Tímarit hjúkrunarfræðinga - 01.03.2008, Blaðsíða 32

Hrund Helgadóttir, hrundhelga@gmail.com
HJÚKRUNARSTÝRÐ HEILBRIGÐISÞJÓNUSTA
Heilbrigðisþjónusta, sem stýrt er af hjúkrunarfræðingum er að ryðja sér
til rúms í Bretlandi. Hér verður þessi þróun og gagnsemi þjónustunar
skoðuð. Eru íslenskir hjúkrunarfræðingar tilbúnir til þess að takast á við
slík viðfangsefni?
Hjúkrunarstýrð þjónusta í hraðri
þróun
Á síðasta áratug hefur heilbrigðisþjónusta,
sem stýrt er af hjúkrunarfræðingum,
rutt sér til rúms og farið hraðvaxandi í
Bretlandi. Þar í landi er helstu sóknarfæri
slíkrar þjónustu að finna í heimaþjónustu
og heilsugæslu, á hjúkrunarstofum,
göngudeildum sjúkrastofnana, lækna-
stofum heimilislækna og svokölluðum
walk-in centers. Bresk stjórnvöld hafa
hvatt til að slík þjónusta verði efld af
stjórnunarlegum ástæðum og litið svo
á að með því móti geti almenningur fyrr
fengið sérhæfða heilbrigðisþjónustu og
meðferð og að þannig sé betur hægt að
takast á við vandamál fólks, sem haldið
er langvinnum sjúkdómum, með eftirliti,
mati á heilsufari og meðferð. Markmiðið
er að þetta fólk haldi sem bestri heilsu
og þurfi sem minnst á stofnunum að
halda (Hatchett, 2003). Hugmyndafræði
hjúkrunarstýrðrar þjónustu er enn í þróun
en uppistaðan er nokkuð skýr nú þegar.
Gildi hjúkrunar eru í hávegum höfð auk
þess sem áhersia er lögð á að útvíkka
hlutverk hjúkrunarfræðinga þar sem þeir
flétta inn í störf sín ákveðinn hluta af verkum
Hrund Helgadóttir, hjúkrunar-
fræðingur, BS og meistaranemi
í hjúkrunarstjórnun við hjúkrunar-
fræðideild Háskóla íslands
30
Tímarit hjúkrunarfræðinga - 1. tbl. 84. árg. 2008