Tímarit Hjúkrunarfélags Íslands - 01.03.1975, Blaðsíða 31

Þörfin á framhaldsnámi í sérgreinum hjúkrunar
Stjóm Hjúkrunarfélags Islands sendi mennta-
málaráóuneytinu eftirfarandi bréf, dags.
6. desember 1974.
STJÓRN Hjúkrunarfélags fslands hefur að und-
anförnu rætt þörfina á framhaldsnámi hér á
landi í sérgreinum hjúkrunar og hverjar leiðir
myndu færar í því efni.
Menntamálaráðuneytið hefur sýnt þessum
þætti menntunarmála hj úkrunarstéttarinnar
góðan hug, sbr. bréf dags. 30. nóv. 1973, til
stjórnar HFÍ, og lét gera könnun á áhuga hjúkr-
unarkvenna á framhaldsnámi.
Að athuguðu máli vill stjórnin koma fáein-
um athugasemdum á framfæri varðandi það
bréf.
1 því segir, að ráðuneytið hafi í hyggju „að
efna til námskeiðs eða námskeiða fyrir hjúkr-
unarfólk, þar sem því gæfist kostur á nokk-
urri framhaldsmenntun“.
Þarna er ekki alveg ljóst hvað við er átt, þar
eð orðið „námskeið“ gefur í skyn að um stutt
og takmarkað nám sé að ræða. „Framhalds-
menntun“ er hinsvegar, a. m. k. innan hjúkr-
unarstéttarinnar, kallað það nám í sérgrein
hjúkrunar sem tekur allt að einu ári eða lengri
tíma, það er metið til launahækkunar og fæst
löglega viðurkennt sem sérnám, a. m. k. í flest-
um nágrannalöndum okkar. (Fylgir hér ljósrit
af bréfi Hjúkrunarfélags fslands til heilbrigðis-
málaráðherra varðandi setningu reglugerða um
sérfræðileyfi í hjúkrun).
í bréfi menntamálaráðuneytisins segir enn-
fremur, að „engin tök séu á því að skipuleggja
námskeið, nema vitað sé fyrirfram hversu margt
hjúkrunarfólk geti tekið eða óski eftir að taka
þátt í þeim og í hve langan tíma í einu. Þá þyrftu
og að vera fyrir hendi upplýsingar um í hvaða
hjúkrunargreinum væri helst óskað eftir nám-
skeiðum.“
Stjórn Hjúkrunarfélags íslands fagnar því
að ráðuneytið vill koma til móts við óskir stétt-
arinnar og gerði ráðstafanir til þess að um-
beðnar upplýsingar fengjust.
E. t. v. mætti þó taka til nánari athugunar
það atriði, hvort ástæða sé til þess að taka ein-
göngu mið af niðurstöðum könnunar sem þess-
arar. Má t. d. benda á það að menntamálayfir-
völd sáu ekki þörf á að kanna, meðal stúdenta,
hversu margir gætu stundað eða óskuðu eftir
hjúkrunarnámi við Háskóla íslands.
Stofnun hjúkrunarnámsbrautar við Háskóla
fslands var stefnumótun yfirvalda í samræmi við
kröfur og þróun heilbrigðisþjónustu í nútíma
þjóðfélagi. Stefnan var góðu heilli mörkuð í
samráði við Hjúkrunarfélag íslands og er ekki
að efa að hún á eftir að verða til farsældar.
Stjórn Hjúkrunarfélags fslands hefur áður
lýst þeirri stefnu sinni að öll hj úkrunarmennt-
un eigi að færast inn í háskóla og mun hún
vinna að því í framtíðinni en jafnframt ber
félaginu siðferðileg skylda til þess að sinna
þeim vanda hjúkrunarmála sem mest kallar að
á lí'ðandi stund og telur að hann verði að leysa
eins og best verður á kosið miðað við aðstæður.
Jafnvel þótt reynt væri að loka augunum fyr-
ir óánægju hjúkrunarkvenna með skarðan hlut
í menntunarmálum, þá er ekki hægt — og væri
raunar óafsakanlegt — að líta fram hjá því,
hver áhrif sá menntunarskortur hefur á heil-
brigðisþjónustuna í heild.
Þróun skipulagninga og reksturs heilbrigðis-
þjónustu kallar stöðugt á aukna sérgreiningu
og sérhæfingu starfsfólks. Leiðir af því betri
hagræðingu og aukið öryggi þeirra er þjónust-
unnar þarfnast.
Hjúkrunarkonur hafa lítil tök á að fylgjast
með í þessari þróun og verður það að teljast
illa farið að þær eiga ekki kost á nauðsynlegri
menntun til þess að geta fyllilega gegnt því mik-
ilvæga hlutverki sem þeim ber skylda til að
rækja.
Stefna í menntunarmálum hlýtur stöðugt að
þróast í samræmi við þarfir og kröfur á hverj-
um tíma og þar eiga menntunarmál hjúkrunar-
stéttarinnar ekki að vera undanskilin.
Eins og ráðuneytinu mun kunnugt, þá tak-
markast framhaldsnám í hjúkrun hér á landi
við aðeins þrjár sérgreinar, þ. e. skurðstofu-,
röntgen- og svæfingahjúkrun, og er það nám á
vegum sjúkrahúsa.
Stjórn Hjúkrunarfélags Islands hefur nýlega
borist ljósrit af bréfi Ingibjargar R. Magnús-
dóttur deildarstjóra í heilbrigðis- og trygginga-
málaráðuneytinu til Stefáns Ólafs Jónssonar
deildarstjóra í menntamálaráðuneytinu. Bréf
þetta, dags. 10. okt. 1974, fjallar um tillögur
um hlutverk Nýja hjúkrunarskólans. Stjórnin
er í öllum aðalatriðum sammála efni bréfsins
en telur þó að tillaga nr. 2, þ. e. um nám í sér-
Framh. á bls. 36.
TÍMARIT HJÚKRUNARFÉLAGS ÍSLANDS 25