Tímarit hjúkrunarfræðinga - 01.10.2004, Síða 49

*
fjallar allt um að styrkja sjálfsmyndina.“ Hún
segir miklu skipta að byrja snemma að kenna
þessi atriði, sjálf byrjar hún að kynna börnum
í 6 ára bekk mikilvægi þess að læra að bera
ábyrgð á heilsunni.
Stefanía er skólahjúkrunarfraeðingur í Artúns-
skóla. „Mér finnst við skólahjúkrunarfræðingar
vera í svipuðum sporum og Stephanie í Banda-
ríkjunum eða þeir sem kenna heilbrigt líferni.
Við höfum að vísu ekki jafn mikinn tíma til
að kenna nemendunum en nú er unnið að því
að skólahjúkrunarfræðingar fái fleiri tíma með
nemendunum til að fræða þá. Menntakerfið og
heilbrigðiskerfið hér verða að fara að tala sama
tungumál. Það er til margvíslegt kennsluefni er
varðar lífsleikni í skólunum en það er ef til vill
ekki til mikið efni á heilbrigðissviði."
Stefanía ætlar að vinna meistaraverkefni á þessu
sviði, fylgjast með þeim breytingum sem verða í
kjölfarið á því að námsefnið verður kennt. „En ég
er alveg á byrjunarreit hvað þetta snertir en ætla
að fylgjast með frá upphafi, og fyrstu niðurstöður
verða byggðar á reynslu unglinganna og væntan-
legri viðhorfsbreytingu. Nýlega er komin könnun
sem gerð var á vegum Háskóla Reykjavíkur þar
sem 6% nemenda í 8. bekk sögðust vera tilbúin
til að verða foreldrar, en eftir að hafa gengið í
gegnum kennsluefnið „Hugsað um barn“ eru þeir
eflaust ekki jafn tilbúnir, a.m.k. hefur það verið
reynsla þeirra sem hafa notað efnið. Þremur árum
eftir að það var kennt í Halden í Noregi hafði
engin 17 ára stúlka orðið móðir en áður urðu 10
% unglingsstúlkna þungaðar. Ég vona svo að við
getum fylgt nemendunum eftir þannig að eftir 3
ár getum við séð hvernig þetta hefur skilað sér.
Ég held það skipti miklu máli að skólahjúkrunar-
fræðingar fái tækifæri til að kenna unglingunum
raunveruleikanám með tölvubarninu. Við lærum
mest á því að framkvæma hlutina, ræða saman og
bera saman bækur okkar. Við þroskumst og finn-
um sífellt betur hvernig þetta vinnur. Islendingar
erum opnir og tilbúnir til að takast á við nýja og
spennandi hluti og ég hef trú á að við getum skip-
ulagt líf okkar betur og haft stjórn á því hvernig
við bregðumst við ýmsu sem gerist í lífi okkar,“
segir hún að lokum.
Afsláttur af matarskömmtum
hjá Grænum kosti
Heilsubitastaðurinn Grænn kostur býöur hjúkrunarfræðingum
20% afslátt af matarskömmtum sínum og hafa margir notfært sér
þaö á fundum og á ýmsum deildum sjúkrahúsanna.
Grænn kostur hóf rekstur fyrir rúmum 9 árum á Skólavöröustíg
8, í nýju húsnæöi á horni Skólavörðustígs og Bergstaðastrætis en
Guðjón Bjarnason hannaði veitingastaðinn. Grænn kostur notar
ekki hvítt hveiti í matargerö sinni, engan sykur og ekkert ger.
Mjóikurvörur eru ekki notaðar við matargerðina en boðið upp á
ab-salatsósu, kryddaða fersku grænmeti og kryddjurtum. Kökurnar
eru einnig sykurlausar. Egg og ger er heldur ekki notaö við köku-
gerðina. Hjördís Gísladóttir, sem var annar af tveimur stofnendum
fyrirtækisins, er nú eini eigandinn. Kokkarnir eru þrír, Miehael
Levin, Sigurður Karl Guðgeirsson og Eydís Gunnarsdóttir.
Grænn kostur