Dagblaðið Vísir - DV - 25.06.2015, Page 26

26 Fréttir Erlent Helgarblað 25.–29. júní 2015
NÝTT Á ÍSLANDI
HÁGÆÐAVÍTAMÍN FRÁ LIFE EXTENSION
20% KYNNINGARAFSLÁTT
TIL 4. JÚLÍ LYFSALINN Í GLÆSIBÆ
G L Æ S I B Æ
Mörg hundruð látin vegna hita
n Hitabylgja gengur yfir stærstu borg Pakistan og suðurhluta landsins n Fleiri hundruð látin
M
örg hundruð manns
hafa látið lífið í hita-
bylgju sem gengið
hefur yfir stærstu borg
Pakistan, Karachi, og
Sindh-hérað.
Yfirvöld í Sindh-héraði hafa lýst
yfir neyðarástandi á svæðinu og
kallað allt heilbrigðisstarfsfólk til
vinnu; lækna, hjúkrunarfræðinga
og aðra. Þá hafa sjúkrastofnanir í
Sindh-héraði verið birgðar upp af
lyfjum.
Hátt í þúsund manns látið lífið
Staðfest hefur verið að yfir 700
manns hafi látið lífið í Karachi
vegna hitans, en dánarorsök hefur
í öllum tilfellum verið hitaslag og
eldra fólk í meirihluta.
Opinberir starfsmenn ráðleggja
fólki að bíða ekki með að jarðsetja
sína nánustu – líkhúsin verði brátt
yfirfull. Sjúklingar sem hlotið hafa
aðhlynningu vegna hitaslags hafa
verið um 2.400 talsins. Hitinn fór
hæst upp í 45 gráður en hitastig
hefur ekki mælst svo hátt í um 15 ár.
Töluvert hefur verið um raf-
magnstruflanir í borginni á liðn-
um dögum sem leitt hafa til þess
að vatnsdælur vatnsveitna hafa
stöðvast. Fjöldi hverfa hefur því
orðið vatnslaus um lengri eða
skemmri tíma. Íbúar borgarinnar
hafa brugðist við með mótmælum
á götum úti.
Neyta hvorki matar né drykkjar
Flestir Pakistanir eru múslimar og
halda föstumánuðinn heilagan. Í
þeim mánuði, sem stendur yfir frá
18. júní til 17. júlí þetta árið, þurfa
múslimar að fasta og mega þeir
hvorki neita matar né drykkjar milli
sólarupprásar og sólseturs í heilan
mánuð.
Í steikjandi hitanum bragða
Pakistanir því hvorki vott né þurrt á
meðan hitabylgjan gengur yfir.
Háskólinn í Karachi hefur
ákveðið að fresta prófum um einn
mánuð vegna veðursins
Hefur fólki verið ráðlagt að halda
sig innandyra og drekka nóg af vatni.
Yfirvöld vonast til að regn sem fylgir
monsúntímanum bæti eitthvað úr
skák en sá tími er á næsta leiti.
Um 20 millj-
ónir manna
búa í borginni
Karachi.
Ekki er langt
síðan hitabylgja
gekk yfir austur-
hluta landsins
og kostaði 2.500
manns lífið. n
Birna Guðmundsdóttir
birna@dv.is
Hitabylgja í Pakistan
Gamall maður skolar sig.
Pakistönsk stúlka Skvettir vatni framan í sig í steikjandi hita.
Hitabylgja gengur yfir Pakistan
Hópur manna í borginni Karachi.