Tímarit hjúkrunarfræðinga - 01.12.1995, Blaðsíða 32

AFMÆLISHÁTÍÐ
SSN
í tilefni af 75 ára afmæli Samvinnu hjúkrunarfræðinga á
Norðurlöndum 6. september sl. var efnt til hútíðahalda í
Kauphöllinni í Kaupmannahöfn. Kauphöllin er afar
virðuleg umgjörð fyrir svona tækifæri enda ein af þeim
frægu byggingum sem stórhuginn og konungurinn Kristjún
4. lét byggja um miðja 1 7. öld. Viðstaddir voru
heilbrigðisróðherrar Danmerkur og íslands og fulltrúar
annorra rikisstjórna á Norðurlöndum.
Með ráðherra ogformann i broddi fylkingar að lokinni
hátíðadagskrá i „B0rsen“. F.v. Sigriður Guðmundsdóttir,
Hildigunnur Friðjðnsdóttir, Ásta Möller, Ingibjörg Pálmadóttir
og Maria Pétursdóttir.
Kirsten Stallknecht bauð gesti velkomna
og sagðist á þeim stundu hafa á
tilfinningunni að hún væri í prófi og að
prófdómararnir væru hinar merku konur
sem efndu til samvinnu norrænna
hjúkrunarfræðinga árið 1920. Hún
sagðist samt óbangin við að standa
teinrétt og mæta augnaráði frumherjanna
því að nú væri meira líf í samvinnunni
en þeir hefðu nokkum tfmann þorað að
láta sig dreyma um í upphafi. Hún sagði
að frá byrjun hefði það einkennt
samstarfið að þar fæm hjúkmnar-
fræðingar með sameiginlega arfleifð sem
byggði á lýðræðislegum hugmyndum.
Draumur frumherjanna um stöðuga og
sterka menntun hjúkmnarfræðinga hefði
ræst. Hins vegar væri ekki alveg víst að
þeir yrðu hrifnir af nútíma lifnaðar-
háttum hjúkrunarfræðinga og
klæðaburði sem væri allt að því djarfur
miðað við árið 1920.
Danska söngkonan Kirsten
Siggaard flutti lög frá hverju
138
Norðurlandanna við undirleik Henrik
Krogsgárd. Þá flutti norska leikkonan
Anne Gullestad ljóðabálk um SSN.
Yvonne Herlpv Andersen,
heilbrigðismálaráðheiTa Dana, Ingibjörg
Pálmadóttir, heilbrigðis- og
tryggingamálaráðherra íslendinga, og
Vivian Wahlberg, prófessor við norræna
heilbrigðisháskólann, báru SSN
heillaóskir. Skeyti barst frá
Alþjóðasambandi hjúkmnarfræðinga.
Að lokum sleit Kirsten Stallknecht
dagskránni og bauð til móttöku í
húsnæði danska félagsins á Strikinu. Þar
voru léttar veitingar á boðstólum og
bókin „Fem svaner i flok“, sem fjallar
um sögu SSN, var kynnt.
Við hátíðahöldin vöktu Ásta Möller,
Sigþrúður Ingimundardóttir og Vilborg
Ingólfsdóttir töluverða athygli fyrir það
að þær skörtuðu íslenska þjóðbún-
ingnum. Fyrir vikið voru þær myndaðar í
bak og fyrir og myndir af þeim birtust í
dagblöðum og í tímaritum hjúkmnar-
fræðinga á Norðurlöndum.
ÞR
Ásta Möller, Vilborg Ingólfsdóltir og Sigjirúður
Ingimundardóttir vöklu athygli i íslenskum
þjóðbúningi.
OSK UM
TUNGUMÁLASTYRK
Samkvæmt lögum Samvinnu
hjúkrunarfræðinga á Norðurlöndum
(SSN) em norska, sænska og danska
viðurkennd tungumál á fundum. Það
þýðir að fulltrúar frá Finnlandi og
íslandi verða að geta talað eitt eða fleiri
þessara tungumála til að hafa gagn af að
taka þátt í fundunum.
Allir Islendingar læra eitt þessara
þriggja Norðurlandamála í grunnskóla
samkvæmt íslenskri löggjöf, flestir
dönsku, og það hjálpar sannarlega í
norrænni samvinnu. Samt sem áður
reynist þeim sem ekki liafa meiri þjálfun
í að tala tungumálin erfilt að beita sér í
umræðum á fundum. Það er þvingandi
aðstaða sem hinir sem geta talað á sfnu
móðurmáli þekkja ekki. Félag íslenskra
hjúkmnarfræðinga hefur auk þess þurft
að leggja í umtalsverðan kostnað við
þýðingar á erindum fyrir þing
samstarfsins. Bréf og önnur gögn, sem
send eru til SSN á vegum félagsins, em
hins vegar öll þýdd af starfsfólki
félagsins. Ef það væri ekki gert væri
kostnaður við þýðingar enn meiri.
Félag íslenskra hjúkrunarfræðinga
hefur fengið það hlutverk að standa fyrir
ráðstefnu um kjaramál á vegum SSN í
september á næsta ári. íslendingarnir,
sem undirbúa ráðstefnuna, hafa óskað
eltir að fá dönskunámskeið til að reyna
að liðka málbeinið svo að undirbúnings-
fundir verði markvissari og þeir geti
tekið virkari þátt í umræðunum.
Félag íslenskra hjúkrunarfræðinga
sótti um styrki til danska sendiráðsins og
til SSN til að halda námskeið fyrir þá
sem starfa á norrænum vettvangi fyrir
félagið. Danska sendiráðið hefur orðið
vel við þeim ósk og veitir styrk til að
hrinda hugmyndinni í framkvæmd í
vetur. Um framhaldið ríkir óvissa en
málið er í athugun hjá SSN og vonandi
fást jákvæð svör við umsókninni á næsta
stjórnarfundi SSN sem verður í vor. Hvað
sem öðru líður er liðsinni Finna víst
enda þeirra hagsmunir lfka að málið nái
fram að ganga.
ÞR
TÍMARIT HJÚKRUNARFRÆÐINGA 4. tbl. 71. árg. 1995