Tímarit hjúkrunarfræðinga - 01.10.2003, Síða 47

MINNING
j ...
María Anna Pétursdóttir
Alþjóðaheilbrigðismálastofnunarinnar í Kaup-
mannahöfn 1951 og 1954. Hún var fljótt fengin
inn í stjórn Félags íslenzkra hjúkrunarkvenna, en
þar var hún gjaldkeri 1945-58, ritari 1958-60 og
formaður 1964-74. Hún starfaði því í stjórn
Hjúkrunarfélagsins í tæp 30 ár. Hún starfaði
mikið með Sigríði Eiríksdóttur, sem var fyrsti ís-
lenski hjúkrunarfræðingurinn sem varð formaður
félagsins árið 1924, en hún var formaður í 36 ár
eða til ársins 1960. Nærri aldarfjórðungur skildi
þær að í aldri en Sigríður var fyrirmynd Maríu í
mörgu enda var hún eldhugi eins og María og þær
skildu báðar mikið eftir sig. I formannstíð Marfu
var byggt við Landspítalann, Borgarspítalinn var
reistur og heilsugæslustöðvar um allt land voru að
byrja að rísa. Þörfin fyrir vel menntaða hjúkrun-
arfræðinga var Maríu augljós, en stöðugur skortur
hamlaði hjúkrunarþjónustu í landinu. María
stuðlaði að því að kennsla í hjúkrunarfræði hófst
við Háskóla Islands árið 1973 og var hún fyrsti
námsbrautarstjórinn og kenndi þar að auki hjúkr-
unarsögu. María var skólastjóri Nýja hjúkrunar-
skólans frá því hann tók til starfa haustið 1972,
allt fram til ársins 1990 þegar skólinn var lagður
niður. Ég var námstjóri við skólann í mörg ár og
er sérstaklega þakklát fyrir þá samfylgd sem við
áttum þar. María skrifaði fyrstu og einu hjúkrun-
arsöguna sem skrifuð hefur verið á Islandi. Sú
bók var verðugt framlag og hefur orðið mörgum að
gagni. I henni er mikill og heillandi fróðleikur.
Félagsmálafrömuðurinn María
María lét gott af sér leiða á ótrúlega mörgum
sviðum, t.d. innan Samvinnu hjúkrunarfræðinga
á Norðurlöndum (SSN) og sem formaður Sam-
taka heilbrigðistétta. Þá lagði hún einnig sitt af
mörkum innan Krabbameinsfélagsins, Rauða
krossins, Bandalags kvenna í Reykjavík, Nor-
ræna húsmæðrasambandsins og sem formaður
Kvenfélagasambands Islands svo fátt eitt sé
nefnt. Maríu hlotnaðist einnig mikill heiður á
lífsleiðinni fyrir störf sín og var t.d. kjörin heið-
ursfélagi Hjúkrunarfélags íslands, Félags há-
skólamenntaðra hjúkrunarfræðinga, Bandalags
kvenna í Reykjavík og Kvenfélagasambandsins.
Hún var heiðruð af námsbraut í hjúkrunarfræði
við Háskóla Islands. Hún var sæmd Florence
Nightingale orðunni, æðsta heiðursmerki hjúkr-
unar, ásamt hinni íslensku fálkaorðu og stórridd-
arakrossinum.
Mannvinurinn og trúkonan María
María var mjög trúuð kona og hún var ein af þeim sem létu
verkin tala. Hún framkvæmdi gjarnan hugmyndir sínar strax
og það er yfirleitt mikill kostur. Eitt sinn er ég kom inn í Nýja
hjúkrunarskólann var hún að skrifa til leiðtoga Afríkuríkis í
þeim tilgangi að fá hann til að láta lausan samviskufanga.
Hún sagði við mig: „Eg fer áreiðanlega á einhvern svartan lista
fyrir þetta en það verður bara að hafa það.“ Eg gekk í Amnesty
International stuttu seinna. Þannig var María, hún var áhrifa-
mikil hugsjónakona og tilbúin að leggja sitt af mörkum í öll-
um málum. Ef hún trúði á eitthvað vann hún því fylgi með
oddi og egg en jafnframt af kurteisi, gleði og nánast gáska.
Hún var einstaklega skemmtileg og heillandi kona, hrifnæm-
ur fagurkeri sem elskaði umfram allt andlega fegurð. Hún
hafði mikinn eldmóð og var óþreytandi að gera öðrum gott.
Hún hrósaði af einlægni og leitaðist við að styrkja alla í kring-
um sig. Hún var glaðsinna og sá yfirleitt björtu hliðar lífsins.
Hún var miskunnsöm og efldi miskunnsemi þeirra sem í
kringum hana voru. Það er sú gjöf sem ég er ef til'Vill þakk-
látust henni fyrir.
Þegar ég lít til baka eftir samfylgd við Maríu í aldarfjórðung sé
ég fyrir mér brosið hennar, bros sem lýsti af hlýju, velvild og
jákvæðni. I þakklæti fyrir allt hið góða sem hún var okkur
samferðafólki sínu skulum við lofa Skaparann sem gaf okkur
svo mikið í þessari mætu heiðurskonu.
* Blessuð sé minning Maríu Onnu Pétursdóttur *
SigríOur Halldórsdóttir
Gjöf
Útskriftarhópur úr Hjúkrunarskóla íslands áriö 1943 hefur gefið
30.000 kr. í Minningarsjóö Kristínar Thoroddsen, til minningar
um Maríu Pétursdóttur, heiöursfélaga Fíh, f. 19.12.1919,
d. 4.9.2003.
Stjórn Félags íslenskra hjúkrunarfræöinga færir þeim Arngunni
Ársælsdóttur, Árnínu Guömundsdóttur, Ástu Björnsdóttur, Hall-
dóru Guömundsdóttur, Katrínu Arndal og Júlíönu Hinriksdóttur
bestu þakkir.
Timarit íslenskra hjúkrunarfræðinga 4. tbl. 79. árg. 2003
45