Fréttatíminn - 03.12.2016, Qupperneq 66

6 | helgin. LAUGARDAGUR 3. DESEMBER 2016matur.
Núna er fullkominn tími til þess að huga að sýrða meðlætinu með jólamatnum eða öllu gúmmelaðinu
sem á að gæða sér á á aðventunni.
Sýrt grænmeti er ótrúlega gott
með öllum mat og að auki mein-
hollt. Það er frábært með smur-
brauði en er líka gott með öllu
kjöti og grænmetisréttum.
Dásamlegt meðlæti
með jólamatnum eða
aðventukrásunum
Sýrt grænmeti er sælgæti með öllum mat.
Sýrður rauðlaukur
1 kg rauðlaukur
100 g sykur
1 tsk salt
300 ml eplaedik eða hvítvínsedik
200 ml vatn
Skerið laukinn í þunnar sneiðar og
setjið hann í sigti. Hellið sjóðandi
vatni yfir laukinn og þerrið hann.
Þetta er valkvætt en dregur aðeins
úr beittu bragði lauksins sem sum-
ir vilja þó halda í. Setjið laukinn í
eina stóra krukku eða fleiri minni.
Setjið sykur, salt, edik og vatn í
pott og hitið þar til sykurinn er
uppleystur. Hellið yfir laukinn og
kælið áður en þið lokið krukk-
unni/krukkunum. Geymist í kæli í
allt að mánuð.
Sýrðar rauðrófur
1 kíló rauðrófur
150 g sykur
300 ml hvítvínsedik
200 ml vatn
2 tsk. græn eða svört piparkorn
3-4 hvítlauksgeirar, skorið í 2-3 bita
2 lárviðarlauf
Hitið ofninn í 180°C. Setjið
rauðrófurnar á ofnplötu og hitið
í u.þ.b. klukkutíma eða þar til
prjónn fer tiltölulega auðveldlega
í gegn. Kælið rófurnar og fjarlæg-
ið hýðið, skerið þær í bita og setjið
í rúmgóða sótthreinsaða krukku
eða fleiri litlar. Setjið allt hráefnið
nema rófurnar í pott og hitið þar
til sykurinn er uppleystur. Hellið
vökvanum ásamt öllum krydd-
unum yfir rófurnar. Látið
kólna alveg áður en krukk-
unni/krukkunum er lokað. Geym-
ist í kæli allt að mánuð.
Sérstök jólaútgáfa af íslensku
brennivíni hefur vakið mikla
athygli meðal vínáhugafólks úti í
heimi að undanförnu. Jóla Brenni-
vínið er nú selt í Bandaríkjunum,
Kanada, Þýskalandi og í Færeyj-
um og á næstunni bætast Noregur
og fleiri lönd við. Alls eru um sex
þúsund flöskur framleiddar í ár
og bróðurparturinn af þeim fer til
útlanda.
„Jóla Brennivínið hefur verið
gríðarlega eftirsótt og þá sérstak-
lega undanfarin ár,“ segir Valgeir
Valgeirsson, bruggmeistari hjá Öl-
gerðinni, sem unnið hefur að þró-
un Brennivíns undanfarin ár.
„Ef ég man rétt hófst fram-
leiðsla á því árið 2003 og var þá
um að ræða bragðbættar útgáfur
af Brennivíni með jólaþema. Árið
2014 sendum við fyrst frá okk-
ur tunnuþroskaða jólaútgáfu
sem hafði þá legið í um hálft
ár í notuðum sérrí-tunnum
annarsvegar og Bourbon-
-tunnum hinsvegar og því svo
blandað saman. Við erum afar
ánægð með þessa blöndu og höld-
um okkur við hana en erum að
fínpússa blönduna árlega og það
má segja að bragðið sé alltaf að
verða margslungnara og mýktin
Íslenskt Jóla Brennivín slær
í gegn úti í heimi
Sex þúsund flöskur framleiddar ár hvert og frábærir dómar
í  virtu  víntímariti.
Toppeinkunn
Valgeir Valgeirs-
son, bruggmeist-
ari hjá Ölgerðinni,
er ánægður með
lofsamlega dóma
sem íslenska jóla
Brennivínið hefur
fengið erlendis.
Mynd | Hari
meiri. Það kemur meðal annars til
vegna þess að við erum að blanda
Brennivíni við sem við höfum náð
að þroska ennþá lengur og við
bætum í blönduna og eykur smá
flækjustigið. Einnig er stærri hluti
tekinn úr sérrítunnum nú en áður
þannig að þetta er í sífelldri þró-
un,“ segir Valgeir.
Þessi hátíðarútgáfa af Brenni-
víni fellur, eins og áður segir, vel
í kramið meðal vínáhugafólks. Á
dögunum birtist umsögn í hinu
virta tímariti WineEnthusiast þar
sem það fær lofsamlega dóma. Jóla
Brennivínið fær 96 af 100 mögu-
legum í einkunn sem þykir afar
gott. Sérstök 80 ára afmælisút-
gáfa Brennivíns fær 93 í einkunn
og hefðbundið Brennivín fær 92
í einkunn.
LAUGAVEGI | SMÁRALIND | KRINGLUNNI | WORLD CLASS LAUGUM | LEIFSSTÖÐ
VIÐ HÖFUM OPNAÐ NÝJAN
STAÐ Á LAUGAVEGI. KÍKTU
VIÐ Í ÓMÓTSTÆÐILEGAN
DJÚS, SAMLOKU OG SHAKE.
ER LOKSINS
MÆTTUR
NIÐUR Í BÆ!
Joe
P.S. VIÐ GERUM FÁRÁNLEGA GOTT KAFFI LÍKA!
Sjáumst á JOE & THE JUICE.