Skagfirðingabók - 01.01.2012, Blaðsíða 72

SKAGFIRÐINGABÓK
jafnt við störf sín og til aksturs á þjóð­
vegum. Framleiðsla á honum hófst
árið 1946 og ári síðar var sett í hann
Daimler­Benz vél. Fyrstu bíl arnir
voru smíðaðir af Böhringer af því að
Mercedes Benz hafði ekki heimild til
að smíða fjórhjóladrifna bíla á þess um
fyrstu árum eftir stríð. Leyfi til þess
fékkst hins vegar árið 1951, og var
Benz­merkið á bílnum á Reynistað.
Árið 1953 var tekið til við að smíða
bílana með lokuðu bílstjórahúsi og var
bíll þeirra Reynistaðarbænda þannig
úr garði gerður.
Í bréfinu frá 25. ágúst 1957, þegar
ég sagði frá nýju rakstrarvélinni, kom
einnig þetta fram: „Og nú er verið að
láta nýtt tæki á dráttarvélina. Það er
lyfta sem hægt er að setja framan á
hana og framan á lyftuna er hægt að
setja heyýtu sem einnig er hægt að
nota við að lyfta heyi upp á vagnana,
heilu bólstrunum í einu. Svo er einnig
unnt að setja framan á lyftuna skúffu
sem hægt er að moka sandi og möl.“
Hrifningin af þessari miklu tækni­
byltingu leynir sér ekki. Þótt ég segi
þarna að það hefði mátt nota dráttar­
vélina til að lyfta heyi á hestvagnana
minnist ég þess ekki að það hafi verið
gert af ótta við að hestarnir kynnu að
fælast. Vorið 1958 fermdist ég. Í bréfi
frá 13. júlí það ár má lesa að ég hafði
forframast og fór ekki lengur með
hesta kerru að brúsapallinum: „Ég hef
oft farið með mjólkurbrúsana á
dráttar vélinni og er það mjög gaman.
Um daginn var verið að jafna flag með
72
Fergusondráttarvélin kom 1956. Hér er elsti bróð ir inn á Reynistað, Jón Sigurðsson, að
moka og hefur sett vel á gaffalinn fyrir myndatökuna. Aftan við stendur Sig urður Samúel
Sigurðsson sumarstrákur. Eig.: Jón Sigurðsson.