Tímarit hjúkrunarfræðinga - 01.10.2000, Page 7

Fyrir skömmu lauk fundi evrópskra
ritstjóra hjúkrunartímarita sem hald-
inn var í fyrsta sinn hér á landi.
Ritstjórarnir hittast reglulega til skiptis
í þeim iöndum sem eiga aðild að
samtökunum m.a. til að ræða ýmis
sameiginleg verkefni og aukna sam-
vinnu.
Þó aðstæður séu ólíkar milli land-
anna, bæði hvað varðar útgáfuaðila,
útgáfutíðni og fjölda starfsmanna,
eiga þau það sameiginlegt að fjalla
um þau hjúkrunarmálefni sem eru
efst á baugi í Evrópu á hverjum tíma.
Fyrir lítið tímarit á íslandi er samvinna
við þessa aðila ómetanleg. Það var
því ánægjulegt að geta haldið fund á
íslandi og kynnt fyrir þeim ýmsa
þætti hjúkrunar hér á landi.
Fundurinn var mjög árangursríkur
og í kjölfarið verða birtar ýmsar
greinar um hjúkrunarmálefni á íslandi
í hinum erlendu tímaritum. Að ósk
ritstjóranna fengu þeir kynningu á
íslenska heilbrigðiskerfinu og ýmsum
þáttum þess. í lok fundar var þeim
boðið að skoða göngudeild Bláa
lónsins þar sem góður árangur hefur
náðst í meðferð psoriasis og annarra
húðsjúkdóma. í næstu tölublöðum
verður höfð samvinna milli tímarit-
anna um ýmis heilbrigðismálefni sem
efst eru á baugi nú um stundir.
í þessu tölublaði birtist grein um
ofbeldi gegn konum sem áður birtist í
danska hjúkrunartímaritinu Syge-
plejersken. Ofbeldi gegn konum er
alheimsvandamál og hefur ýmsar
hliðar sem snúa að heilbrigðiskerfinu.
Á kvennaráðstefnunni í Kína 1995
var fjallað um nýjar áherslur í barátt-
unni gegn ofbeldi. Samráð við aðrar-
stofnanir skiptir þar meginmáli, svo
sem mannréttindasamtök og heil-
brigðisstofnanir ekki síst Alþjóðaheil-
brigðismálastofnunina, WHO. Ofbeldi
er brot á mannréttindum og hefur í
för með sér ýmiss konar heilsu-
vandamál eins og fram koma í
upplýsingum frá WHO. Það er því
mikilvægt fyrir heilbrigðisstéttir, ekki
síst hjúkrunafræðinga, að berjast
gegn þessari vá, læra að þekkja
ummerki ofbeldisins og hvernig hægt
er að koma í veg fyrir líkamlegar,
tilfinningalegar og sálrænar afleið-
ingar sem það hefur á þá sem búa
við það.
Tímarit hjúkrunarfræðinga • 4. tbl. 76. árg. 2000
191