Arnold Aleman,
fyrrverandi forseta Níkaragva. Í frétt
kanadíska blaðsins var einnig full-
yrt að forsvarsmenn Pace í Panama
hétu Francis Perez og Leticia
Montoya.
Eigendur skúffufélaga
Leticia Montoya kemur einnig fyrir í
ítarlegri fréttaskýringu um Mossack
Fonseca & Co sem vefmiðillinn Vice
birti í desember í fyrra. Í henni er
fullyrt að fyrirtækið sérhæfi sig í að
stofna skúffufyrirtæki fyrir aðra og að
það sé eitt fremsta fyrirtæki verald-
ar á því sviði. Starfsmenn á vegum
þess hafi meðal annars verið skráð-
ir eigendur skúffufélaga sem hafi
geymt hluta eigna glæpamanna, ein-
ræðisherrans Muammar Gaddafi,
fyrrverandi forseta Líbýu, og Robert
Mugabe, forseta Simbabve.
Mossack Fonseca & Co var stofnað
í Panama árið 1977 af Þjóðverjanum
Jurgen Mossack og Panamabúanum
Ramón Fonseca. Lögmannsstof-
an rekur meðal annars skrifstofur
á Bahama-eyjum, Bresku Jómfrú-
areyjunum, í Sviss, Lúxemborg og
Bandaríkjunum. Samkvæmt um-
fjöllun Vice er Montoya starfsmaður
Mossack Fonseca og hefur tekið að
sér að vera í forsvari fyrir skúffufyr-
irtæki viðskiptavina þess. Fyrirtæk-
ið hefur hafnað þessum ásökunum
og í fréttaskýringu Vice er svar þess
við fyrirspurnum fjölmiðilsins birt
þar sem segir að engar sannanir séu
til fyrir því að fyrirtækið hafi stundað
það sem það er sakað um. n
Með hass til
Grænlands
Tollverðir stöðvuðu á
Keflavíkuflugvelli fyrr í mánuðin-
um karlmann á þrítugsaldri sem
var með 1,2 kíló af hassi falið
í ferðatösku sinni. Maðurinn,
Grænlendingur, var að koma
frá Danmörku. Hassið kvaðst
hann hafa ætlað til eigin nota og
mögulegrar sölu í Grænlandi.
Rannsókn málsins er lokið og
hefur verið sent ákæruvaldinu.
Þetta er í annað sinn á skömm-
um tíma sem tollverðir stöðva
flugfarþega með hass í fórum
sínum, því þann 5. maí var karl-
maður á fertugsaldri tekinn með
tæp 800 grömm. Hann var einnig
að koma frá Danmörku og var á
leiðinni til Grænlands.
Lögregla
leitar vitna
Lögreglan á höfuðborgarsvæð-
inu leitar vitna vegna atviks sem
átti sér stað aðfaranótt 30.05. sl.
um klukkan 03.30 við Grettis-
götu 3. Þar voru þrjár konur sitj-
andi í bíl, en þær gáfu sig á tal við
mann sem þar var og bentu hon-
um á konu og karl í undirgöng-
um sem eru við hús númer 3.
Konurnar voru að hvetja hann til
að hafa afskipti af fólkinu en talið
er að karlinn í undirgöngunum
hafi áreitt konuna kynferðislega.
Lögreglan biður konurnar um
að hafa samband við lögreglu,
annaðhvort gegnum netfang-
ið einar.jonsson@lrh.is, gegnum
einkaskilaboð á Facebook-síðu
LRH eða gegnum símann 444-
1000.
Skattagögnin koma
frá félagi í Panama
Gögnin keypt af fyrrv. starfsmanni lögmannsstofu sem er sögð sérhæfa sig í stofnun skúffufélaga
Haraldur Guðmundsson
haraldur@dv.is
Skattrannsóknarstjóri Bryndís Kristjáns-
dóttir vill ekki staðfesta hvort huldumaðurinn
sem seldi embættinu skattagögnin sé fyrrverandi
starfsmaður Mossack Fonseca & Co. Höfuðstöðv-
ar fyrirtækisins eru í Panamaborg.