Dagblaðið Vísir - DV - 25.06.2015, Qupperneq 52

8 Sumarhátíðir - Kynningarblað Helgarblað 25.–29. júní 2015
Blóm í bæ í sjötta sinn
Það verður hippastemming á garðyrkju- og blómasýningunni í Hveragerði um helgina
N
ú um helgina verður ár-
lega garðyrkju- og blóma-
sýningin Blóm í bæ haldin
í sjötta sinn í Hveragerði.
Mikið verður um dýrðir að
þessu sinni en fyrri sýningar hafa
slegið í gegn og fjöldi gesta sótt há-
tíðina og notið þeirrar fjölbreyttu
dagskrár sem í boði er. Fjöldi við-
burða verður á sviði garðyrkju,
umhverfismála, skógræktar og ís-
lenskrar framleiðslu dagana 26. til
28. júní og er aðgangur ókeypis alla
dagana.
Þema sýningarinnar í ár er
„Flower Power“ og mun því
hippatímabilið, blómabörnin,
ást og friður vera allsráðandi og
blómaskreytar töfra fram skraut-
legar skreytingar í þeim anda. Að
sýningunni standa Hveragerðis-
bær, Samband garðyrkjubænda,
Landbúnaðarháskólinn, Félag
blómaskreyta, Garðyrkjufélag Ís-
lands og Grænn markaður auk fjöl-
margra sjálfboðaliða.
Frú Vigdís heiðruð
Meðal þeirra sem boðað hafa komu
sína á hátíðina í ár er frú Vigdís
Finnbogadóttir, fyrrverandi forseti
Íslands, sem verður viðstödd setn-
ingu hátíðarinnar klukkan 16.00,
föstudaginn 26. júní. Það er vel við
hæfi að frú Vigdís sæki hátíðina
heim því þar er fyrirhugað að vígja
trjálund henni til heiðurs. Tilefnið
er að 35 ár eru liðin frá því að Vigdís
varð fyrsti þjóðkjörni kvenforset-
inn í heiminum þegar hún var kjör-
in forseti Íslands. Lundurinn verð-
ur staðsettur í Smágörðum og mun
gróðursetning fara fram klukkan
17.00 á föstudag.
Fjölbreytt dagskrá fyrir alla
Það er ekki nokkur spurning að
allir ættu að geta fundið sér eitt-
hvað við hæfi á Blómum í bæ þar
sem dagskráin er sérlega glæsileg,
fjölskyldumiðuð og fjölbreytt. Sýn-
ingar, markaðir og fræðsla verða
alla sýningardagana. Ber þar helst
að nefna fræðslufyrirlestra um
garðrækt, sögugöngu um Hvera-
gerði, boðið verður upp á græn-
metissúpu í Lystigarðinum fyrir
gesti og gangandi, Sveinn Kjartans-
son matreiðslumeistari mun kenna
gestum að elda holla og góða rétti
á opnum eldi, blómaskreytar verða
með sýnikennslu í Lystigarðinum,
Leikhópurinn Lotta mætir á svæð-
ið og skemmtir, keppt verður um
blómlegustu bollakökuna 2015,
Hafdís Huld mun halda frábæra
barnatónleika og Hljómlistarfélag
Hveragerðis mun halda sérstaka
hippatónleika í anda þema há-
tíðarinnar í ár svo fátt eitt sé nefnt.
Hippastemming
Aðspurð um þemað í ár segir Elín-
borg Ólafsdóttir, framkvæmdastjóri
sýningarinnar Blóma í bæ, að það
verði mikil hippastemming í bæn-
um. Auk hippatónleikanna er von
á hippalegum fornbílum, leik-
húskrakkar verða með hippa-
gjörninga auk þess sem margvísleg
listaverk úr blómum í anda hippa-
tímabilsins hafi fæðst í aðdraganda
hátíðarinnar.
Þá verður markaðsstemming um
allan bæ þar sem garðplöntufram-
leiðendur sýna afurðir sínar, hægt
verður að kaupa grænmeti og ýms-
ar vörur í garðinn. Fjöldi fyrirtækja
mun sýna vörur sínar í Lystigarðin-
um þar sem verða markaðstjöld og
matarmarkaðir. Þá er ástæða til að
vekja athygli á stórútsölu IKEA á
garðvörum á sýningunni en versl-
unin tók þátt í hátíðinni í fyrra og
ákvað að vera aftur með í ár.
Minnt er á að hægt er að nálg-
ast allar helstu upplýsingar um
dagskrá og viðburði á heimasíðu
Blóma í bæ, blomibae.is.
Bæjarhátíðin
Blómstrandi dagar
Það er mikið um að vera í Hvera-
gerði í sumar því auk Blóma í bæ
fer bæjarhátíðin Blómstrandi dagar
fram helgina 13. til 15. ágúst næst-
komandi. Sú hátíð hefur heldur bet-
ur skipað sér sess meðal bæjarhá-
tíða á Íslandi en þá fléttast saman
Ísdagar Kjöríss og bæjarhátíðin með
öllu tilheyrandi. Þá verða tónleik-
ar úti um allan bæ, markaðir, sýn-
ingar, brekkusöngur, varðeldur og
dansleikir svo eitthvað sé nefnt. n
Sjötta árið Hátíðin
stendur yfir helgina
26.–28. júní.
Þemað í ár er Flower Power Ást og friður verður ríkjandi á bæjarhátíðinni í anda
hippanna.
Blómlegt í Hvera-
gerði Hátíðin Blóm í
bæ er orðin einskonar
þjóðhátíð þeirra
Hvergerðinga.