Dagblaðið Vísir - DV - 25.06.2015, Side 50

6 Sumarhátíðir - Kynningarblað Helgarblað 25.–29. júní 2015
Ómissandi markaðshelgi
Eitthvað fyrir alla í Bolungarvík fyrstu helgina í júlí
Á
rlega fjölskylduhátíðin
Markaðshelgin í Bolungarvík
fer fram fyrstu helgina í júlí
en viðburðurinn hefur fest
sig í sessi, vaxið og dafnað
undanfarin ár og er nú orðinn einn
af stærri menningarviðburðum sum­
arsins þar um slóðir. Bolvíkingar eru
höfðingjar heim að sækja, söngelsk­
ir með eindæmum og sanngjarnir í
viðskiptum og allt þetta endurspegl­
ast á markaðshelginni glæsilegu þar
sem fjölmargt skemmtilegt verður í
boði.
Ber þar fyrst að nefna markaðs­
torgið sem heita má hjarta helgar­
innar. Skipuleggjendur segja að vel
á annað þúsund manns hafi mætt á
markaðstorgið síðastliðin ár og búast
þeir við að sá fjöldi eigi aðeins eftir
að aukast ef fram fer sem horfir.
Markaðshelgin er blanda af öfl­
ugu markaðstorgi þar sem finna má
allt milli himins og jarðar á sölu­
básum, yfirgripsmikilli tónlistar­
og fjölskylduskemmtun auk fjöl­
breyttrar skemmtunar og leiktækja
fyrir börn á öllum aldri. Þeir sem til
þekkja segja markaðshelgina í al­
gjörum sérflokki þar sem bæði gestir
og bæjarbúar sem selja varning sinn
og leggja sitt lóð á vogarskálarnar fari
heim með bros á vör.
Bítlað með Birni
Herlegheitin hefjast fimmtudags­
kvöldið 2. júlí í félagsheimilinu í
Bolungarvík því þá mun gítarleikar­
inn þjóðþekkti, Björn Thoroddsen,
ásamt einvala liði vestfirsks tónlistar­
fólks, flytja mörg af bestu lögum Bítl­
anna. Miðaverð er 2.500 krónur og
verður húsið opnað klukkan 20.
Vegleg söngkeppni
Söngkeppni markaðshelgarinnar
hefur einnig fest sig í sessi en hún
verður nú haldin í þriðja sinn. For­
keppni fer fram þriðjudaginn 30.
júní í félagsheimili Bolungarvíkur.
Keppt er í þremur flokkum, 8–11 ára,
12–14 ára og síðan 15 ára og eldri.
Úrslitakeppnin verður síðan haldin
með pomp og prakt laugardaginn
4. júlí klukkan 13 í félagsheimilinu.
Áhugasamir geta skráð sig í tölvu­
pósti á tuuli@simnet.is fyrir klukkan
12 þann 29. júní næstkomandi með
því að gefa upp nafn, aldur, kenni­
tölu, síma og lag. En keppnin er ekki
aðeins fyrir heimamenn. Keppendur
í öðrum landshlutum geta sent inn
myndband eða upptöku í forkeppn­
ina, fyrir klukkan 16 þriðjudaginn 30.
júní. Verðlaun eru frá Tónastöðinni.
Útivist og huggulegheit
Þegar stund gefst milli stríða í fjöl­
breyttri dagskrá Bolvíkinga geta
gestir heimsótt sundlaug Bol­
ungarvíkur sem í daglegu tali nefn­
ist Musteri vatns og vellíðunar.
Sundlaugin er opin alla virka daga
frá 6.15–21.00 og frá 10.00–18.00
um helgar. Þar er að finna vatns­
rennibraut, heita potta og er um­
hverfið skjólgott og fjölskylduvænt.
Þá er einnig hægt að fara í ræktina
og taka hið svonefnda þrýstipróf
Sigmundar sem hefur heldur bet­
ur slegið í gegn. Í næsta nágrenni
er sjóminjasafnið Ósvör, verbúð frá
árabátaöldinni og inni í bænum er
náttúrugripasafn Bolungarvíkur
sem þykir ótrúlega magnað safn
sem hýsir m.a. ísbjörn. Frá Bola­
fjalli er svo glæsilegt útsýni yfir
hina mögnuðu náttúru Vestfjarða
en á Bolafjall liggur greiðfær akveg­
ur. Í Bolungarvík eru matsölustaðir,
kaffihús, verslun og margt fleira.
Við bakka Hólsár geta síðan gestir
hátíðarinnar tjaldað en á tjaldsvæð­
inu er salernis­ og snyrtiaðstaða til
fyrirmyndar. Gestir á tjaldsvæðinu
geta einnig nýtt salerni og snyrtingu
íþróttamiðstöðvarinnar á opnunar­
tímum auk þess sem þar er þvotta­
og þurrkaðstaða. Nútímamaðurinn
þarf heldur ekki að örvænta því á
tjaldsvæðinu er rafmagn og önnur
þjónusta.
Skothelt stuðball
Allar betri bæjarhátíðir þurfa síðan
ball og þar klikka ekki Bolvíkingar.
Fjölskyldudansleikur verður fyrr
um daginn þar sem Eurovision­
söngdrottningin María Ólafs heldur
uppi fjörinu en um kvöldið 4. júlí
klukkan 23.00 verður Markaðsballið
svokallaða í félagsheimilinu þar sem
Húsið á sléttunni spilar á skotheldu
stuðballi með Maríu.
Nánari upplýsingar er að finna á
facebook.com/markadshelgin. n
Allt í blóma í
Bolungarvík
Markaðshelgin í
Bolungarvík fer fram
fyrstu helgina í júlí.
Þar verður mikið um
dýrðir alla helgina.
Mynd AðSend
Stanslaust stuð
Yngsta kynslóðin, sem
og þeir sem eldri eru,
finna eitthvað við sitt
hæfi í Bolungarvík 4.
júlí næstkomandi.
Mynd BjArki FriðBergSSon
Söngkeppni Söngkeppni markaðs-
helgarinnar verður nú haldin í þriðja sinn.
Mynd BjArki FriðBergSSon
„Bolvíkingar
eru höfðingjar
heim að sækja