Hjúkrun: tímarit Hjúkrunarfélags Íslands - 01.10.1978, Blaðsíða 36
verið skráð sem hér segir: 1949-55 175, 1956 180,
1957-59 219, 1960 221, 1961-62 219, 1963 238, 1964
240, 1965 272. í dag (1977) eru sjúkrarúm Landspítal-
ans talin vera 560 og fjölgar mjög með nýju geðdeild-
inni.
Sjúkrahús Hvítahandsins í Reykjavík
Hvítabandið var stofnað 1895 af konum í Reykjavík
og sinnti einkum bindindisstarfsemi auk almennra líkn-
armál. Sjúkrahús félagsins var opnað 1934 og taldist
rúma 33 sjúklinga. Sjúkrahúsreksturinn var í höndum
félagsins þangað til seint á árinu 1943, en þá afsalaði
Hvitahandið húseign sinni, Skólavörðustíg 37, ásamt
öllum sjúkrahúsbúnaði í hendur Reykjavíkurbæjar án
endurgjalds. Bærinn tók við rekstrinum og hefur haft
hann með höndum síðan. Arið 1956 teljast sjúkrarúm
43 og 1963 og síðan 44 .Sjúkrahúsið er nú rekið sem
nokkurs konar útibú frá Borgarspítalanum og er hluti
geðdeildarinnar þar til húsa.
Sjúkrahús Akraness
Starfsemi hófst 1952. Upphaflega skráð með 25
sjúkrarúmum. 1958 er bætt við 8 rúmum og eftir það
telst það 33 rúma sjúkrahús eða allt til dagsins í dag,
en síðastliðið vor var opnuð ný deild og eru nú 90
sjúkrarúm í sjúkrahúsinu.
Hjúkrunarheimilið Sólvangur í Hafnarjirði
Hóf starfsemi 1953, en þá voru tilbúin 80-90 rúma
elli- og hjúkrunardeild og 20 rúma fæðingardeild; auk
þess var fyrirhugaðri heilsuverndarstarfsemi staðarins
húið þar húsnæði. Starfsemin hófst með því að þangað
voru fluttir 29 vistmenn af elliheimili bæjarins. Sjúkra-
starfsemi og elliheimilisstarfsemi hefur illa tekist að
halda sundurgreindum ,eins og verða vill í slíku ná-
býli, svo torvelt sem það er að gera upp á milli sjúk-
legrar og heilbrigðrar elli. Starfsemi fæðingardeildar
hefur lítil orðið og upphaflegur rúmafjöldi hefur reynst
langt umfram þarfir. Geta má þess að Sólvangur hefur
gegnt því mikla hlutverki, að létta á aðalsjúkrahúsum
Reykjavikur með því að taka við sjúklingum að lokn-
um rannsóknum og virkum aðgerðum til framhalds-
meðferðar og hjúkrunar. Fjöldi rúma í Sólvangi hefur
verið eins og hér segir: 1953-61 100 rúm, 1962 134,
1963 er rúmafjöldinn fyrst sundurliðaður og telst á
hjúkrunarheimilinu 110, en á fæðingardeild 7; lækkun-
in nemur áætluðum fjölda heilhrigðra vistmanna.
30. júní 1975 var fæðingardeild lokað. Upphaflega
var gert ráð fyrir að á Sólvangi væri fólk sem gæti
hjálpað sér sjálft, en nú er svo komið að þar er nær
eingöngu sjúkradeild fyrir gamalt fólk, þ .e. langlegu-
deild. Breytingar á húsnæði á síðustu 10 árum hafa
einkum orðið þær að aðstaða öll, s. s. fyrir starfsfólk,
hefur stórbatnað.
Sjúkrahús Keflavíkur
Sjúkrahúsið var vígt 1954 og taldist lengi vel rúma
25 sjúklinga, en nú rúmast þar 30 sjúklingar. 1972 var
aukin aðstaða fyrir þjónustugreinar sjúkrahússins, en
nú er í byggingu viðhót og er 1. áfangi hálfnaður, en
þar á að vera þjónustuaðstaða fyrir 120 rúma sjúkra-
hús.
Bœjar/Borgarspítalinn í Reykjavík
Rekstur hans hófst 1955 til bráðabirgða í Heilsu-
verndarstöðinni sem mænusóttardeild vegna illvígs
mænusóttarfaraldurs í október 1955. 30 sjúkrarúm
töldust það ár. 1956 var samþykkt í bæjarráði að
sjúkradeildin skyldi vera lyflækninga- og farsótta-
deild.
1956-67 er spítalinn skráður með 60 rúmum. Nýi
spítalinn var opnaður 13. maí 1966, en þá var opnuð
röntgendeild. 1968 hættust tvær deildir við: lyflækn-
ingadeild (57 rúm af 76 fyrirhuguðum) ásamt lækn-
ingarannsóknadeild. Nú eru starfræktar 8 sjúkradeildir
með gjörgæsludeild í sjúkrahúsbyggingunni við Sléttu-
veg. Auk þess má nefna slysadeild, sem starfandi er í
sömu byggingu. Þar að auki starfrækir spítalinn ýmis
útibú s. s. Hvítabandið, Grensásdeild (endurhæfingar-
deild), Ilafnarbúðir og Arnarholt á Kjalarnesi, auk
hjúkrunar- og endurhæfingardeildar sem er til húsa í
Heilsuverndarstöðinni. Samtals teljast vera 425 sjúkra-
rúm á Borgarspítalanum og er þá allt meðtalið.
Sjúkraliús Selfoss
Opnað 1958. Sjúkrarúm eru talin 1958-59 11, en
1960 og síðan með 30 rúmum.
í byggingu er nýtt sjúkrahús á Selfossi, sem mun
bera nafnið Sjúkrahús Suðurlands og verður það í
eigu Árnessýslu, Rangárvallasýslu og Skaftafellssýslu,
ásamt Selfosshreppi og Selfosslæknishéraði. 1. áfangi
verður tilbúinn á sumri komanda og er fyrirhugað að
þar verði aðstaða fyrir heilsuverndarstarfsemi o. fl.
Talað hefur verið um að gamla sjúkrahúsið verði rek-
ið áfram, en óánægjuraddir hafa heyrst frá starfsliði,
vegna þess að viðhald sjúkrahússins hefur verið í lág-
marki upp á síðkastið.
Það skal sérstaklega tekið fram að allur kaflinn um
sjúkrahúsin er tekinn úr bók Vilmundar Jónssonar,
„Sjúkrahús og sjúkraskýli á íslandi í hundrað ár“, ým-
30
IIJÚKRUN