Morgunblaðið - 15.12.2016, Síða 89

MENNING 89
MORGUNBLAÐIÐ FIMMTUDAGUR 15. DESEMBER 2016
Form þessarar bókar semVigdís Grímsdóttirskráði eftir frásögn Sig-ríðar Halldórsdóttur
kemur töluvert á óvart. Að stofni
til er hún samtalsbók en í löngum
köflum er brugðið út frá þeirri að-
ferð í ævisagnaritun svo að stund-
um er eins og hér sé um sjálfs-
ævisögu að ræða. En svo er
lesandanum
aftur kippt inn
í nútímann
þegar spyrill-
inn Vigdís
reynist hafa
skoðun á ýms-
um efnis-
atriðum. Létt
spjallbók er
hún ekki – til
þess eru stöll-
urnar allt of kjarnyrtar og kreddu-
fastar. Bréf til og frá ýmsum með-
limum stórfjölskyldunnar fylgja
með til að varpa ljósi á fortíðina og
tíðarandann og víða vísað í myndir.
Sendibréf Sigríðar og pistlar sem
birtust áður í Helgarpóstinum
sýna hve lipur penni hún var. Mest
nýnæmi er að mannlýsingum eftir
börn hennar og nána vini þar sem
viðfangsefnið er Sigríður sjálf eins
og hún kemur þeim fyrir sjónir í
nútíðinni með tilvísun í liðinn tíma.
Þessir kaflar vöktu nokkra furðu
en skýringin fannst þegar und-
irtitli bókarinnar skaut upp í hug-
ann. Gömlu, góðu minningabæk-
urnar sem tíðkuðust a.m.k. til loka
sjöunda áratugarins voru einmitt
safn vitnisburða vina eigandans.
Brotakennd frásögnin kallast á
við óreiðu endurminninganna og úr
ómælisdjúpi fortíðarinnar eru
dregnar upp svipmyndir úr lífs-
hlaupi Sigríðar sem gefa lesand-
anum einhverja nasasjón af því
hver hún er. Eða kannski væri
réttara að dregin sé upp sú mynd
sem Sigríður vill að ókunnugir fái
að sjá. Það er ekkert farið í felur
með þetta; ákveðin mál, þótt tæpt
sé á þeim, eru ekki til umræðu,
ekki einu sinni undir rós, hvað þá
milli lína.
Ríkjandi þáttur í frásögninni er
Sigríður í hlutverki dóttur, systur,
barnabarns, eiginkonu, vinar og
umfram allt móður enda eru flestir
sem koma við sögu mjög eftir-
minnilegir. En öðrum þræði er
þetta sagan um sjálfstæðisbaráttu
konu sem mátar sig við öll hlut-
verkin í leit að sér sjálfri en ber
óhjákvæmilega líka frammistöðu
sína saman við goðsagnakennda
túlkun sinna nánustu á þeirra hlut-
verkum. Inntak bókarinnar er hve
þrúgandi það getur verið að lifa í
skugganum þegar hvað það sem
maður tekur sér fyrir hendur verð-
ur borið saman við afrek annarra.
Þessi bók vinnur á eftir því sem
myndbrotin falla saman og heildar-
myndin skýrist. Hún lætur mann
ekki í friði þegar henni er lokið því
það er eitthvað svo sérstakt við
stöðu Sigríðar sem verður efni í
ýmsa þanka um lífshlaup hennar
og örlög. Hún man eftir öllum
þeim sterku einstaklingum sem
áttu þátt í að móta hana en setur
líka fram þá kröfu að eftir henni
sé munað: Mundu mig; ég man
þig.
Í skugga annarra
Morgunblaðið/Árni Sæberg
Minningabók Stöllurnar Sigríður Halldórsdóttir og Vigdís Grímsdóttir eru
kjarnyrtar og kreddufastar í Elsku Drauma mín.
Ævisaga
Elsku Drauma mín –
Minningabók Sigríðar Halldórsdóttur
bbbbn
Eftir Vigdísi Grímsdóttur.
Forlagið – JPV útgáfa, 2016.
Innbundin, 303 bls.
SVEINN
HARALDSSON
BÆKUR
Leikkonan Meryl Streep setti met
þegar hún var í vikunni tilnefnd til
Golden Globe-verðlaunanna í 30. sinn,
að þessu sinni fyrir túlkun sína á
Florence Foster Jenkins í sam-
nefndri kvikmynd. Streep er tilnefnd
sem besta leikkonan í aðalhlutverki í
söng- eða gamanleik. Þetta kemur
fram á vef E News. Áður hafði verið
tilkynnt að Streep hlyti verðlaunin
kennd við Cecil B. Demille þegar
Golden Globe-verðlaunin eru afhent í
74 sinn 8. janúar.
Streep, sem er 67 ára, var fyrst til-
nefnd til Golden Globe-verðlaunanna
árið 1978 fyrir hlutverk sitt í The
Deer Hunter. Hún vann sín fyrstu
Golden Globe-verðlaun árið eftir sem
besta leikkonan í aukahlutverki fyrir
Kramer vs. Kramer.
Árið 2009 skráði Streep sig á spjöld
sögunnar hjá Golden Globe sem sá
sviðslistamaður sem oftast hafði verið
tilnefndur til verðlaunanna, en það ár
var hún bæði tilnefnd fyrir Doubt og
Mamma Mia! Það ár hafði hún sam-
tals verið tilnefnd 23 sinnum. Streep
er einnig sá listamaður sem oftast
hefur unnið til Golden Globe-
verðlauna fyrir leik eða alls átta sinn-
um, fyrir myndirnar Kramer vs.
Kramer (1979), The French Lieuten-
ant’s Woman (1981), Sophie’s Choice
(1982), Adaptation (2002), Angels in
America (2003), The Devil Wears
Prada (2006), Julie & Julia (2009) og
The Iron Lady (2010).
Setur met í tilnefningum
AFP
Hæfileikarík Meryl Streep.
Snemma í vor gekk læknir á eftir-
launum inn í höfuðstöðvar Tajan-
uppboðshússins í París með 14 óinn-
rammaðar teikningar sem faðir hans
hafði safnað. Sérfræðingur í gamalli
myndlist leit á verkin og rak í roga-
stans þegar hann sá í bunkanum
teikningu af heilögum Sebastían,
sem honum þótti teiknuð á kunn-
uglegan hátt. Og þegar hann leit á
bakhliðina rak hann í rogastans: þar
voru rissuð einskonar vígatól og við
þau fínleg spegilskriftin sem þekkja
má af skrifum og teikningum Leon-
ardos da Vinci.
Fleiri sérfræðingar voru kallaðir
til og þeir sáu að teikningin var gerð
af örvhentum listamanni með kunn-
uglega línuteikningu og staðfestu
fyrsta mat, svo að segja án hiks;
þetta væri teikning eftir endurreisn-
armeistarann, talin gerð á árunum
1482 til 1485 í Mílanóborg. Og nú er
lítil teikningin metin á 15,8 milljónir
dala, um 1,7 milljarð króna.
The New York Times segir sög-
una af teikningunni. Í bók Da Vinci,
Codex Atlanticus, sem varðveitt er í
Biblioteca Ambrosiana í Mílanó, vís-
ar hann til átta mynda sem hann hafi
gert af heilögum Sebastíani og er
þessi nýfundna teikning sögð kallast
merkilega á við aðra eftir hann sem
er varðveitt í Hamborg og er einnig
með riss og skrift á bakhliðinni.
Fundu teikningu
eftir Da Vinci
AFP
Verðmæt Teikningin af heilögum
Sabastían, sem eignuð er Da Vinci.
AFP
Spegilskrift Á bakhliðinni eru riss
af stríðstólum og kunnugleg skrift.
Miðasala og nánari upplýsingar
SÝND KL. 6, 9
SÝND KL. 5.40
SÝND KL. 8, 10
SÝND KL. 8, 10.45
SÝND KL. 5.40
HERRAFATAVERSLUN
BIRGISFÁKAFENI 11 • 108 REYKJAVÍK • SÍMI 553 1170
Opið mán-fös 10-18 og lau 11-16 Næg bílastæði
Við höfum lækkað verð
á öllum okkar vörum
Gæðafatnaður
fyrir alla herramenn
frá Þýskalandi
Jakkar frá 28.500,-
Ullarfrakkar frá 28.500,-Jakkaföt frá 39.500,-Skyrtur frá 7.900,-
Yfirhafnir frá 24.500,-Buxur frá 15.900,-