Dagblaðið Vísir - DV - 25.06.2015, Page 6

Helgarblað 25.–29. júní 20156 Fréttir
Rafport ehf • Nýbýlavegur 14 • 200 Kópavogur • S: 554-4443 • rafport.is
Fermax mynd-
dyrasíma kerfi
er bæði fáguð
og flott vara
á góðu verði
sem hentar
fyrir hvert
heimili. Hægt
að fá með eða
án myndavélar
og nokkur útlit
til að velja um.
Bragi sýknaður
Meiðyrðamáli gegn forstjóra Barnaverndarstofu lokið
B
ragi Guðbrandsson, forstjóri
Barnaverndarstofu, hefur
verið sýknaður í meiðyrða­
máli sem Mummi í Götu­
smiðjunni, Guðmundur Týr
Þórarinsson, höfðaði gegn honum.
Mummi stefndi Braga fyrir átta um­
mæli sem höfð voru eftir Braga á
vefjum Vísis og RÚV. Þar sagði Bragi
meðal annars að undirrót vanda
Götusmiðjunnar mætti rekja til
stjórnunarvanda forstöðumannsins
[Mumma]. Sá vandi væri farinn að
bitna á meðferðinni og skaða börnin
sem væru í meðferð, en áður höfðu
Barnarverndaryfirvöld látið fjarlægja
börn af meðferðarheimilinu eftir
meintar hótanir Mumma.
Bragi var dæmdur í héraði en við
endurupptöku málsins, sem kom
til vegna þess að Bragi vissi ekki af
stefnunni gegn sér þegar málið var
þingfest, var hann sýknaður. Mummi
var dæmdur til að greiða Braga 600
þúsund krónur í málskostnað. Þar
sem ríkið hafði samþykkt gjafsókn
fyrir Braga greiðist sá kostnaður úr
ríkissjóði. n
Laus Bragi fór fram á endurupptöku og
hafði þar betur.
Haldlögðu
ólögleg lyf
Fjörutíu og þrjú mál komu upp
á Íslandi í tengslum við alþjóð­
lega aðgerð gegn fölsuðum og
ólöglegum lyfjum sem seld eru
á netinu. Þetta kemur fram í til­
kynningu frá Tollstjóra. Tollstjóri
og Lyfjastofnun tóku sameigin­
lega þátt í aðgerðinni, „nutu
atbeina ríkislögreglustjóra og
tengslaskrifstofu embættisins hjá
Europol við framkvæmd verkefn­
isins hér,“ segir í tilkynningunni.
Aðallega var um að ræða nikótín­
vökva en á fimmta lítra af vökv­
anum voru haldlagðir. Einnig
var lagt hald á 28 sendingar með
fæðubótarefnum sem innihéldu
lyfjavirk efni eða jurtir með lyfja­
virkni. „Þær höfðu m.a. að geyma
örvandi efni, hormóna, grenning­
arefni og „detoxunarefni“. 115
lönd tóku þátt í aðgerðinni.
Lauginni
ekki lokað
Sundlaug Akureyrar verður ekki
lokað dagana 25. til 28. júní næst­
komandi þrátt fyrir að þá fari fram
í lauginni fjölmennt Aldursflokka­
meistaramót Íslands, AMÍ. Viku­
dagur greinir frá þessu. Þar er haft
eftir Ragnheiði Runólfsdóttur, yfir­
þjálfara Sundfélagsins Óðins, að
þetta sé mjög slæmt. Viðbúið sé
að öngþveiti skapist. „Við erum að
tala um 3–4 daga á árinu sem við
hefðum sundlaugina fyrir okkur til
að halda mótið og það eru aðrar
sundlaugar hér í kring. Svona móti
fylgir mikill fjöldi, bæði í lauginni
og eins í búningsklefunum.“
Fimm þúsund fjölskyldur
á skrá hjá Fjölskylduhjálp
n Aukið álag vegna sumarfrís Mæðrastyrksnefndar n Íslandsforeldrar orðnir 300
U
m fimm þúsund fjölskyldur
eru á skrá hjá Fjölskyldu­
hjálp Íslands. Margar eru í
tímabundinni neyð, kannski
í tvö til þrjú ár, og komast svo
á gott ról en í staðinn koma aðrar fjöl­
skyldur sem þurfa á aðstoð að halda.
Íslandsforeldrar, sem greiða
mánaðarlega upphæð til Fjölskyldu­
hjálpar Íslands, eru orðnir yfir 300
talsins. Flestir þeirra greiða 500 til
1.000 krónur á mánuði til styrktar
samtökunum.
Fjölgun Íslandsforeldra hefur
gert Fjölskylduhjálp Íslands kleift að
bjóða upp á betra úrval af matvælum
fyrir þá sem leita til hennar. Safnað er
inn á sérstakan Íslandsforeldrareikn­
ing og þegar nægilegt fjármagn er
komið inn á hann er efnt til svokall­
aðrar stórúthlutunar. Þá er keyptur
fiskur, egg, ávextir og lýsi og bætist
það við vörurnar sem alla jafna eru í
boði.
Kostar 1,4 milljónir á mánuði
Að sögn Ásgerðar Jónu Flosadóttur,
formanns Fjölskylduhjálparinnar,
fá samtökin stundum gjafir. Til að
mynda eiga þau nægan fisk til næstu
vikna eftir að fyrirtækið Hafgæði gaf
þeim 180 kíló af nýveiddri ýsu og
HB Grandi gaf þeim 600–700 kíló af
þorski og löngu.
Úthlutað er fjórum sinnum í
mánuði, tvisvar sinnum í Iðufelli í
Breiðholti og tvisvar í Reykjanesbæ.
Í síðustu úthlutun komu um 500 fjöl­
skyldur en hver þeirra fær eina mat­
argjöf í mánuði. Samtals kosta út­
hlutanirnar um 1,4 milljónir króna
á mánuði. Sjálfboðaliðar eru um 60
talsins.
Aukið álag vegna sumarfrís
Mæðrastyrksnefnd Reykjavíkur, sem
hefur einnig úthlutað mat, er komin
í sumarfrí og býst Ásgerður Jóna því
við auknu álagi á Fjölskylduhjálpina
næstu tvo mánuði. „Fólk er búið að
hringja mjög mikið og spyrja hvort
við séum líka komnar í sumarfrí en
við lokum aldrei á sumrin. Það er
ekki hægt því neyðin er alveg gríðar­
lega mikil,“ segir hún. „Maður er full­
ur aðdáunar á þessu fólk sem heldur
þetta út frá mánuði til mánaðar. En
það hjálpar því að geta komið hingað
og fengið mat og við reynum að vera
með góða og heilsusamlega vöru.“
Fólk mætir með veflykil með sér
Hver sem er getur ekki fengið mat­
araðstoð hjá Fjölskylduhjálp Íslands.
„Margir eru með þá mýtu að allir geti
gengið inn og fengið mat en það er al­
rangt, því við erum tengdar við Þjóð­
skrá. Fólk kemur með veflykilinn og
yfirlit frá Tryggingastofnun og sýnir
hvað það fær á mánuði. Við erum að
skoða fólk í bak og fyrir, þannig að
fólk sem þarf ekki á aðstoð að halda
fær hana ekki.“
Um 30 prósent fjölskyldnanna
sem fá mataraðstoð eru erlendar. Þar
er á ferðinni flóttafólk, þeir sem eru
með atvinnuleyfi en eru án atvinnu
og fólk sem er á framfærslu sveitar­
félaga.
„Svakalega sorglegt hjá
borginni“
Styrkur Reykjavíkurborgar til Fjöl­
skylduhjálpar Íslands lækkaði um
síðustu áramót um eina milljón
króna og er kominn niður í 1,6 millj­
ónir á mánuði. Ásgerður Jóna er
sár og svekkt yfir niðurskurðinum,
enda hefur neyð almennings ekkert
minnkað. „Þetta er svakalega sorglegt
hjá borginni. Við vitum ekki hvernig
þau forgangsraða en fólk er ekki að
koma nema það þurfi nauðsynlega
á því að halda. Ég er búin að tala um
þetta í tuttugu ár en þetta hefur ekk­
ert lagast. Við erum samt afskaplega
þakklátar fyrir að fá þessar 1,6 millj­
ónir,“ segir hún en samtökin fá einnig
fjögurra milljóna króna styrk árlega
frá velferðarráðuneytinu.
Nytjamarkaðir víða
Fyrir utan Íslandsforeldra er hægt
að styðja við bakið á Fjölskyldu­
hjálpinni með því að versla á nytja­
mörkuðum hennar eða koma með
vörur. Nytjamarkaðirnir eru í Iðu­
felli 14 í Breiðholti, á Baldursgötu 14
í Reykjanesbæ, Hamraborg 9 í Kópa­
vogi og á Snorrabraut í Reykjavík, á
horni Hverfisgötu og Snorrabrautar.
Einnig er nytjamarkaður starfræktur
á Selfossi. n
Freyr Bjarnason
freyr@dv.is
„Fólk er búið að
hringja mjög mikið
og spyrja hvort við séum
líka komnar í sumarfrí en
við lokum aldrei á sumr-
in. Það er ekki hægt því
neyðin er alveg gríðar-
lega mikil.
Ásgerður Jóna Flosadóttir Er ósátt við
lægri styrk Reykjavíkurborgar til Fjölskyldu-
hjálpar Íslands. MyNd Sigtryggur Ari JóhANNSSoN
Biðröð Fólk í biðröð
hjá Fjölskylduhjálp
Íslands. Neyðin
er mikil nú sem
endranær.
MyNd reuterS