Tímarit hjúkrunarfræðinga - 01.10.2000, Qupperneq 53

Bækur og
bæklingar
Þróun hjúkrunar á Barnaspítala
Hringsins
1980 - 1998 eftir Herthu W.
Jónsdóttur
PRÓUN HlOKRUNW k
*mcl |NSR'98°'1998
Ssr--
«*»"****"
$
er fjallað um þennan þríhyrning út frá
sjónarhorni barnahjúkrunarfræðingsins
og bent á hve víða og hvernig ótal
þræðir liggja á milli þessara hópa og að
enginn getur án hins verið þegar börn og
unglingar veikjast.
Bókin skiptist í fjóra meginkafla. Fyrsti
kafli ber yfirskriftina Barnaspítali
Hringsins og er þar drepið á sögu
barnadeilda, þátt Kvenfélagsins Hrings-
ins, rætt um meginhlutverk barnadeilda
og hugmyndafræði og stefnur í hjúkrun.
Annar kaflinn, sem er meginkafli
bókarinnar, heitir „Þróun hjúkrunar, þróun
hjúkrunarferlis, einstaklingshæfðrar
hjúkrunar og fjölskylduhjúkrunar á
Barnaspítala Hringsins". Þar er fjallað um
hugmyndafræði og nýjungar í hjúkrunar-
fræði og tengsl við alþjóðlegar rann-
sóknir og fræðigreinar. Enn fremur er
sagt hvernig horfið var frá verkhæfðri
hjúkrun til hóphjúkrunar, hvernig áhersla
var svo lögð á einstaklingshæfða hjúkrun
og í framhaldi af því fjölskylduhæfða
einstaklingshjúkrun. Sagt er frá nokkrum
þróunarverkefnum, sem hjúkrunarfræð-
ingar stóðu að, og bent á hvaða þættir
reyndust lyftistöng fyrir þróunina og
hvaða þættir voru letjandi og töfðu fyrir.
Þriðji kafli heitir: Foreldrar á sjúkrahúsum,
hlutverk, staða og aðbúnaður, og fjórði
kaflinn heitir Barnahjúkrunarfræðingurinn,
hver var staða og hlutverk barna-
hjúkrunarfræðinga 1980 og hver er hún í
lok 20. aldarinnar?
Bókin „Þróun hjúkrunar á Barnaspítala
Hringsins 1980 - 1998. Aðferðir og
hugmyndafræði í barnahjúkrun" kom út
fyrr á þessu ári. Hún er fyrsta bók sinnar
tegundar þar sem markvisst er skrifað
um þróun hjúkrunar innan tiltekinnar
sérgreinar yfir ákveðið árabil. Fortíðin er
skoðuð út frá hjúkrun í þeim tilgangi að
byggja undir frekari þróun hjúkrunar í
framtíðinni og jafnframt er skráð sú
þróun sem hjúkrunarfræðingar hafa
staðið að. Sett eru fram markmið og
fjallað um hvaða gagn sé hægt að hafa
af slíkri þróunarsögu og fyrir hverja slík
þekking nýtist. Eingöngu er fjallað um
tímabilið 1980 - 1998.
í formála segir höfundur frá megináhuga-
máli sínu er hún hóf störf sem hjúkrunar-
framkvæmdastjóri, en það var að stuðla
að og finna leiðir til markvissrar og
persónulegrar hjúkrunar fyrir hvert
einstakt barn og foreldra þess. Enn
fremur að auka fræðslu- og upplýsinga-
streymi milli barna, foreldra og
hjúkrunarfólks þannig að fullur skilningur
væri á hlutverki hvers og eins og stuðla á
þann hátt að vellíðan allra í þríhyrningn-
um barn - foreldri - starfsfólk. í bókinni
Hver kafli hefur nokkra undirkafla sem
eru þannig skrifaðir að þeir standa
nánast sjálfstæðir án þess að slitna úr
samhengi. Gífurlegar þjóðfélagsbreyt-
ingar hafa átt sér stað á því tímabili sem
bókin fjallar um þannig að staða
skjólstæðinga heilbrigðiskerfisins er mun
betri nú þar sem batalíkur hafa aukist og
heilbrigðiskerfið getur tekist á við, bætt
eða leyst ýmsa sjúkdóma eða mein sem
áður voru lítil eða engin ráð við og eykur
það nauðsyn þess að horfa markvisst
fram til 21. aldarinnar með ný tækifæri,
nýja þekkingu og nýjar vonir.
í lokakafla bókarinnar horfir höfundur til
framtíðar og ræðir um nokkrar af þeim
breytingum sem búast má við á næstu
árum.
Bókin er 175 síður og gefin út af
Landspítala - háskólasjúkrahúsi. Hún er
til sölu á skrifstofu hjúkrunarforstjóra á
Landspítala v/Hringbraut, á skrifstofu Fíh,
Suðurlandsbraut 22, og í Bóksölu
stúdenta v/Hringbraut.
Stómavörur
= Coloplast =
Coloplast býöur upp á fj Ibreytt úrval af
stómavörum viö allra hæfi, bæði eins og tveggja
hluta kerfi. Assura húðplatan hefur sérstaka
eiginleika. Hún situr vel og örugglega en fer
jafnframt vel meö húðina og er auðveld í notkun.
Pokar af öllum stærðum og gerðum fyrir allar
gerðir stómía svo og fjöldi aukahluta eins og
þéttihringir, næturpokar o.fl. Stómalínan okkar
er í stöðugri þróun sem leiðir til fjölda nýjunga
á hverju ári.
Margar stærðir af ileostómíupokum
bæði eins og tveggja hluta.
Öruggt og einfalt lokunarkerfi.
Mjúkar sjálflímandi klemmur.
Margar stærðir, góður filter, öruggt
og einfalt lokunarkerfi, mjúkir
og þægilegir pokar.
Margar stærðir af urostómíupokum
bæði eins og tveggja hluta. Öruggur
ventill sem hindrar bakflæði.
Mjúkur og þægilegur losunartappi
sem einfalt er að eiga við, líka
fyrir þá sem eiga erfitt
með fingrahreyfingar.
Fullkomin lína fyrir börn. Litlir
þægilegir pokar með sömu góðu
húðplötunni og öruggri læsingu.
Sætúni 8, 105 Reykjavík
S. 535 4000 • Fax: 562 1 878 |
Tímarit hjúkrunarfræðinga • 2. tbl. 76. árg. 2000
233