Morgunblaðið - 15.12.2016, Blaðsíða 48

Bogi Þór Arason
bogi@mbl.is
Embættismenn í Rússlandi hafa
fagnað þeirri ákvörðun Donalds
Trump, verðandi forseta Bandaríkj-
anna, að tilnefna Rex Tillerson, for-
stjóra olíufyrirtækisins ExxonMobil,
í embætti utanríkisráðherra. Þeir
segja að með því að fá Tillerson í
utanríkisráðuneytið gefist tækifæri
til að bæta samskipti Bandaríkjanna
og Rússlands og binda enda á refsi-
aðgerðirnar gegn Rússum vegna
átakanna í Úkraínu.
Ekki er víst að öldungadeild
Bandaríkjaþings staðfesti tilnefn-
inguna því að þingmenn úr báðum
flokkunum hafa efasemdir um hana
vegna náinna tengsla Tillersons við
Vladimír Pútín Rússlandsforseta og
fleiri ráðamenn í Kreml. Repúblik-
anar eru með 52 þingmenn af hundr-
að í öldungadeildinni og tilnefningin
fellur ef þrír repúblikanar greiða at-
kvæði gegn henni, ásamt öllum þing-
mönnum demókrata. Þrír atkvæða-
miklir þingmenn repúblikana, Marco
Rubio, John McCain og Lindsey
Graham, hafa látið í ljós efasemdir
um tilnefninguna og það bendir til
þess að erfitt verði fyrir Trump að fá
öldungadeildina til að samþykkja
Tillerson, að sögn The Wall Street
Journal.
Tillerson hóf störf fyrir Exxon-
Mobil árið 1975 sem verkfræðingur
og kleif metorðastigann þar til hann
varð forstjóri olíufyrirtækisins árið
2006. Talið er að viðskiptasamningar
sem hann gerði við Rússa hafi átt
stóran þátt í því að hann var gerður
að forstjóra. Sumum þeirra náði hann
með viðræðum við Pútín, sem sæmdi
hann „vináttuorðu“ árið 2013.
Spáir veigamiklum breytingum
Tillerson náði m.a. samningi árið
1996 um olíuboranir á rússnesku
Kyrrahafseyjunni Sakhalin og samdi
árið 2013 við rússneska olíufyrirtækið
Rosneft um olíuleit í Norður-Íshafi.
Refsiaðgerðirnar vegna innlimunar
Krímskaga í Rússland og íhlutunar
Rússa í Austur-Úkraínu hafa skaðað
hagsmuni ExxonMobil og samstarf
þess við rússnesk olíufyrirtæki á borð
við Rosneft.
„Þetta er nokkurs konar jólagjöf
frá Bandaríkjamönnum til rússnesku
þjóðarinnar,“ hefur The Wall Street
Journal eftir rússneska stjórnmála-
fræðingnum og blaðamanninum
Sergei Markov. Blaðið hefur eftir ein-
um af helstu ráðgjöfum Pútíns í utan-
ríkis- og varnarmálum að tilnefningin
sé vísbending um að „veigamiklar
breytingar“ verði á utanríkisstefnu
Bandaríkjanna þegar Trump tekur
við forsetaembættinu. Meiri áhersla
verði lögð á viðskiptahagsmuni
Bandaríkjanna en minni á mannrétt-
inda- og lýðræðishugsjónir.
„Óþokki og morðingi“
Mitch McConnell, leiðtogi repúbl-
ikana í öldungadeildinni, hefur lýst
yfir stuðningi við Tillerson. Tilnefn-
ingin nýtur einnig stuðnings repúbl-
ikananna Condoleezzu Rice, fyrrver-
andi utanríkisráðherra, Bobs Gates,
fyrrverandi varnarmálaráðherra, og
Stephens Hadley, fyrrverandi
þjóðaröryggisráðgjafa. Þau hafa öll
starfað fyrir alþjóðlegt ráðgjafar-
fyrirtæki sem hefur haft samstarf við
ExxonMobil.
James Baker, fyrrverandi utan-
ríkisráðherra, og Donald Rumsfeld,
fyrrverandi varnarmálaráðherra,
styðja einnig Tillerson. Talið er að
stuðningur þessara áhrifamanna vegi
þungt þegar þingmenn repúblikana
taka afstöðu til tilnefningarinnar.
Marco Rubio lét þó í ljós efasemdir
um tilnefninguna á Twitter vegna
vináttu Tillersons við forseta Rúss-
lands. „Vladimír Pútín er óþokki,
yfirgangsseggur og morðingi, og sá
sem segir að hann sé eitthvað annað
er að ljúga,“ sagði John McCain á
Twitter.
Jólagjöf Trumps til Rússa
 Rex Tillerson, forstjóri olíufyrirtækisins ExxonMobil, tilnefndur utanríkisráðherra í stjórn Trumps
 Þingmenn í báðum flokkum hafa efasemdir um tilnefninguna vegna tengsla Tillersons við Pútín
Rex Tillerson
Forstjóri ExxonMobil
Hefur verið í nánum
tengslum við stjórn-
völd í Rússlandi
Tilnefningar Trumps í mikilvæg embætti
Reince Priebus
Hvíta húsið
Ráðherraembætti
Öryggis- og utanríkismál
44 ára
Skrifstofustjóri
62 ára
Steve Bannon
Aðalstjórnmálaráðgjafi
Michael Flynn
57 ára
Fyrrv. yfirmaður
leyniþjónustu
hersins
Þjóðaröryggisráðgjafi
69 ára
Jeff Sessions James Mattis
Dómsmálaráðherra
Fyrrverandi
saksóknari
64 ára
Öldungadeildar-
þingmaður
48 ára
Hefur efasemdir um
loftslagsbreytingar
Í nánum tengslum
við olíufyrirtæki
66 ára
Varnarmálaráðherra*
Fjögurra stjarna
hershöfðingi
Kallaður
„Óði hundurinn“
Steven Mnuchin
53 ára
Fyrrv. aðstoðarfor-
stjóri Goldman Sachs
Andvígur umbótum
á fjármálamörkuðum
Nikki Haley
44 ára
Ríkisstjóri
Suður-Karólínu
Fjármálaráðherra
Utanríkisráðherra
Yfirmaður Umhverfisverndar-
stofnunar Bandaríkjanna
Betsy DeVos
58 ára
Vill umbætur á
skólakerfinu
Meðal fjárhagslegra
bakhjarla repúblikana
Menntamálaráðherra
Þarfnast staðfestingar þingsins
Þarfnast ekki staðfestingar
*Þingið þarf að veita Mattis
undanþágu vegna þess að hann
lét nýlega af störfum fyrir herinn
Stjórnaði frétta-
vefnum Breitbart
Formaður
landsnefndar
Repúblikana-
flokksins
Var kosninga-
stjóri Trumps
Mike Pompeo
52 ára
Yfirmaður CIA
Á sæti í leyni-
þjónustunefndum
fulltrúadeildar
þingsins
Sendiherra hjá SÞ
Scott Pruitt
Perry í ráðuneytið sem
hann vildi leggja niður
» Trump tilnefndi í gær Rick
Perry, ríkisstjóra Texas, í emb-
ætti orkumálaráðherra. Perry
var á meðal keppinauta
Trumps í forkosningum repú-
blikana en
varð fyrstur
til að draga
framboð sitt
til baka. Hann
lýsti eitt sinn
Trump sem
„krabbameini
á íhaldsstefn-
unni“.
» Perry tók einnig þátt í for-
kosningum repúblikana 2012
og komst í mikil vandræði í
sjónvarpskappræðum þegar
hann sagðist ætla að leggja
þrjár alríkisstofnanir niður.
» „Þetta eru viðskiptastofnun,
menntastofnun og ... úps,“
sagði frambjóðandinn. Skyndi-
lega rak hann í vörðurnar og
hann gat ekki fyrir sitt litla líf
munað hver þriðja stofnunin
var.
» Stofnunin sem hann vildi
leggja niður en gleymdi er
orkumálaráðuneytið – sem
hann á nú að stjórna.
Rick Perry
48 FRÉTTIRErlent
MORGUNBLAÐIÐ FIMMTUDAGUR 15. DESEMBER 2016
Smáralind | Kringlunni | Reykjanesbæ | sími 511-2022 | www.dyrabaer.is
Mikið úrval
af hunda- og
kattarúmum
á góðu verði
– fyrir dýrin þín
Sauðfé er hér á beit í Tuileries-garði í París eftir að um fimmtíu bændur
komu þangað með um hundrað kindur til að mótmæla mikilli fjölgun árása
úlfa á kvikfé í Frakklandi. Bændurnir segja að úlfar drepi eða særi þús-
undir sauðfjár á ári hverju og segjast ekki geta varið búfénaðinn vegna
þess að bannað sé að drepa úlfa. Brot á banninu varði fangelsisvist.
AFP
Árásum úlfa mótmælt
Sauðfé á beit í garði í París