Tímarit hjúkrunarfræðinga - 01.03.2008, Síða 42

Stella Hrafnkelsdóttir og Alda Gunnarsdóttir, stellahr@landspitali.is
KYNNING Á FAGDEILD
LUNGNAHJÚKRUNARFRÆÐINGA
Tímarit hjúkrunarfræðinga heldur áfram að kynna
fagdeildir og er röðin nú komin að fagdeild
lungnahjúkrunarfræðinga. Deildin er 12 ára á
þessu ári og hefur margt gengið á síðan hún var
stofnuð en starfið og stjórnin er örugg og traust.
Upphaf stofnunar fagdeildar lungna-
hjúkrunarfræðinga má rekja til ferðar
þriggja hjúkrunarfræðinga frá Vífilsstöðum
á ráðstefnu lungnahjúkrunarfræðinga í
Bergen í Noregi árið 1994. Þær sem
fóru voru Alda Gunnarsdóttir, Stella
Hrafnkelsdóttir og Álfheiður Ólafsdóttir.
Þetta var fyrsta þing norrænna
lungnahjúkrunarfræðinga og var það
haldið í samstarfi við þing lungnalækna.
Þar hittust fulltrúar þeirra lungnafagdeilda
sem þegar höfðu verið stofnaðar, þ.e.
SLIF í Svíþjóð og NLFI f Noregi, fulltrúar
sem voru að undirbúa stofnun fagdeildar í
Danmörku auk fulltrúa frá íslandi, Finnlandi
og Færeyjum. Mikill áhugi var fyrir því að
efla norrænt samstarf og voru lögð drög
að því í Bergen. Ráðstefnan í Bergen
stendur upp úr fyrir margra hluta sakir,
einkum fyrir þau áhrif sem hún hafði á
okkur og hvernig hún fyllti okkur eldmóði.
í framhaldi af því tókum við ákvörðun um
að stofna eigin fagdeild. Tveimur árum
seinna var hist í tengslum við norræna
lungnaráðstefnu sem haldin var í Lundi
og sátu tveir íslenskir fulltrúar aðalfund
fagdeildar lungnahjúkrunarfræðinga í
Svíþjóð.
Stofnun fagdeildarinnar krafðist mikils
undirbúnings og var leitað til Helgu
Jónsdóttur, nú prófessors í hjúkrun,
eftir liðsauka. Auk þess var leitað til
hjúkrunarfræðinga á helstu sjúkrahúsum
landsins, verkefnið kynnt þeim og þeim
boðin þátttaka.
Jónína Sigurgeirsdóttir frá lungnadeildinni
á Reykjalundi og Jónína Óskarsdóttir
frá lungnadeildinni á Borgarspítalanum
komu til samstarfs við okkur. Margir
undirbúningsfundir voru haldnir í fundar-
herbergi Vífilsstaðaspítala. Lögð var mikil
vinna í að semja reglur fagdeildarinnar og
var stuðst við reglur frá Félagi íslenskra
hjúkrunarfræðinga og reglur annarra
fagdeilda. Ýmislegt gekk á við stofnun
fagdeildarinnar og fannst sumum oft nóg
um og héldu reyndar í upphafi að þetta
ætti bara að vera eins konar saumaklúbbur
þar sem væri hist til skrafs og ráðagerða.
En reyndin varð önnur. Til dæmis var ekki
hlaupið að því að fá nafn fagdeildarinnar
samþykkt og voru heilmikil bréfaskrif á
milli okkar og þáverandi formanns FÍH.
Hugnaðist formanni félagsins ekki nafnið
fagdeild lungnahjúkrunarfræðinga og þótti
það vísa til þess að við værum að hjúkra
lungum en ekki sjúklingum og að heitið
lungnahjúkrunarfræðingurværiekkitil. Kom
hún með ýmsar hugmyndir að nöfnum svo
sem fagdeild hjúkrunarfæðinga sem vinna
við hjúkrun lungnasjúklinga. Var að lokum
leitað álits hjá íslenskri málstöð sem gerði
ekki athugasemd við nafnið. Niðurstaða
umræðna var sú að stjórn fagdeildarinnar
færi þess á leit við FÍH að nafn þetta
myndi skoðast sem nýyrði og viðbót við
íðorðasafn hjúkrunarfræðinga. Fékkst heiti
fagdeidarinnar þar með samþykkt.
Stofnfundur fagdeildar lungnahjúkrunar-
fræðinga var haldinn í húsnæði Félags
íslenskra hjúkrunarfræðinga 9. maí 1996.
Við hæfi þótt að þeir sem stóðu að stofnun
fagdeildarinnar sætu í fyrstu stjórninni og
lagði Helga það til á stofnfundinum og var
það samþykkt rússneskri kosningu. Fyrsta
stjórn deildarinnar var því þannig skipuð:
Alda Gunnarsdóttir, formaður
Stella Hrafnkelsdóttir, gjaldkeri
Jónína Sigurgeirsdóttir, ritari
Jónína Óskarsdóttir, meðstjórnandi
Helga Jónsdóttir, meðstjórnandi
Endurskoðendur: Anna S. Ólafsdóttir og
Steinunn Ólafsdóttir.
Ástofnfundinnkom21 hjúkrunarfræðingur
en þeim fjölgaði fljótlega í 30 og eru
félagsmenn núna um 70 talsins.
í upphafi var lögð mikil áhersla á að
í tengslum við fundi væri boðið upp
á metnaðarfulla fræðslu og hefur verið
staðið við það. Margir góðir fyrirlestrar
um málefni lungnasjúklinga hafa verið
haldnir. Undantekningalaust hefur verið
góð mæting.
En hver var tilgangurinn með stofnun
fagdeildarinnar? í fysta lagi vildum við
stuðla að bættri hjúkrun lungnasjúklinga
með því að bæta menntun og hvetja
hjúkrunarfræðingatilaðaukahæfnisínaog
þekkingu. Einnig vildum við auka samstarf
milli hjúkrunarfræðinga á stofnunum sem
annast lungnasjúklinga og efla tengsl
við hjúkrunarfræðinga erlendis. Þá var
okkur ofarlega í huga að auka möguleika
hjúkrunarfræðinga til áhrifa á stefnumótun
í heilbrigðisþjónustu varðandi málefni
lungnasjúklinga. Einnig vildum við efla
tengsl við hjúkrunarfræðideild Háskóla
íslands og heilbrigðisdeild Háskólans á
Akureyri og vera til ráðgjafar í því sem
snýr að hjúkrun lungnasjúklinga.
Margt hefur áunnist frá stofnun
fagdeildarinnar og hefur verið unnið
ötullega að ýmsu sem snýr að málefnum
40
Tímarit hjúkrunarfræðinga - 1. tbl. 84. árg. 2008