Tímarit hjúkrunarfræðinga - 01.03.2008, Side 27
FRÉTTAPUNKTUR
Inflúensuveirur af stofni A
Veikindi í fæðingarorlofi
Veikindi í fæðingarorlofi teljast ekki til
veikindaforfalla og á starfsmaður ekki rétt
til launa þann tíma.
Veikindi barna
Annað foreldri á rétt á að vera frá
vinnu í samtals 10 vinnudaga (80 vinnu-
skyldustundir miðað við fullt starf) á
hverju almanaksári vegna veikinda barna
undir 13 ára aldri verði annarri umönnun
ekki komið við. í þessum fjarvistum
greiðast dagvinnulaun og vaktaálag skv.
- reglubundinni vaktskrá.
Veikindi/fráfall nákomina
í kjarasamníngum félagsins er ekki kveðið
á um fjarvistir vegna þessa að undanskildu
ákvæði um fráfall í kjarasamningi félagsins
við Launanefnd sveitarfélaga (LN) sem
fjallað er um hér á eftir.
Starfsmenn, sem starfa á kjarasamningi
félagsins við Launanefnd sveitafélaga
(LN), eiga rétt á eftirfarandi að auki.
Tæknifrjóvgun
Starfsmönnum, sem eru fjarverandi
vegna tæknifrjóvgunar, verði greidd dag-
vinnulaun og eftir atvikum vaktaálag skv.
reglubundinni vaktskrá (eins og vegna
veikinda barns) í allt að 15 vinnudaga
ef nauðsyn krefur. Starfsmaður skili
vottorði frá lækninum, sem framkvæmir
tæknifrjóvgunina, eða lækninum sem
sendir starfsmanninn í þessa aðgerð, en
þá verður það að koma fram á vottorðinu
að um slíka ákvörðun sé að ræða.
Fráfall
Við andlát nákomins ættingja eða
aðstandanda skal starfsmaður eiga rétt á
allt að 1/2 mánaðar fríi á venjubundnum
launum ef nauðsyn krefur.
Forföll af óviðráðanlegum ástæðum
Starfsmaður á rétt á leyfi frá störfum
þegar um óviðráðanlegar (force majeure)
og brýnar fjölskylduástæður er að ræða
vegna sjúkdóms eða slyss sem krefjast
tafarlausrar nærveru starfsmanns. Starfs-
maður á ekki rétt á launum frá atvinnu-
rekanda í framangreindum tilfellum.
Viðbótarréttindi hjá BHM
* Hjúkrunarfræðingar, sem starfa hjá hinu
opinbera eða hjá stofnunum sem reknar
eru að meirihluta fyrir almannafé, eiga
rétt á dagpeningum úr Styrktarsjóði BHM
sem nema 9.000 kr. fyrir hvern virkan
dag fyrir fullt starf og hlutfallslega fyrir
hlutastarf í allt að 1 ár eftir að veikindarétti
frá vinnuveitanda lýkur.
* Hjúkrunarfræðingar, sem starfa á
almennum markaði og eru með fulla aðild
að Félagi íslenskra hjúkrunarfræðinga og
BHM, eiga rétt á 80% af heildarlaunum
í allt að 1 ár eftir að veikindarétti frá
vinnuveitanda lýkur.
Stöðvið leghálskrabbamein
- áskorun frá leitarstöð
Krabbameinsfélagsins
Leghálskrabbamein er næstalgeng-
asta krabbamein meðal kvenna ef litið
er til heimsins alls. Á hverju ári greinast
í Evrópu 50.000 konur og 25.000
deyja af völdum þessa sjúkdóms. Við
íslendingar eigum því láni að fagna
að hérlendis er dánartíðni af völdum
leghálskrabbameins hvað lægst á
heimsvísu vegna vel skipulagðrar
leitar. Aðrar þjóðir, jafnvel innan
Evrópu, geta ekki státað af slíkum
árangri.
Evrópusamtökin ECCA (European
Cervical Cancer Association:
http://www.ecca.info) berjast fyrir
því að allar evrópskar konur hafi
sama rétt til bestu fáanlegra for-
varna gegn þessum sjúkdómi.
Leitarstöð Krabbameinsfélagsins
hefur borist beiðni frá ECCA um
aðstoð við að safna undirskriftum
á íslandi undir áskorun sem
nefnist á ensku „STOP Cervical
Cancer Petition“ en þar eru Evrópu-
þingið, framkvæmdastjórn Evrópu-
sambandsins og ríkisstjórnir allra
landa í Evrópu hvött til að veita öllum
evrópskum konum þennan rétt.
Þú getur skráð þig á http://www.
cervicalcancerpetition.eu/ - smelltu
á íslenska fánann og skráðu þig
inn sem stuðningsaðila. Markmiðið
er að fá undirskriftir frá einni
milljón íbúa í Evrópu. 15 febrúar
síðastliðinn höfðu samtals 143.017
skráð sig, þar af 7.429 á íslandi.
Tímarit hjúkrunarfræðinga - 1. tbl. 84. árg. 2008
25