Tímarit hjúkrunarfræðinga - 01.12.1995, Blaðsíða 46
Fyrir greinahöfunda
Stefna
Stefnt er að útgáfu Tfinarits
hjúkrunarfræðinga sex sinnum á ári. Það
er vettvangur fræðilegrar og félagslegrar
umræðu um hjúkrun. I faglega hluta
tímaritsins eru birtar greinar um
hjúkrunarstörf, nýjar rannsóknir í
hjúkrun, viðtöl við fólk um hjúkrun og
aðrar faglegar upplýsingar sem eiga
erindi til hjúkiunarfræðinga. í félagslega
hluta blaðsins eða fréttahlutanum er
greint frá kjaramálum og því sem er að
gerast hjá félaginu.
Ritstjóri ber ábyrgð á að efni, útgáfa
og rekstur blaðsins sé í samræmi við
ritstjórnarstefnu þess.
Formaður félagsins ber ábyrgð á
félagslegu efni þess öðru en aðsendum
greinum. Höfundar aðsendra greina bera
ábyrgð á efni þeirra. Skoðanir sem í
þeim birtast þurfa ekki að samrýmast
stefnu Félags íslenskra
hjúkrunarfræðinga.
Ritstjóri ásaml ritnefnd leggur
metnað í að tímaritið sé vandað að því er
varðar málfar, útlit og efni. Áhersla er
lögð á að faglegar greinar standist
vísindalegar kröfur. Þess vegna setur
ritnefnd reglur um það hvernig
höfundum ber að skila efni til blaðsins.
Ritnefnd áskilur sér rétt til að birta
greinar eða hafna þeim og til að setja
greinar upp og aðlaga að útliti blaðsins.
Ávallt er leitað umsagnar
utanaðkomandi aðila um rannsókna- og
fræðigreinar.
Leiðbeiningar um ritun
fræðigreina
Greinahöfundar eru beðnir um að
skila greinum til Tímarits
hjúkrunarfræðinga, Suðurlandsbraut 22,
108 Reykjavík. Ef um rannsóknagreinar
er að ræða þá tekur vinnsla þeirra
lágmark þrjá mánuði eftir að þær berast
til blaðsins. Yfirleitt tekur skemmri tíma
að ganga frá öðru efni í blaðið.
152
Greinum skal skilað í þrfriti hverju
sinni. Endanlegri gerð skal skila á
tölvudisklingi. Hafið 4 sentimetra
spássíu á alla vegu. Þannig verður
línulengdin 13 sentimetrar á A4 en 14
sentimetrar á „US letter“ síðustærð.
Jafnið vinstra megin en ekki hægra
megin, notið tvöfalt línubil og 12 punkta
Times letur. Heimildalisti takmarkast af
tilvísunum í viðkomandi grein.
Vandið málfar og íslenskið erlend
orð ef unnt er. Sé um sjaldgæfa þýðingu
orða að ræða er erlenda orðið sett í sviga
aftan við það íslenska. Skammstafanir
eru útskýrðar í fyrsta skipti sem þær
koma fram. Myndir og teikningar þurfa
að vera nægilega skýrar til að hægt sé að
prenta eftir þeim.
Uppsetning greinanna skal vera
samkvæmt reglum ameríska
sálfræðingafélagsins. Upplýsingar um
þær er að finna í bókinni Publication
Manual of the American Psychological
Association og í íslenskri þýðingu í
bókinni Gagnfrœðakver handa
háskólanemum eftir Friðrik H. Jónsson
og Sigurð J. Grétarsson.
Heimildir: Fylgið reglum APA eins
og að ofan greinir og þá sérstaklega
íslensku þýðingunni í
Gagnfrœðakverinu. Fylgið þessum
reglum nákvæmlega og frá byrjun, það
sparar mikla vinnu áður en yfir lýkur.
Ljósrit af reglum þessum er hægt að fá
hjá Tímariti hjúkrunarfrœðinga.
Rannsóknagreinar
Auk framangreinds gildir
sérstaklega um rannsóknagreinar:
Titilsíða: Þar komi fram nafn
greinar og höfunda(r), starfsheiti og
upplýsingar um náms- og starfsferil.
Utdráttur: Utdráttur á að vera
stuttur (hámark 150 orð) og þýðing hans
á ensku á að fylgja. í útdrættinum á að
koma fram: Tilgangur rannsóknarinnar,
aðferð í grundvallaratriðum, helstu
athuganir, niðurstöður og ályktanir.
Frœðilegur bakgrunnur: I inngangi
þessa kafla á tilgangur rannsóknarinnar
að koma skýrt fram. í fræðilegri
umfjöllun er vísað á nauðsynlegar
heimildir en ekki gerð víðtæk fræðileg
úttekt á viðfangsefninu. Athugið vel að
heimildalistar og tilvísanir séu rétt og
samræmd.
Aðferð: Lýsið úrtaki,
rannsóknaraðferð (tilraun, könnun,
magnbundin, gæðabundin o.s.frv.),
mælitæki/spurningalista og
tölfræðiathugunum nægilega vel til að
aðrir geti endurtekið rannsóknina. Vísið
í heimildir að þeim aðferðum sem beitt
er ef þær eru til. Getið þess ef leyfi
rannsókna- eða siðanefnda var fengið til
að gera rannsóknina.
Niðurstöður: Niðurstöður eru settar
skipulega fram með töflum og myndum
sem í texta er vfsað skýrt í. Endurtakið
ekki nákvæmlega í textanum það sem
töflurnar sýna heldur dragið saman
aðalatriði. Stundum nægir að setja
einstaka niðurstöður fram með fáum
orðum í texta.
Umfjöllun: Hér er lögð áherslu á
þau atriði í rannsókninni sem eru ný og
ályktanir sem draga má af þeim. Dragið
ekki saman niðurstöður úr næsta kafla á
undan. Látið koma fram hvaða máli
niðurstöður rannsóknarinnar skipta,
takmarkanir þeirra og tengsl við aðrar
rannsóknir. Skoðið niðurstöðumar út frá
tilgangi rannsóknarinnar en varist
alhæfingar sem ekki eru studdar af
niðurstöðum. Gefið hugmyndir að nýjum
rannsóknum og tilgátum.
Þakkir: Berið einungis fram þakkir
til fólks sem hefur veitt mikla aðstoð við
verkefnið og að fengnu leyfi viðkomandi.
»•
TÍMARIT HJÚKRUNARFRÆÐINGA 4. tbl. 71. árg. 1995